Albert Einstein
Profesa:	Fisiciste
Pais:	Statos Unida de America
Dia de nase:	14 marto 1879
Site de nase:	Ulm, Rena de Württemberg, Impero Deutx
Dia de mori:	18 april 1955 (76 anios)
Site de mori:	Princeton, New Jersey, Statos Unida de America

Albert Einstein (* 14 marto 1876 en Ulm/Deutxland, † 18 april 1955 en Princeton [Prinston]/SUA) ia es un de fisicistes la plu importante de la sentenio 20.

Se laboras la plu importante es la Teorias de Relatalia: La varia Spesial (1905) e la varia Jeneral (1916). El ia labora ance a la teoria de cuantumes. En 1921 Einstein ia reseta la Premio Nobel per se laboras supra la Efeta Foto-eletrical.

Einstein ia atenta unir la tota fisica en un Unica Teoria de Campos ma no ia susede. - Esta taxe ance aora no es solvada.

Einstein ance ia es un combator per la pas. Pos la descovre de la fende nucleal par Otto Hahn en anio 1938, la mundo ia vive con un menasa posable de armas nucleal. En anio 1939 Einstein ia enscrive un nota a la presidente de SUA, Franklin D. Roosevelt, ce ia averte ante la developa de tal arma par Deutxland. De esta causa los ia comensa un programa de la developa de un mesma bomba nucleal. Einstein ma no partisipa de tal laboras. Pos la esplode de la bomba nucleal a 6 agosto 1945 en Hiroxima - la americanes ia usa tal arma contra umanas a prima ves e asta aora como sola stato - Einstein ia dise per un supravise internasional de armas.