FANDOM


Alexandro la Grande
AlexandreLouvre
Pais Macedonia
Profesa Re, faraon
Dia de nase 20/21 julio 356 aec
Loca de nase Pella
Dia de mori 10/11 junio 323 aec
Loca de mori Babilon

Alexandro la Grande (o Alexandro 3 de Macedonia, 20/21 julio 356 aec - 10/11 junio 323 aec) (elinica: Ἀλέξανδρος ὁ Μέγας, de ἀλέξω "defende, aida" + ἀνήρ "om") ia es un re de Macedonia, un stato en Elas norde antica. El ia nase en 356, e ia es instruida par la filosofiste grande Aristotele asta la eda de des-ses. A la eda de tredes, el ia crea un de la imperos la plu grande de la mundo antica, un impero cual ia estende de la Mar Ionio a la Himalaias. El ia es nonvinseda en batalia e es declarada un comandor la plu susedosa en istoria.

Alexandro ia segue se padre, Filippo 2 de Macedonia, a la trono en 336 aec pos la asasina de Filippo. Alexandro ia erita un rena forte e un armada esperiosa. El ia es donada la jeneralia de Elas e ia usa se autoria per comensa la intendes de se padre per estende militar se rena. En 334 aec, el ia invade Anatolia, cual ia es renada alora par la persianes, e ia comensa un serie de batalias cual ia dura des anios. Seguente, el ia suverti la re de la persianes, Darius 3, e ia concista intera la Impero Persian asta la Rio Indo.

El ia invade India en 326 aec, ma ia es forsada verje a retro par la demandas de se soldatos. Alexandro ia mori en Babilon en 323 aec, sin la esecuta de se campanias intendeda cual ta ia comensa con la invade de Arabia. En la anios pos se moria, un series de geras interna ia rende se impero, cual resulta en alga statos separada fisurida par la Diadoci, la jenerales e eritores survivente.

La lega de Alexandro inclui la difusas cultural causada par se concistas. El ia funda sirca dudes sites cual ia es nomida con se nom, incluinte la plu notable, Alexandria en Egipte. La coloni de se impero par elinicas e la estende de se cultur en la este ia resulta en un sivilia elinica nova, de cual partes ia es ancora evidente en la cultur de la Impero Bizantian en la sentenio 15. Alexandro ia deveni lejendal como un eroe clasica simil a Acile, e el apare clar en la istoria e mitos de cultures elinica e nonelinica. El ia deveni un model per xefes militar e academias militar tra la mundo ensenia ancora se taticas.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.