Alfabeta de canadianes orijinal
From Vici de LFN
La alfabeta de canadianes orijinal (Canadian Aboriginal Syllabics) es un familia de alfabetas silabal usada per scrive alga linguas de la canadianes orijinal. La linguas ce usa oji esta sistem inclui tota dialetos de cri, la linguas inuit en Quebec e Nunavut, e la ojibue en Canada ueste. El es usada en la pasada par la blackfoot e alga de la linguas na-dene de Canada ueste.
La alfabeta es inventada par James Evans, un misionor de la metodistes de England. El ariva en Canada en 1827 e ia es la dirijor de la mision, prima a la ojibue e plu tarde a la cri. Nota ce alga persones crede ce la alfabeta ia es inventada par la canadianes orijinal mesma.
La alfabeta es un alfabeta silabal, con un simbol per la consonante ma no simbol separeda per la vocal. En loca de un simbol, la vocal es representada par torse la simbol consonantal en otra dirijes. Per esemplo, "p" es un angula simple en cri. Como ᐱ, el sinifia "pi"; como ᐯ, el sinifia "pe"; como ᐸ, el sinifia pa; e como ᐳ, el sinifia po. La table a su mostra la simboles orijinal simple:
1840 -a -o -i -e - ᐊ ᐅ ᐃ ᐁ p- ᐸ ᐳ ᐱ ᐯ t- ᑕ ᑐ ᑎ ᑌ k- ᑲ ᑯ ᑭ ᑫ c- ᒐ ᒍ ᒋ ᒉ m- ᒪ ᒧ ᒥ ᒣ n- ᓇ ᓄ ᓂ ᓀ s- ᓴ ᓱ ᓯ ᓭ y- ᔭ ᔪ ᔨ ᔦ
A plu, simboles esiste per poca sonas final. Cada lingua ave un sistem simil, con plu o min simboles, dependente de la fonetica de la lingua. Car la linguas usa poca consonantes e vocales, ma ave parolas longa, esta moda de scrive es multe usable, e la popla ia adota la sistem con zelia.
| Sistemes de scrive | model | ||
| Logografia | Xines | Ieroglifes | Cuneoforma | ||
| Alfabetas silabal | Katakana | Hiragana | Tsalagi | Canadianes orijinal | ||
| Alfabetas consonantal | Alfabeta orijinal | Fenesian | Aramaian | Ivri | Nabatean | Arabian | Surian | ||
| Alfabetas cuasi-completa | Itiopian | Brami | Devanagari | Cusana | Gupta | Granta | Calinga | Tibetan | Caxmiri | Gurmuci | Gujurati | Sindi | Bangal | Oria | Tai | Mianmar | Sinales | Tamil | Telugu | Canares | ||
| Alfabetas completa | Elinica | Etruscan | Latina | Cirilica | Haiaren | Hangul | Runas | Gotica | Eres | Ogam | Glagolitica | Cartuli | Deutx | Coptica | Uigur | Mongol | ||
| Otra cosas | Trascrive | Alfabeta Fonetical Internasional | Alfabetas per LFN | ||
