Fandom

Vici de LFN

Alfabeta ivri

3,785pages on
this wiki
Add New Page
Talk0 Share

La alfabeta ivri es la alfabeta usada per scrive la lingua ivri, ambos ivri moderne (un de la linguas ofisial de Israel) e ivri vea (la ivri usada en la Tenah). Ance la ides (un lingua germanica) e en alga veses la ladino (un lingua roman) es scriveda con la alfabeta ivri. La leteras es lejeda de destra a sinistra.

Ivri Edit

Consonantes

Alga consonantes ave du formas. En la table a su la forma sinistra es la letera final ce es usada sola a la fini de un parola, donce a la sinistra. Esta forma es clamada sofit. Per esemplo, la letera k a la fini es kaf sofit (ך).

Alga consonantes ave du sonas: un sona dur (plodentes como p) e un sona mol (fricantes como f). Si un letera ave un sona dur, donce el es scriveda con un punteta en la media, un dagesh, ce la sona mol manca a tota tempo. A alga veses, un sona mol es scriveda con un linieta supra la letera, un rafe. Donce, esta leteras ave tre formas:

  1. ב per ambos /b/ e /v/
  2. בּ es con dagesh per /b/
  3. בֿ es con rafe per /v/
Vocales

La alfabeta ivri orijinal no ia ave vocales. A plu tarda, alga consonantes ia deveni usada per indica vocales ance. Esta consonantes es clamada con la terma latina mater lectionis. Aroa la vocales es scriveda como sinietas (puntetas e linietas) su la leteras. Esta sinias es clamada nikud (נִקּוּד) e los es scriveda su la consonante ante la vocale.

Alfabeta ivri
Consonantes
final letera nom sona (IPA) transcrive numero
א Alef - ' 1
ב Bet /b/ /v/ b / v 2
ג Gimel /g/ g 3
ד Dalet /d/ d 4
ה He /h/ h 5
ו Vav /v/ v 6
ז Zayin /z/ z 7
ח Khet /x/ ch 8
ט Tet /t/ t 9
י Yod /j/ i 10
ך כ Kaf /k/ /x/ c / ch 20
ל Lamed /l/ l 30
ם מ Mem /m/ m 40
ן נ Nun /n/ n 50
ס Samekh /s/ s 60
ע Ayin - ' 70
ף פ Pee /p/ /f/ p / f 80
ץ צ Tsade /ts/ ts 90
ק Kof /k/ c 100
ר Resh /r/ r 200
ש Shin /ʃ/ /s/ x / s 300
ת Taf /t/ t 400
  
Alfabeta ivri
Vocales
longa corta multe
corta
sona (IPA) transcrive
ָ ַ ֲ /a:/ /a/ /a'/ a
ֵ ֶ ֱ /e:/ /e/ /e'/ e
וֹ ָ ֳ /o:/ /o/ /o'/ o
וּ ֻ   /u:/ /u/ u
יִ ִ   /i:/ /i/ i
Par junta du puntetas vertical (shua) la vocal deveni multe corta (khataf).
La o corta e la a longa ave la mesma nikud.
Cada nikud ave un nom:
nikud nom
ְ shua
ַ patakh
ֲ khataf patakh
ֶ segol
ֱ khataf segol
ָ kamets
ֳ khataf kamets
ִ khirik
יִ khirik yod
ֵ tsere
ֻ ckubuts
וֹ kholam
וּ shuruk
Consonantes con du sonas
letera sona dagesh sona rafe sona
ב /b/ /v/ בּ /b/ בֿ /v/
כ /k/ /x/ כּ /k/ כֿ /x/
פ /p/ /f/ פּ /p/ פֿ /f/
letera sona shin sona sin sona
ש /ʃ/ /s/ /ʃ/ /s/
  
Mater lectionis: consonante per vocal
letera nom sona
א Alef longa, a multe veses /a:/
ה He /a:/ /e:/ /e/
ו Vav /u/ /o:/
י Yod /e:/ /e/ /i/

IdesEdit

Ides usa la alfabeta ivri en forma simplida: el no ave la sinias diacritical (como nikud, dagesh e rafe) e el usa sola 22 consonantes. A alga ves, la nomes de leteras ides difere un poca.

Consonantes

La ides ia simpli la alfabeta ivri. La alfabeta ivri ofre plu leteras per un sona. Per esemplo, la /s/ es scriveda con cuatro leteras diferente (ש / שׂ / ס / ת). A la pasada la leteras diferente ave sonas diferente ance, ma durante la anios la diferes ia desapare. Min sonas ia resta. La ides ia eleje un letera per cada sona restante e ia nesesa no plu la otra leteras. Sola la parolas de orijina semitica es scriveda en se leteras orijinal. Parlores ides pote leje la leteras ivri restante sin problemas.

Leteras ides compareda a leteras ivri
Consonantes
ides ivri
final letera sona nom nom sona final letera
  א - Shtumer alef Alef /'/   א
      Beis Bet /b/   בּ
  ב /b/ Beis Bet / Vet /b/ /v/   ב
    Veis Vet /v/   בֿ
  װ /v/ Tsvei vovn        
  ו /u:/ vocal Vov Vav /v/   ו
  ג /g/ Giml Gimel /g/   ג
  ד /d/ Daled Dalet /d/   ד
  ה /h/ Hei He /h/   ה
      Hei He /h/   הּ
      Ches Khet /x/   ח
ך כ /x/ Khof Khaf / Kaf /x/ /k/ ך כ
      Cof Kaf /k/   כּ
  ק /k/ Kuf Kof /k/   ק
  י /j/ Yud Yod /j/ /i/   י
  ל /l/ Lamed Lamed /l/   ל
ם מ /m/ Mem Mem /m/ ם מ
ן נ /n/ Nun Nun /n/ ן נ
  ע /e/ Ayin Ayin /-/   ע
פּ פּ /p/ Pei Pe /p/ ףּ פּ
      Pei Pe / Fe /p/ /f/ ף פ
ף פֿ /f/ Fei Fe /f/ ף פֿ
ץ צ /ts/ Tsadek Tsade /ts/ ץ צ
  ר /r/ Resh Resh /r/   ר
  ז /z/ Zayen Zayin /z/   ז
זש /ʒ/ Zayen shin        
ש /ʃ/ Shin Shin / Sin /ʃ/ /s/   ש
      Xin Shin /ʃ/   שׁ
      Sin Sin /s/   שׂ
  ס /s/ Samekh Samekh /s/   ס
    /s/ Sof Thaf /t'/   ת
      Tof Taf /t/   תּ
ט /t/ Tes Tet /t/   ט
esplica
ides ivri
nonides, vide ivri diferente entre ivri e ides
Nota: En esta table no tota leteras es en segue de alfabeta.

Alga leteras es moveda per compare mesma sonas

Vocales

La diferente la plu grande entre ides e ivri es la vocales. En la ides la vocales es leteras e no plu nikud. La leteras es deriveda de nikud ma los no es scriveda como la puntetas e linietas su e supra la consonantes. Asi la table de vocales en ides:

Leteras ides
Vocales
letera nom sona transcrive esplica
אָ Komets alef /o:/ o deriveda de alef con komets
אַ Pasech alef /a:/ a deriveda de alef con patakh
ײַ Pasech tsvei iudn /a:y/ ai deriveda de patakh yod yod ("yaay")
יִ Khiric yud /i:/ i pote es scriveda simple como yud י ma no ante o pos un vocal o un otra yud
י Yud /y/ i es /y/ ante o pos un vocal, o otra ves /i:/
ײ Tsvei yudn /e:y/ ei
ו Vov /u:/ u
װ Tsvei vovn /v/ v
ױ Vov yud /oy/ oi
Per evita confusa con la ses leteras ultima a supra, nos ave tre regulas:
וּ Melupm vov En vov vov nos usa un dagesh en la vov prima per difere וּו per /uu/ de װ per /v/
En vov yud nos usa un dagesh en la vov prima per difere וּי per /uy/ de ױ per /oy/
יִ Khiric yud simpli a י (yud) es nonposable ante o pos un vocal per difere (per esemplo) entre ײ per /ey/ e ייִ per /yi:/
א Shtumer alef es un consonante sin sona; si un parola comensa con un vocal, donce la shtumer alef debe es la letera prima (como con la nikud vea, la vocales ides debe es portada par un consonante)

A multe veses nos pote, si nos vole, simpli la leteras - mesma si el pare rompe la regulas:

  • La khirik yud en la parola "yidish" (ייִדיש) pote es scriveda como yud (יידיש) per ce asi confusa supra la leteras ייִ e ײ per /ey/ no es posable. Per "eidish" la parola ia debe comensa con un alef (איידיש).
  • la sona /uv/ es scriveda como וּװ (vide regulas) e per abitua nos scrive ance װוּ per /vu/, mesma si no vov segue la vov dagesh.


Sistemes de scrive model
Logografia Xines | Ieroglifes | Cuneoforma
Alfabetas silabal Katakana | Hiragana | Tsalagi | Canadianes orijinal
Alfabetas consonantal Alfabeta orijinal | Fenisia | Aramea | Ivri | Nabatea | Arabi | Suri
Alfabetas cuasi-completa Itiopian | Brami | Devanagari | Cusana | Gupta | Granta | Calinga | Tibetan | Caxmiri | Gurmuci | Gujurati | Sindi | Bangal | Oria | Tai | Mianmar | Sinales | Tamil | Telugu | Canares
Alfabetas completa Elinica | Etrusca | Latina | Cirilica | Haiaren | Hangul | Runas | Gota | Eres | Ogam | Glagolitica | Cartuli | Deutx | Copta | Uigur | Mongol | Shaw | Deseret
Otra cosas Transcrive | Alfabeta Fonetical Internasional | Alfabetas per LFN

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.