Alfabeta latina
From Vici de LFN
La alfabeta latina (ance clamada la alfabeta roman) es la alfabeta plu comun en la mundo. Se orijin es en la scrive de la Romanes per se lingua latina, e ia estende tra Europa e partes de Asia e Africa con la Impero Roman. La alfabeta ia estende ance a la popla germanica e celtica, e alga popla slavica ance. Cuando la europanes ia concista e coloni partes de Africa e Asia, e tota de la Americas, los trae los linguas e alfabetas ance.
La alfabeta latine es derivada de la alfabeta elinica e de la alfabetas simila de otra popla de Italia ance derivada de la alfabeta elinica. La plu importante de los ia es la Etruscanes. La romanes usa la C per la sona de kapa, e crea la G per la sona de gama. Los ance junta la leteras K, Y, e Z per trascrive testos elinica. Plu tarde, el inveni la J de I e la U de V, per difere la vocales de la consonantes. La letera W es introdui par la engles en la Eda Media.
Ance en la Eda Media, monces usa formas plu simple e poca per copia la biblia e otra testos. Los formas deveni la leteras poca de la alfabeta latina moderne, e la leteras orijinal deveni sola usada per la leteras grande.
La tota alfabeta:
A B C D E F G H I J K L M N O P Q R S T U V W X Y Z
a b c d e f g h i j k l m n o p q r s t u v w x y z
Lingua Franca Nova no usa K, Q, W, o Y (eseta en alga nomes propre), e sola usa H en un poca de trascrives de nomes per persones e nasiones.
Otra linguas no usa alga de la leteras, e junta varias de leteras o usa diacriticas (como ´, `, ¨, e otras) per indica sonas ce no es representada par la alfabeta latina simple.
| Sistemes de scrive | model | ||
| Logografia | Xines | Ieroglifes | Cuneoforma | ||
| Alfabetas silabal | Katakana | Hiragana | Tsalagi | Canadianes orijinal | ||
| Alfabetas consonantal | Alfabeta orijinal | Fenesian | Aramaian | Ivri | Nabatean | Arabian | Surian | ||
| Alfabetas cuasi-completa | Itiopian | Brami | Devanagari | Cusana | Gupta | Granta | Calinga | Tibetan | Caxmiri | Gurmuci | Gujurati | Sindi | Bangal | Oria | Tai | Mianmar | Sinales | Tamil | Telugu | Canares | ||
| Alfabetas completa | Elinica | Etruscan | Latina | Cirilica | Haiaren | Hangul | Runas | Gotica | Eres | Ogam | Glagolitica | Cartuli | Deutx | Coptica | Uigur | Mongol | ||
| Otra cosas | Trascrive | Alfabeta Fonetical Internasional | Alfabetas per LFN | ||
