Fandom

Vici de LFN

Alfabeta orijinal

3,786pages on
this wiki
Add New Page
Talk0 Share

La alfabeta orijinal ia es developeda par un popla semita ci abita en o prosima a Egipte, cisa en la deserto Sinai.(1) Los ia funda el sur la idea developada par la egipsianes, ma ia usa se simboles propre. La alfabeta ia es adotada par se visina e relatadas a la este e norde, la cananites, la ivris, e la fenesias. La fenesias ia porta se alfabeta a otra poplas de Asia sude-ueste e a la arabis, eleinicas, e etruscanes, e a la area de Espania moderna. La leteras e nomes a la sinistra es los ci la fenesias ia usa. Recorda ce la leteras ia es reversada, car la fenesias ia scrive de sinistra a destra. A alga veses, leteras es reversada a se lado.

Vide ance la Evolui de alfabetas.


Aleph 'alef, la bove, ia comensa como un desinia de la testa de un bove. El sinifia un sona esplodente glotal ante un vocales. La elinicas, ci ia nesesa simboles vocale, ia usa el per alfa (A). La romanes ance ia usa el per A.
Beth Beth, la casa, cisa ia es derivada de un simbol egipsian plu retangulo, de un abita fa de canas, ma la sona de acel simbol ia es como h. La elinicas ia clamada el beta (B). La romanes ance ia usa el per B.
Gimel Gimel, la camel, cisa ia es orijinal la desinia de un baton per lansa, como un bumerang. La elinica ia clamada el gama (Γ). La etruscanes - ci no ia ave un sona g - ia usa el per se sona c, e ia dona el a la romanes per C. La romanes ia junta un bara corte per cambia el a G.
Daleth Daleth, la porte, posible ia es un pex. La elinicas ia cambia el a delta (Δ) e ia dona el a la romanes per D.
Hehe He posible ia sinifia un fenestra, ma ia representa orijinal un om de la fronte, con brasos a alta, clamante o predante. La elinicas ia usa el per la vocale epsilon ("E simple"). La romanes ia usa el per E ance.
Waw Waw, la onca, posible ia representa un rompetesta. La elinicas ia usa un varia cual ia es simil a nos F, cual los clama digama, per la numero ses. Esta ia es usada par la etruscanes per V, e los ia dona el a la romanes per F. La elinicas ia ave un varia du - upsilon (Υ) - cual los move a la fini de se alfabeta. La romanes usa un varia de upsilon per V, cual es plu tarde scriveda ance como U, e adota la forma elinica per Y. En la sentenio sete, la popla engles ia crea la W, o "duple U."
Zayin Zayin cisa ia sinifia un spada o otra arma. La elinicas ia usa el per zeta (Z). La romanes ia adota el plu tarde per Z, e pone el a la fini de se alfabeta.
Heth H.eth, la ensirca, ia es un consonente de "garga profunda" (farinjal). La elinicas ia usa el per la vocale eta (H), ma la romanes ia usa el per H.
Teth Teth cisa representa orijinal un fuso. La elinicas ia usa el per theta (Θ), ma la romanes, ci no ia ave la sona de th, ia lasa el cada.
Yodh Yodh, la mano, ia comensa como un desinia de la brase completa. La elinicas ia usa un varia simple de el per iota (I). La romanes ia usa el per I, e plu tarde ia junta un varia per J.
Kaph Kaf, la caveta de la mano, es adotada par la elinicas per kappa (K), e ia dona el a la romanes per K.
Lamedh Lamedh ia comensa como un desinia de un baton per la pastor de boves. La elinicas ia usa el per lambda (Λ). La romanes ia versa el a L.
Mem Mem, la acua, ia deveni la elinica mu (M). La romanes ance ia usa el como M.
Nun Nun, la pex, ia es orijinal un serpente o un angila. La elinica usa el per nu (N)), e la romanes usa el ance per N.
Samekh Samekh, cual ance ia sinifia pex, es de un orijina nonconoseda. Cisa el ia representa un cavil per tendas, o un forma de suporta. El pare simil a un djed Egiptan, trovada a multe scultas santa. La elinicas ia usa el per xi (Ξ) e un varia simil per chi (X). La romanes ia garda sola la varia per X.
Ayin 'ayin, la oio, ia es un otra consonente de "garga profunda." La elinicas ia usa el per omicron ("O poca"). Los ia developa un varia per omega ("O grande," Ω) e pone el a la fini de se alfabeta. La romanes ia garda la orijinal per O.
Pepe Pe, la boca, cisa ia es orijinal un simbol per un canto. La elinicas ia usa el per pi (Π). La romanes ia clui un lado e cambia el a P.
Sade Sade, un sona entre s e x, es de un orijina nonserta. Cisa el ia es un simbol per un planta, ma plu tarde pare plu como un unco per pexores. La elinicas no ia usa el, ma un varia strana es la sampi (Ϡ), un simbol per 900. La etruscanes ia usa el en la forma de un M per se sona x, ma la romanes no ia usa el.
Qoph Qof, la simia, posible ia es orijinal un noda. El ia es usada per un sona simil a C ma plu a la dorso de la boca. La elinicas usa el sola per la numero 90 (Ϙ), ma la etruscanes e romanes ia garda el per Q.
Resh Rex, la testa, ia es usada par la elinicas per rho (P). La romanes ia junta un linea per separe el de se P e cambia el a R.
Shin Xin, la dente, cisa ia es orijinal un arco militar. Orijinal pronunsiada x, la elinicas usa el a se lado per sigma (Σ). La romanes ia curva el per S.
Taw Taw, la marca, ia es usada par la elinicas per tau (T). La romanes ance ia usa el per T.

La letera elinica phi (Φ) ia es ja comun entre la anatolianes en la area de Turcia moderne.

Psi (Ψ) pare ce el ia es inventada par la elinicas, posible fundada a la tridente de Poseidon.

Notas Edit

  1.   Asta resente, la plu linguistes crede ce esta popla abita en la deserto Sinai e ia comensa usa se alfabeta en la sentenio 18 aec. En 1998, la arceolojiste John Darnell ia descovre siselas a rocas en la "Vale de Asustas" en Egipte sude, ce forsa la orijin de la alfabeta a la sentenio 20 aec o plu vea. Es posible ce la inventores ia es un popla semetica ci labora en Egipte, ci ia dona plu tarde se idea a la popla plu este.


Sistemes de scrive model
Logografia Xines | Ieroglifes | Cuneoforma
Alfabetas silabal Katakana | Hiragana | Tsalagi | Canadianes orijinal
Alfabetas consonantal Alfabeta orijinal | Fenisia | Aramea | Ivri | Nabatea | Arabi | Suri
Alfabetas cuasi-completa Itiopian | Brami | Devanagari | Cusana | Gupta | Granta | Calinga | Tibetan | Caxmiri | Gurmuci | Gujurati | Sindi | Bangal | Oria | Tai | Mianmar | Sinales | Tamil | Telugu | Canares
Alfabetas completa Elinica | Etrusca | Latina | Cirilica | Haiaren | Hangul | Runas | Gota | Eres | Ogam | Glagolitica | Cartuli | Deutx | Copta | Uigur | Mongol | Shaw | Deseret
Otra cosas Transcrive | Alfabeta Fonetical Internasional | Alfabetas per LFN

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.