La aventuras de Alisia en la pais de mervelias par Lewis Carroll traduida par Simon Davies (2010, revisada en 2012)	Alice’s Adventures in Wonderland by Lewis Carroll translated by Simon Davies (2010, revised in 2012)
Tra la tunel de coneo La stange de larmas Un corsa acaso e un coda longa La Coneo envia un Ben peti Conselas de un Eruga Porco e peper La te de la foles La campo de croceta de la Rea La raconta de la Tortuga Falsa La Cuadrilia de Omaros Ci ia fura la tartetas? Alisia atesta	Down the Rabbit-Hole The Pool of Tears A Caucus-Race and a Long Tale The Rabbit Sends in a Little Bill Advice from a Caterpillar Pig and Pepper A Mad Tea-Party The Queen’s Croquet-Ground The Mock Turtle’s Story The Lobster Quadrille Who Stole the Tarts? Alice’s Evidence
Su lus de l’ sol posmedial     Nos lisca multe lenta; Per tira ambos remos     Brasos peti fa l’ atenta, E manos peti finje     Ce los sabe orienta.	All in the golden afternoon     Full leisurely we glide; For both our oars, with little skill,     By little arms are plied, While little hands make vain pretence     Our wanderings to guide.
A, tre crueles! a un ora     Tan soniosa bela, Un nara de un vos’ debil     Es sempre la anela! Tre linguas tal juntada     No permete un apela.	Ah, cruel Three! In such an hour,     Beneath such dreamy weather, To beg a tale of breath too weak     To stir the tiniest feather! Yet what can one poor voice avail     Against three tongues together?
Egosa, Prima lansa     Se comanda per “comensa”: E Du espera plu jentil     “Asurdas de la pensa!” E Tre fa interompes     Con un ritmo no tro densa.	Imperious Prima flashes forth     Her edict “to begin it”: In gentler tones Secunda hopes     “There will be nonsense in it!” While Tertia interrupts the tale     Not more than once a minute.
Aora, los silenti     Car se imajinas trova La xic’ en sonia tra un pais     Tan merveliosa nova; En parl’ amin con animal—     Los crede cuasi tota.	Anon, to sudden silence won,     In fancy they pursue The dream-child moving through a land     Of wonders wild and new, In friendly chat with bird or beast—     And half believe it true.
E sempre pos la seci     De la posos de capris, “La resta a la ves seguent’—”     La fatigada dis’; “Ma ja la ves seguente!”     Esta voses cri’ felis.	And ever, as the story drained     The wells of fancy dry, And faintly strove that weary one     To put the subject by, “The rest next time—” “It is next time!”     The happy voices cry.
La nara crese lenta     Par parola pos parol’: La Pais de la Mervelias     Con avenis strana fol; Joios’ nos remi en reven’     Su la repos’ de l’ sol.	Thus grew the tale of Wonderland:     Thus slowly, one by one, Its quaint events were hammered out—     And now the tale is done, And home we steer, a merry crew,     Beneath the setting sun.
Alisia! texe esta nara     Con un man’ lejer’ Tra sonias de Enfantia     Mistica como mer’ Un flor cual un peregrinor     Ia colie a stranjer.	Alice! A childish story take,     And, with a gentle hand, Lay it where Childhood’s dreams are twined     In Memory’s mystic band, Like pilgrim’s wither'd wreath of flowers     Pluck’d in a far-off land.
Capitoles: 0 ‧ 1 ‧ 2 ‧ 3 ‧ 4 ‧ 5 ‧ 6 ‧ 7 ‧ 8 ‧ 9 ‧ 10 ‧ 11 ‧ 12

Revisas de la testo Edit

De pos la publici de "Alisia en la pais de mervelias", alga detalias minor de lfn ia continua evolui. La istoria de cambias a la testo es consultable en esta vici.

En april 2013, la usa de "ce" e "cual" ia es forte revisada. Ante acel data, "ce" ia es usada como un parola demandante; aora, lo es sola un sujunta jeneral. A ante, la gramatica ia permete construis como "el oia la Coneo dise"; aora, on dise "el oia ce la Coneo dise" en loca. A ante, on ia pote usa alga verbos ("pluve", "ave", "pare", etc) sin sujeto; aora, on usa un sujeto pupetin. Esta revisas ia obliga multe cambias peti a la testo, cual ave la comenta ‘elimina verbos sin sujetos e la usa demandante de "ce"’ en la istoria de la uici. Plu, me ia usa la momento per cambia ance "lo cual" a "cual cosa" en demandas suordinada tra la testo intera.