FANDOM


American orijinal


La popla orijinal de la Americas es los ci abita esta continentes ante la ariva de la esplorores european, e la desendentes de esta popla. Los es ance clamada Americanes Nativa, la Nasiones Prima, e la Indianes American.

Seguente la model comun de migra a la Americas, la via plu importante ia es Beringia, un ponte de tera ce un ves junta Asia e America tra la area ce es aora la Streta Bering. Esta migra ia ocure a la min 12 000 anios ante oji, ma la tempo plu antica es no conoseda. Alga siensistes crede ce popla de Europa o Australia ia ariva plu temprana. Seguente la Americanes orijinal, los ia abita America de la comensa de se esiste.

La nom "Indian" ia es un inventa de Cristoforo Colombo, ci crede ce el ia ariva a la Isolas de Indonesia (la Indios Este). La idea ce la americanes orijinal es un popla simple no es coreta, e los vide se como popla varios.

Alga de la americanes orijinal ia es xasores e coliores, multe ia es cultivores. Los ia developa multe plantas cultiva ce nos usa aora tra la mundo, e ia doma animales domada aora internasional. La sosias de la americanes orijinal ia varia entre poca grupos familial a tribus de cultivores con xefes e armadas a imperos grande como la Maia, la Aztec, e la Inca.

Vide ance Linguas de la americanes orijinal.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.