Fandom

Vici de LFN

Anakin Skywalker

3,785pages on
this wiki
Add New Page
Talk0 Share

Anakin Skywalker ia es un de la plu famos e potos Jedi en la universa de Star Wars. El ia nase en la planeta de Tatooine, fio de Shmi Skywalker, un sclavo. Anakin ance ia naceda como un sclavo, e ia labora en un boteca per robotes e partes de macinas. Ma Anakin ia ave un pote grande, ce ia es sensada par la Jedis Quai-gon Jinn e Obi-wan Kenobi cuando los ia debe vade a la planeta per repare se astronava ce ia es danada en un combata en un otra planeta. Tra un jua de corsa en ce Anakin ia gania, el ia oteni se libria, e ia vade con la du Jedis a la planeta de Coruscant, la sentra de la impero en ce la temple de la Jedi ia esiste.

La prima ves Anakin ia vade a la temple de la Jedi, la otra Jedis ia es impresada par la poto de Anakin, ma ance ia pensa ce el ia es tro vea per instrui (Jedis alora ia es instruida cuando los ia es tre joven), e ce la poto de Anakin pote va es perilos, e ce la futur de el ia es nonserta. A contra, Quai-gon Jinn ia vole ce Anakin va es instruida, e ante se mori, ia dise a se Padawan (estudiante) ce Obi-wan debe instrui Anakin. Obi-wan donce ia dise esa modo a la consilia, e la Jedis en la consilia, vidente ce no va es posible cambia la opina de Obi-Wan, ia acorda ce Anakin ta deveni un Jedi.

En multe anios Anakin ia es instruida par Obi-Wan Kenobi, e ia deveni plu e plu potos. En la du filma de Star Wars, el ia apari como joven e potos, ma alga cuanto nonstable padawan. Cuando el ia es joven Anakin deveni amada a la rea Amidala. Amidala, un fia con la nom Padme, ia es un rea elejeda, e pos fini se terma con un rea, ia deveni un senator, e alora ia encontra Anakin per la secondo ves.

Como un Jedi, Anakin no ia es permiteda amar e aver fisas emosial o material, ma el no ia pote resista, e cuando el ia proteje la senator Padme como un Jedi joven, el multe veses ia dise a Padme supra se ama per el. A fini, la du persones ia ama la un la otra, e ia deside continua se relate secreta.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.