FANDOM


La eda antica o anticia es la periodo de la istoria entre la nase de la scrive e la cade de la Impero Roman en la 476, ce marca la inisia de la eda medieval. El es, donce, la periodo prima coreta istorial.

La developa ia varia enorme en funsiona de la area studiada, ma a cualias grande pote distinguir se como la epoca de la spesiali sosial, de la nase de la majoria de siensas e artes actual e de un crese demografial enorme ce ia trae a crear grande imperos. Debe no oblidar ce en la mesma datas un popla pote viver an tal en la preistoria (o protoistoria) e otra pote eser evoluida multe.

La governa political plu abundante es la monarcia. Asende la comersia jeneral, con la pare de la mone e de la vias de grande intercambia.

La Anticia conteni du epocas:

  1. Este antica, con la culmine de la sivilias prima a la Asia este (Xina, India) e a la Asia sude-ueste (Mesopotamia, Egipte).
  2. Anticia Clasica, con la predomina de la Elas antica e Roma.

Este antica Edit

A la Este antica es do ia asende la scrive e, con el, la istoria diseda coreta. La cultur se sentra supra tota en la vales de la rios grande de la Asia (como esemplo la Rio Jala, la Gange, la Tigris e la Eufrate) e a la Nilo.

Tan multe la paises de la Asia este (India, Tibet, Xina) como los de la Asia sude-ueste (Egipte, Impero Farsi, Mesopotamia) ia developa un varia grande de cultures, con multe linguas (e sistemes de scrive), relijios, sistemes political, etc.

Anticia clasica Edit

La anticia clasica o mundo elinica-roman ia sinifia la orijin de ueste, en contraposa a la Este ce en la pasada ia domina justa alora. La elinicas e la romanes ia reseta la influes de la poplas plu antica e ia esplica los per far un crea orijinal (supra tota la elinicas).

An si la cultur elinica ia comensa en la pasada, la importia political de la Elas Antica es resulta de la victoria sur la Impero Farsi en la Geras de Medos. Plu tarda, con la concistas de Alexandro la grande, la cultur elinica se ia sperse a en parte grande de la Asia sude-ueste, e an ia ave un efeto poca sur la paises de la Asia este. A pos, la romanes ia concista Elas e la costa mediteraneo de la Asia sude-ueste, de plu de teritorios nova a la norde de la Alpes.

Fontes de studia per la Anticia Edit

La prima documentos es restas multe valuos per la studia de esta eda. La arceolojia, ma, es la fonte xef, entra ce la scrive no ia es multe estendeda no an plu a ante e no ia recolie tota la aspetas de la vive de acel tempo. Descovres importante es la piramides de Egipte o la site de Pompeia, entre otras.

Seguente la area jeografial Edit

Asia sude-ueste Edit

En esta area ia nase sivilias plu vea ca la sivilias de Elas e Roma clasica. Per esta loca, Vere Gordon Childe ia crea la terma "Cresente Fertil", definida como la loca do ia apare la Revolui neolitica (milenio 8 aec) e a pos la Revolui urban (milenio 4 aec). Lo es formida per Irac, parte de Iran, parte de Turcia, Suria, Lubnan, Israel, Urdun, Filastin, Arabia e Misre. Cronolojial, lo es un periodo que nase con la sivilias istorial en la milenio 4 aec (apare de la scrive, la sites e la templos a la mesma tempo ce la Eda de Bronze) asta la espande la Impero Acemenan en la sentenio 6 aec.

Mediteraneo e Europa Edit

Elas antica Edit

Article xef: Elas antica

Elas antica es la teritorio de la Anticia do la parlores de elinica ia vive. Lo es plu grande ca Elas oji e inclui Elas, la costa este de Turcia asta la Streta Dardanelia. Ance la colonis elinica de la Mediteraneo ia es parte de Elas antica e la monarcias eliniste de Egipte e Asia sude-ueste, cual ia es elinicida.

Italia e Roma antica Edit

La Impero Roman ia ave un influi lu grande ca sua espande teritorial (6 milion cilometres cuadrida) e sua longia tempal ( de 27 aec asta 476 ec en la Ueste e asta 1453 en la este); per es la instituida political e la formi economial e sosial desidente per la formi de la sivilia ueste, cual pote es considerada como un survive sua.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.