Arabi
From Vici de LFN
Arabi (الْعَرَبيّة al-ʿarabiyyah o عَرَبيْ ʿarabī) es la membro la plu grande vivente de la familia de linguas semita, con sirca 246 milion parlores (Ethnologue, 1999). Clasida como semita sentral, el es prosima relatada a Ivri e Aramaica, e ave se radises en un asendente comun protosemita.
On clasi arabian moderna como un macrolingua con 27 sulinguas en ISO 639-3. Esta varias es parlada tra la mundo Arabi, e Arabi normal es conoseda tra la mundo islamiste. Arabi normal moderna es deduida de arabi clasica.
Con la emerji de islam como un relijio dominante pos 622 EC, la lingua arabi es la plu vasta sperdeda de la linguas semita vivente. La enscrive la plu temprana en arabi ia es trovada en la penisola arabi e ia es datida de prima parte de sentenio cuatro EC.
La dialetos comun diverse de arabi es interrelatada ma varia notable entre parlores de partes diferente de este media e entre parlores de sita, campanial, e vagiste.La sistem de sona arabi ave 28 consonantes, incluinte tota la sonas gargal semita produida profonda en boca e garga.
Cada de la tre vocales en arabi normal aveni en un forma longa e corta. Tota parolas es formada sur base de un radis ce conteni usual tre consonantes.
La consonantes es juntada con modeles varios de vocales per formi nomes e verbos simple a cual afisas pote es juntada per derivadas plu complicada. Pe de radis derese(to study), madrasat(school), daris(student),dirasa(the study). Nomes e jetivos es min regulal en forma e ave multe modeles diferente de plural.
Ordina normal de frase es verbo-sujeto-ojeto. La scrive arabi es fada de destra a sinistra e es fundada sur 18 simboles distinguida. Usante un combina de puntos supra e su oto de esta simboles , la intera de consonantes e la tre vocales longa pote es speleda en forma plen.
