FANDOM


Augusto (Gaio Julio Cesar Augusto, 23 Setembre 63 aec - 19 Agosto 14 ec) ia es la prima imperor roman e un de la plu importante. El condui Roma en se cambia de un republica a un impero grande.

Octavian, se nom orijinal, ia es la fio adotada de la tirano de la Republica Roman, Julio Cesar. Octavian ia ateni se potia en la triumvirato du, cual ia es composada de tre renores: Marco Antonio, Lepido, e Octavian. Tota tre ia es fida a Julio Cesar, ci ia es asasinada en 44 aec. Seguente se mori, un gera interna ia comensa entre la seguores de Cesar e la conspirores, gidada par du de la asasinores, Bruto e Cassio.

A prima, Octavian ia es la asosior la plu minor entre la tre renores. Lepido ia es plu esperta en governa e Marco Antonio ia es un xef militar respetada. La tre ia vinse la armada de Bruto e Cassio a la Batalia de Filippi, 42 aec. Alora, los ia divide la rena de la republica en tre partes: Antonia ia rena la este, Lepido ia rena Espania e partes de Africa norde, e Octavian ia rena Italia.
440px-Statue-Augustus

Antonio ia segue la via de Cesar par vade a Egipte e deveni la amor de Cleopatra. Los ia ave tre enfantes. Se asente de Roma ia permete ce Octavian ta developa plu suporta.

La triumvirato ia rompe en 33 aec, e la nonacorda ia deveni un gera interna en 31 aec. Antonio ia es vinseda par Octavian a la batalia marinal de Actio e alora a Alexandria. Antonio e Cleopatra ia suiside en 30 aec.

Pos gania esta luta sanguosa de potia, Octavian ia es votada imperor par la Senato Roman en 31 aec. El ia dona a se la nom Augusto, cual sinifia "altida". El ia rena asta 14 ec cuando se fio par lege Tiberio ia deveni Imperor.

Entre se rena, alga de los ci ia es contra se governa ia es matada, spesial la senatores ci ia vole reteni la republica. El ia promete ce el ta fa ce Roma es denova un republica, ma en loca el ia declara ce el es la prete alta (Pontifex Maximus). Multe temples en la provinses ia erije scultas de el como un de se dios. La nom de la mense "agosto" deriva de el. Se ateni major ia es la crea de la Impero Roman, un strutur political cual dura per cuasi sinco sentenios plu.

La istoriste Tacito es comun usada par istoristes. El ia ave un punto de vista contra Augusto, en cuando otra istoristes roman, como Velleio, Virgilio, e Ovidio, ia tende adula el. La obra la plu conoseda de propaganda per Augusto ia es la Eneide par Virgilio.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.