Bolak es un lingua aidante internasional inventada par Léon Bollack. La nom de la lingua sinifia "un crea injenios" (bol - injenia, -ak - fada con, bolak - fada con injenia), e, natural, refleta ance la nom de se creor. Bolak es ance clamada "la lingua blu", de la color de la sielo, cual covre tota umania.

Bollack ia scrive tre libros sur se lingua:

• La Langue Bleue Bolak: langue internationale pratique (1899)
• Abridged Grammar of the Blue Language (1900).
• Premier vocabulaire de la langue bleue Bolak (1902)

Bollack ia ave un "filosofia" per la crea de se lingua, cual el ia nomi "La lege de oto":

• un letera, un sona
• un parola, un sinifia
• un clase de parolas, un aspeta
• un frase, un construi

Contents 1 Alfabeta 2 Spesies de parolas 3 Determinantes 4 Numeros 5 Verbos 6 Ajetivos 7 Averbos 8 Preposadas 9 Juntas 10 Ordina de parolas 11 Vocabula 12 Esemplos 13 Fonte

Alfabeta Edit

Blolak usa sola 19 leteras:

a b ч d e f g i k l m n o p r s t u v

Los es pronunsiada como en lfn o afi, esetante per ч (de cirilica) - [tʃ] como lfn tx.

Spesies de parolas Edit

La usos varios de parolas es indicada par se strutur:

• parolas de espresa emosial: un vocale, o du repeteda
• "parolas laborante" (no, si, ce, plu, min, etc): du vocales diferente, o du consonantes plu -u
• juntas: la presentia de la vocales i o o
• pronomes: la presentia de la vocales a o e
• nomes e numeros: un o du consonantes, un vocal, e un o du consonantes plu (ma no fini con -ч o -d)
• verbos: un nom, plu -a, -e, -i, -o final
• ajetivos: un verbo, plu -d final
• averbos: un verbo, plu -ч final

Determinantes Edit

• an - un
• ad - de un
• al - a un
• ane - ~ alga
• ade - de alga
• ale - a alga
• lu - ~ la
• -u - -s (plural)
• u- - fema (pe kval - cavalo, ukval - cavalo fema)

Numeros Edit

• nol - 0
• ven - 1
• dov - 2
• ter - 3
• far - 4
• kel - 5
• gab - 6
• чep - 7
• lok - 8
• nif - 9
• dis - 10
• diven - 11
• didov - 12
• dovis - 20
• teris - 30
• (ven) son - 100
• dovson - 200
• mel - 1000
• mlon - 1000000
• mlar - 1000000000

• -u - per deveni nomes o per indica la ora
• -em - ordinal
• -emu - ordinal plural
• -ip - grupos
• -om - fratos
• -olt - veses
• -erl - numero de spesies
• -am - colies

La dias de la semana e menses de la anios es creada par ajunta -tag o -mes:

• ventag - lundi
• dovtag - martedi
• tertag - mercurdi
• venmes - janero
• dovmes - febrero
• termes - marto
• etc

Pronomes

La pronomes personal:

• me - me
• te - tu (familiar)
• ve - tu (cortes)
• se - el (mas)
• le - el (fema)
• чe - el (neutra)
• ne - nos
• pe - vos (familiar)
• ge - vos (cortes)
• be - los (mas)
• fe - los (fema)
• de - los (neutre)

Varias de la pronomes personal:

• per la acusativa (ojeto direta): ma, ta, va, etc
• per la dativa (ojeto nondireta): ama, ata, ava, etc
• per la jenetiva/ablativa (forma de "de"): ema, eta, eva, etc
• per la vocativa: em, et, ev, etc
• per asentua: eme, ete, eve, etc
• pronomes de posese: mea, tea, vea, etc
• pronomes de posese plural: mae, tae, vae, etc

Pronomes de relata: ra (sing), re (plural)

Pronomes de demanda e esclama: ka (sing), ke (plural)

Pronomes de mostra:

• aч - el/esta/acel
• ag - esta
• af - acel
• aчe - los/estas/aceles
• age - estas
• afe - aceles

Otra pronomes:

• ab - tal
• am - la mesma
• ap - cualce
• as - serta
• at - intera
• av - otra
• sta - on
• spa - cada
• ske - multe
• kla - alga
• mre - nun
• tle - tota
• pna - no cosa

(los forma la plural par ajunta -e o par cambia -a a -e)

Pronomes jeneral nondeterminada: ea (sing), ae (plur)

Verbos Edit

La tempos e aspetas de lov (la ama):

• infinitivos:
  • lovi - ama sempre
  • love - ama en la pasada
  • lovo - ama en la presente
  • lova - ama en la futur
• comun: presededa par sujeto
  • me lovi - me ama sempre
  • me love - me ia ama
  • me lovo - me ama
  • me lova - me va ama
  • me ulovi - me es amante
  • me ulove - me ama ja, me ia ama ja
  • me ulovo - me ia ama ja
  • me ulova - me va ama ja
• pasiva: interpone -u-:
  • me lovui - me es sempre amada
  • me lovue - me ia es amada
  • etc

Refletante: me su lovo - me ama me mesma

Comanda: presededa par un pronom vocativa (et lovo - ama!)

Sujuntiva: presededa par ku

Ipotesal: usa la forma comun

Demanda: preseda la verbo con la particula du

La nega: preseda la verbo don la particula nu, ce combina con otra particulas

• • knu - ce no (sujuntiva)
  • snu - se no
  • tnu - ce no?

Verbos nonpersonal: usa la pronom чe (pe, чe plovo - pluva)

Verbos aidante:

• oa - comensa
• eo - fini
• ia - vole
• ai - desira
• oe - debe
• ei - pote
• ie - frecuente
• ao - rara

Ajetivos Edit

La plu de ajetivos fini con -ed. Pe, bon (bonia) > boned (bon)

La partisipios:

• -id - partisipio ativa, eternal
• -od - partisipio ativa, presente
• -ed - partisipio pasiva, presente
• -ad - partispio pasiva, futur (con la sinifia de posablia o dinia)

Compara:

• aloved - la min amada
• oloved - min amada
• eloved - plu amada
• iloved - la plu amada
• uloved - amada la mesma

Esta idea es ance usada con nomes e verbos:

• alov - manca de ama
• olov - alga ama
• elov - multe ama, pasion
• ilov - tro multe ama, idolia

Averbos Edit

Averbos fini es como la ajetivos, ma con -ч (plu comun -eч) en loca de -d. El pote es derivada de la partisipos ance:

• boneч - bon, con bonia
• loviч - amante
• loveч - con ama
• lovaч - en un modo amable

Alga averbos deriva direta de nomes:

• releч - par ferovia

Averbos primitiva (nonderivada):

• geч - ier
• daч - oji
• morч - matina
• toч - pronto
• tarч - tarda
• steч - sempre
• moч - a tota locas
• maч - multe
• pliч - plu
• leч - min
• si - si
• no - no

Preposadas Edit

La preposadas ave sinifias plu esata de la plu de linguas european, incluinte lfn:

• di - de (composada de)
• of - de (orijin personal)
• om - de (orijin fisical)
• in - a (loca), en
• to - a (dirije)
• id - a (tempo)

Bolak ave ance un preposada multe jeneral io.

Preposadas de loca es tota vocal-consonante, e on pote ajunta -i o -u final per indica dirije:

• ib - sur, ibi - de un loca supra, ibo - a un loca supra
• ot - esta, oti - de un loca estra, oto - a un loca estra (sorti)
• ol - asta, oli - de un loca asta, olo - a un loca asta

Preposadas pote es usada ance como averbos, pe ib sinifia ambos "supra" e "a supra", e in ambos "en" e "a en".

Juntas Edit

• it - e
• or - o
• ni - no e
• if - si
• bo - ma
• gi - donce
• ko - ce
• ob - car
• чo - car
• po - afin
• so - mesma como
• fi - an si
• fo - cuando

Ordina de parolas Edit

La ordina de parolas es fisada:

• frase: sujeto - verbo - ojeto - completantes
• formula nomal: determinantes - nom - ajetivos
• averbos segue verbos e presede ajetivos o otra averbos
• proposas suordinada segue proposas major

Per esemplo (par Bollack se mesma): Markesin beled, vae logu beled mortigo ma fri lov - Marcesa bela, tu oios bela fa me mori de ama

Vocabula Edit

La vocabula jeneral de bolak es "a priori", pe de linguas natural, per la plu parte de franses e engles. Ma, como volapük, la parolas deveni cuasi nonreconosable:

• bolv - strada (de boulevard)
• tlaf - telegraf
• stit - constitui (nom)
• flist - felisi (nom)

Bollack ia usa an jargon franses a alga veses:

• pif - nas
• paf - ebria

E alga parolas ave fontes oscur:

• lalm - universia (de "alma mater")
• plin - istoria natural (de Plinius)
• vivl - xovinisme (de "vive la...")
• vovs - fini, reali (vovs es la parola final de la disionario de bolak)

Crea de parolas:

Par ajunta -a, -e, -i, o -o a un nom, on crea la verbo, con la sinifia...

• "es" - pe, bono - es bon
• "es a la state de" o "ave", pe, fami - fama, ave famia
• "acompli la ata" - pe, beti - aposta
• "usa" - pe, bilbi - jua con un bilboquet (jua de tas e bal)
• "cri como (un animal)" - pe, dogi - abaia

Sufisas:

• -an - abitante de (Parian - Parisian)
• -in - sposa de (reksin - rena)
• -as - grandi (mesras - cotela grande, sabre)
• -et - peti (kvalet - cavaleta)
• -ist - laboror (panist - panor)
• -ost - cliente (panost - cliente de la paneria)
• -erk - comersa (birerk - comerse de bir)
• -ik - art, siensa, fabrica (birik - la art de bir)
• -ort - loca de fabrica o vende (birort - bireria)
• -or - ator o ajente (tansor - dansor)
• -il - util o strumente (banil - banio)
• -ef - resulta de un ata (dogef - un abaia)
• -ir - deveni (krantiri - grandi, deveni grande)
• -ig - fa (krantigi - grandi, causa ce alga cosa grandi)
• -enk - comensa de un ata (dormenki - vade dormi)
• -art - un peso de (panart - un peso de pan)
• -alg - un maladia (kopvalg - un dole de testa)
• -olb - un colpe de (fotolb - colpe de pede)
• -olm - un arbre (rosolm - arbre de la rosa)
• -olv - loca de plantes (rosolve - jardin de rosas)
• -osm - colie (libosm - biblioteca)
• -ism - sistem de ideas (librism - libralisme)

Alga parolas peti servi como cuasi prefisas:

• stu - mas (stu kval - cavalo mas)
• pu - superior en un ierarcia
• чu - inferior en un ierarcia
• plu - pluralis (plu gon - poligon)
• tu - totalia (tu slavism - panslavisme)
• fku - contra, oposante (fku lov - odi)
• ru - repeteda
• sru - a retro
• pru - sustituida
• sku - semblante
• pnu - nonsemblante

La lingua ave an particulas per espresa gustas:

• gu - un gusta fisical (pe gu fem - un fem ci on gusta en un modo fisical)
• kvu - un gusta nonfisical
• pfu - un nongusta fisical
• mu - un nongusta nonfisical

Final, on pote crea parolas par composa:

• dormukar - vagon de dormi
• vintumilv - molin de vente

Esemplos Edit

• Se venko om sit - El ariva a la site.
• Spa lanta oe sarfi sea lant - Cada sitizan debe servi se pais.
• Me upreko mea leg - Me ia rompe me gama.
• Aч per lovo moч sea fant lalged - Esta padre ama multe se enfante malada.
• Me givo aч vads asa - Me dona esta orolojia a el.
• Se spiko bolak - El parla bolak.

Nea Per

Nea per, ev ra seri in silu,

vea nom eч santigui;

vea regn eч komi;

vea vil eч makui ib gev so in sil;

ev givo daч nea pan taged an,

it ev solvi nae fansu

ana so ne solvo aчe re ufanso na;

it ev nu lefti na to temt,

bo evn bevri na om mal.

Fonte Edit

• Couterat, L. e Leau, L (1903). Histoire de la Langue Universal. Paris: Librairie Hachette.