FANDOM


Dr Cornelis George Boeree
Pais Nederland
Profesa Profesor de psicolojia
Dia de nase 15 janero 1952
Loca de nase Badhoevedorp, Nederland
Dia de mori
Loca de mori

Dr Cornelis George Boeree (pronunsiada buré) ia nase en 15 janero 1952 en Badhoevedorp, prosima a Amsterdam, (Nederland) e ia es un profesor de psicolojia en la Shippensburg University en Pennsylvania, SUA. El es ance la creor de la lingua aidante internasional lingua franca nova.

Biografia Edit

Vide ance: Boeree

La nom Boeree veni de la franses bourrée. La asendente de la ramo de la familia en Nederland, Peter Borry, ia nase en 1560 en Poperinghe (aora Beljia). Un eglesor protestante, el ia vade a Haarlem en 1583 pos la reversa de la proclama de Nantes. La nom ia es cambiada a Boeree tre jeneras a pos.

Boeree ia nase en 15 janero 1952 en Badhoevedorp, prosima a Amsterdam, (Nederland). El es la fio de Cornelis George Boeree e Eberdina van Olffen. En 1956, la familia ia vade a la Long Island, prosima a la Site de New York. El ia sposi Judith Kovarik en 1972 en Bay Shore (New York) e los ave tre fias.

El ia reseta se diploma laural de la Pennsylvania State University, e se diplomas mestral e dotoral de la Oklahoma State University, tota en psicolojia. Se spesiali es en la lado filosofial de psicolojia. El comensa se carera como un profesor a Shippensburg University en 1980. Durante se carera, el ia scrive multe sur psicolojia e budisme a la interede, e el ia developa la libros prima enlinia per aprende la psicolojia sin costa. Alga de esta testos ia es traduida a espaniol, deutx, e otra linguas.

El ia jubila 15 janero 2010 e vive con se sposa en Shippensburg.

Crea de lingua franca nova Edit

Boeree ia comensa labora a elefen en 1965, con la gol de crea un lingua simple e natural. Lo ia es inspirada par leje sur lingua franca e otra pijines e creoles. Elefen ia es prima presentada a la interede en 1998 e ia gania la interesa de multe persones.