FANDOM


Achelis

Elisabeth Achelis

La Calendario de Mundo ia es intruida par Elisabeth Achelis en 1930. El ia funda la Asosia de Calendario de Mundo a 21 otobre de la mesma anio. La move ia gania suporta internasional asta cuando la Gera Mundal Du ia interompe la discute sivila. Pos la gera, la idea ia es reintroduida a la Nasiones Unida, ma la adota ia es parada par la SUA en 1955. Politicistes american ia no pote ofende popla relijios conservaliste, ci ia es turbada par la idea ce, un ves per anio, va ave un dia plu en la semana, o oto dias entre un Soldi e la seguente - no en acorda con la costum biblial. La organiza ia move a Ottawa e deveni la Asosia Internasional de Calendario de Mundo. Triste, la impedi ia frustra la membros de la organiza. Aora, con la interede, ave ancora un move, an si peti, per adota la Calendario de Mundo.

La Calendario de Mundo ave 12 menses, divideda en cuatro cuatris. Cada cuatri comensa con Soldi e un mense de 31 dias. Cada mense de 31 dias es seguente par du menses de 30 dias. A la fini de la anio, un dia plu ta es juntada afin la anio pote ave 365 dias. Esta dia es clamada la Dia de Mundo e el no ta ave un nom como la otra dias de la semana. La dia ta es un festa internasional como la sera ante la anio nova. Cada anio cuatro, un dia plu ta es juntada a Junio. El ance no ta ave un nom como dias normal e ta es un festa internasional.

Par esta metodo, nos ta ave la mesma calendario per cada anio!


Janero/April/Julio/Otobre
Sol Lun Mar Mer Jov Ven Sat
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Febrero/Maio/Agosto/Novembre
Sol Lun Mar Mer Jov Ven Sat
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Marto/Junio/Setembre/Desembre
Sol Lun Mar Mer Jov Ven Sat
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
  • Nota: La Dia de Mundo segue 30 Desembre, e la Dia 366 segue 30 Junio cada anio cuatro.


La Calendario de Mundo ta dona a nos un calendario con la min cambias en como nos vide semanas, menses, e anios; plu, el ta dona a nos cuatro saisones o cuatris con la mesma numero de dias - un aida per comersa. Triste, ave ance resista potios a ideas simple e razonal como esta! La razon xef contra la calendario es ce alga cristianes, iudistes, e muslimes no gusta la rompe de la semana creada par la Dia de Mundo.

Un varia an plu como la calendario presente opera como esta: Fa sola ce desembre 31 (e febrero 29, en anios estendeda) no ave un dia de semana asiniada a lo. Lo ta es la Dia de Mundo. La resta de la calendario resta esata la mesma. Studiantes joven ta debe ancora recorda la longia varios de la menses, e la cuartis de la anio no ta ave esata la mesma cuantia de dias, ma nun ta debe perde se aniversio, esetante, natural, la povres ci ia nase a febrero 29! Si on prefere, on pote fa ce janero 1 es la Dia de Mundo - la resulta ta es la mesma.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.