FANDOM


Jung

Carl Gustav Jung (pron. "iung") ia nase 26 julio 1875 en un vileta peti en Suiz clamada Kessewil. Se padre ia es Paul Jung, un pastor de la campania, e se madre ia es Emilie Preiswerk Jung. Jung ia es ensircada par un familia de persones bon instruida, incluinte alga otra relijioses e alga persones noncomun ance.

Se padre ia comensa instrui Carl con latina cuando Carl ia ave ses anios, ce comensa un interesa estendeda en linguas e leteratur, spesial la leteratur de la anticas. Jung pote leje la plu de linguas moderna de Europa, plu alga linguas antica, incluinte Sanscrito, la lingua de la libros santa orijinal de induisme.

Carl ia es un adolesente solitar, e el no gusta la scola, spesial la compete. El ia vade a un scola de pension a Basel, Suiz. Ala, el ia es la ojeto de multe molesta jelosa. El ia comensa usa la maladia como un escusa, e ia developa un tende embarasante de desmaia su presa.

Se eleje prima per un carera ia es la arceolojia, ma el ia studia la medica a la Universia de Basel. Durante se labora su la neurolojiste famos Krafft-Ebing, el eleje la psiciatria como se carera.

Pos gradua, el ia prende un posto a la Ospital Mental de Burghoeltzli en Zurich su Eugene Bleuler, un esperto sur scizofrenia (e la person ci ia nomi el). En 1903, Jung sposi Emma Rauschenbach. El ia instrui clases a la Universia de Zurich, opera un ofisia privata, e inventa la tecnica de la asosia de parolas en esta periodo de se vive.

El ia es un amiror de Sigmund Freud per multe anios, e ia visita el en Wien en 1907. Un narada dise ce, pos cuando los encontre la un la otra, Freud ia cansela tota se encontras per la dia e los ia parla per 13 oras sin para. Plu tarda, Freud ia vide Jung como la "re futur" de psicoanalise e se eritor.

Ma Jung no ia aseta tota la teoria de Freud. Se relata comensa fri en 1909 durante un viaja a America. Los ia interprete la sonias la un de la otra cuando Freud ia monstra un resista a la analise. Freud ia para la analise car el teme ce el ta perde se autoria supra Jung! Jung ia es insultada.

La Gera Mundal 1 ia es un periodo de autoesamina dolos per Jung. Alga pensa ce el ia ave un periodo de psicose. Ma esta periodo ia es ance la comensa de un de la teorias de personalia la plu interesante en la istoria de psicolojia.

Pos la gera, Jung ia viaja multe, e visita, per esemplo, poplas tribal en Africa, America, e India. El ia jubila en 1946 e ia comensa retira de la oios de la popla pos la mori de se sposa en 1955. El ia mori a 6 junio 1961 en Zurich, Suiz.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.