Fandom

Vici de LFN

Ceres

3,776pages on
this wiki
Add New Page
Talk0 Share

Ceres

Imaje de Ceres creada en 2003-2004 par la Telescopio Hubble e publicida en 2005

Ceres, ance nomida 1 Ceres o (1) Ceres, es la planeta nana la plu peti en la Sistem solal, e la sola locada en la Sintur de Asteroides. Sua nom veni de Ceres, la diva roman de la plantas cultivada e de la ama de madre. Lo ia es descovreda a 1 janero 1801 par Giuseppe Piazzi.

Con diametre de 975 × 909 km, lo es la corpo la plu grande en la sintur de asteroides, e lo conteni un tri de la masa intera de la sintur. Diferente de otra asteroides con masa plu peti, Ceres ave un corpo sfera: no noncoerente como la otras.

DetaliasEdit

Descovror

Giuseppe Piazzi

Data de descovre

1 janero 1801

Nonsirculia (e)

0.080

Semiase major (a)

413,715 Gm (2,766 UA)

Perielio (q)

380,612 Gm (2,544 UA)

Afelio (Q)

446,818 Gm (2,987 UA)

Periodo orbital

1679.819 d (4,599 a)

Rapidia orbital promedia

17,882 km/s

Inclina

10,587°

Lonjitude de noda asendente (Ω)

80,410°


StateEdit

Ceres Luna

Ceres compareda con la Luna

Johann Elert Bode ia crede ce Ceres es la "planeta mancante" sur cual Johann Daniel Titius ia proposa ce lo esiste entre Marte e Jupiter, a un distantia de 419 milion km (2.8 UA) de la Sol.

On ia dona un simbol de planeta a Ceres, e ia trata lo como planeta en libros e tables astronomial (con 2 Pallas, 3 Juno e 4 Vesta) per un dui de sentenio – asta la descovre de otra planetetas. Par causa de la grandia peti de Ceres, lo inclina alga alta, e car lo comparti un area orbital con 2 Pallas, Senior William Herschel ia crea en 1802 la terma asteroide (leteral: "con forma de stela"), scrivente: "Los pare tan multe como stelas peti ce on distingui los apena de stelas, ance con telescopios multe bon."

OrbitaEdit

Orbita de Ceres

Orbita de Ceres

Ceres segue un orbita entre Marte e Jupiter, en la sintur xef de asteroides, con un periodo de 4,6 anios. La orbita es alga inclinada (i = 10,6°, en compara con 7° per Mercurio e 17° per Pluto) e alga nonsirculo (e = 0,08, en compara con 0,09 per Marte).

La scema mostra la orbita de Ceres (blu) e de otra planetas diversa (blanca/gris).

Cualias fisicalEdit

Ceres es la ojeto la plu grande en la sintur de asteroides, cual es xef locada entre Marte e Jupiter.

A alga puntos de sua orbita, la cuantia de brilia de Ceres pote tende a 7,0. On pensa ce esta brilia es tro oscur per es vidable con oios nuda, ma en state de vide spesial clar, un person ci vide agu pote cisa vide la planeta nana. La sola otra asteroide vidable con oios nuda es 4 Vesta.

Con masa de 9.5×1020 kg, Ceres teni cuasi un tri de la masa intera de la asteroides en la sistem solal, 3.0±0.2×1021 kg. Esta masa intera es sola sirca 4% de la masa de la Luna.

Alga indicas esiste ce la surfas de Ceres es relativa tepida, e ce lo ave cisa un atmosfera rarida e ave jelo. La temperatur la plu alta (cuando la Sol es a supra) ia es mesurada como 235 K (sirca -38°C) a 5 maio 1991. Si on considera la distantia eliosentral de alora, on judi ce la temperatur masima es ~239 K a perielio.

Un studia fada par Peter Thomas de la Universia Cornell sujesta ce Ceres ave un interna separada: oservas con modeles de computador sujesta la esiste de un cor de roca, supraponeda par un litosfera de jelo. Esta litosfera, con spesia de 60 a 120 km, pote conteni 200 milion cilometres cubida de acua, plu multe ca tota la acua fresca de la Tera (ma min multe si on inclui la acua salosa).

La polo norde de Ceres es dirijeda a lonjitude de sielo 19 h 24 min, latitude +59°, en la constela de Draco. Esta sinifia ce la apoia asal de Ceres es multe peti (sirca 4±5°).

AspetasEdit

Nonmovente,
retrograda

!

oposa

!

Distantia a
Tera (UA)

!

Brilia masima

!

Nonmovente,
prograda

!

Junta con la Sol

21 marto 2005

8 maio 2005

1.68631

7.0

30 junio 2005

28 desembre 2005

26 junio 2006

12 agosto 2006

1.98278

7.6

27 novembre 2006

22 marto 2007

20 setembre 2007

9 novembre 2007

1.83690

7.2

1 janero 2008

28 junio 2008

17 janero 2009

24 febrero 2009

1.58526

6.9

16 april 2009

31 otobre 2009

28 april 2010

18 junio 2010

1.81988

7.0

9 agosto 2010

30 janero 2011

31 julio 2011

16 setembre 2011

1.99211

7.7

12 novembre 2011

26 april 2012

30 otobre 2012

17 desembre 2012

1.68842

6.7

4 febrero 2013

17 agosto 2013

1 marto 2014

15 april 2014

1.63294

7.0

7 junio 2014

10 desembre 2014

6 junio 2015

25 julio 2015

1.94252

7.5

16 setembre 2015

3 marto 2016

1 setembre 2016

20 otobre 2016

1.90844

7.4

15 desembre 2016

5 junio 2017

21 desembre 2017

31 janero 2018

1.59531

8.8

20 marto 2018

7 otobre 2018

9 april 2019

29 maio 2019

1.74756

7.0

20 julio 2019

14 janero 2020

13 julio 2020

28 agosto 2020

1.99916

7.7

23 otobre 2020

7 april 2021


La sistem solal model
Planetas: Mercurio | Venus | Tera (Luna) | Marte | Jupiter | Saturno | Urano | Netuno
SistemSolal
Planetas nana: Ceres | Pluto | Eris
Otras: Sol | Stela | Sintur de Asteroides | Galasia | Nebla de stelas | Esplode Orijinal

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.