FANDOM


Countyseal

la selo de la contia de Multnomah, Oregon

La contia Multnomah
es un contia de la stato de Oregon norde-ueste.  Lo es la contia la plu poplida, e ance la min vasta, en la stato.  La seja de la contia es Portland.  Lo borda la contia Washington a la ueste, la contia Clackamas a la sude, la contia Hood River a la este, la contia Columbia a la norde-ueste, e la contia Clark, Washington, a la norde.

La etimolojia de la nom "Multnomah" deriva de un parola de Xinuc Uaua, nematlnomaq, "rio basa," en refere de la rio Willamette norde de la cascade Willamette (en Oregon City aora).

IstoriaEdit

La contia Multnomah ia es fundida como la contia 13 de la vea teritorio de Oregon a 13 desembre 1854, ante la fundi de la stato de Oregon.  Multnomah ia es divideda de un parte este de la contia Washington, e un parte norde de la contia Clackamas.

JeografiaEdit

  • la cascade Multnomah en Bridal Veil, Oregon.
  • la casa contial de justia, en Portland, Oregon
  • La Casa de Vista, en Crown Point, Oregon
  • presidente Marissa Madrigal de la consilio contial de Multnomah
  • la sentro de eleje de contia Multnomah
  • la ofisia de la contia Multnomah, en Portland, Oregon
  • la Biblioteca sentral de la contia Multnomah.
  • La ramo Albina de la Biblioteca contial de Multnomah
La cuantia de abitores de la contia es 759 256 (ia conta en 2012), en la area de 1 210 cilometre cuadrida. 

GovernaEdit

Seguente de la constitui de Oregon, la governa contial es encargada a serta funsionas, como la dirije de eleje, la xerif e prison contial, la avocato prosedente, la dirije de la libria limitada (coreti comunial), la dirije de la casa de justia (ma la judores es empleada par la stato), la sania publica (inclui la esamina e lisensa de restorantes e laborores comedal), e la dirije de pontes (estra de la pontes statal).

La contia es ance encargada de dirije areas noncorporada.

La Contia de Multnomah maneja la Biblioteca Contial de Multnomah (BCM), un sistema de la biblioteca publica.  La BCM es un de la bibliotecas publica plu usada en la SUA.  En orijina la Asosia Biblioteca de Portland (ABP), lo ia es fundida a 12 januario 1864 como un biblioteca privata.  Lo ia deveni un biblioteca publica en 1902.  La ABP ia es asorbeda en la governa contial a 1 julio 1990. En 2013, la Distrito Bibliotecal de la Contia Multnomah (DBCM, o Multnomah County Library District en engles) ia es formada par la votores de la contia, afin la biblioteca pote crea un imposta permane nova sur la imobilas per finansia la opera de la bibliotecas BCM. La codigo de la DBCM ia asinia ce la Consiliores Contial de Multnomah es ance la membros de la comite dirijente de la DBCM simultan.

La consilio de la contia ave sinco membros elejeda.

La consilio contial de Multnomah
posto membro representa
presidente Deborah Kafoury tota de la contia
distrito un Jules Bailey la lado ueste de la Willamette, e la alga visinas de la lado este 
distrito du Loretta Smith Portland norde e norde-este (norde de la Autovia Interstatal 84)
distrito tre Judy Shiprack Portland sude-este (estra de areas representada par la distrito un), e la site de Maywood Park
distrito cuatro Diane McKeel la este de la contia, inclui Gresham, Troutdale, Fairview, e Wood Village


Otra ofisias elejeda de la contia
posto nom
avocato de distrito Rod Underhill
xerif contial Dan Staton
esaminor contial Steve March

Sites e areas noncorporada en la contiaEdit

Sites corporadaEdit

site cuantia de abitores (2011) area (cilometre cuadrida)
Portland (1) 585 845 376.6
Gresham 105 795 60.68
Fairview 8 920 9.27
Wood Village 3 885 2.43
Troutdale 16 000 15.59
Lake Oswego (2) 36 725 29.4
Maywood Park 750 0.44

(1) Alga peti partes de Portland es en la contias Clackamas e Washington.  Esta dato inclui los.

(2) La seja de la site de Lake Oswego es en la contia de Clackamas; la site monta sur la du contias.  Esta dato inclui la abitores e areas en Clackamas.

Areas noncorporadaEdit

  • Bonneville (parario Bonneville)
  • Bridal Veil (cascade Multnomah)
  • Corbett
  • Dodson
  • Dunthorpe/Riverdale
  • Holbrook
  • Interlachen
  • Kings Heights
  • Latourell
  • Orient
  • Riverwood
  • Springdale
  • Sauvie Island
  • Warrendale

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.