FANDOM


Un creol o lingua creol es un lingua stable con orijinas como un pijin ce ia es adotada como un lingua nativa. La parola "creol" deriva de parolas en la linguas romanica como "créole" en franses, "criollo" en espaniol, e "crioulo" en portuges. Los deriva de la parola portuges "criar" (eleva), de la parola latina "creare" (produi, crea). La parola ia es aplicada orijinal a la persones ce ia nase en la colonias.

Creoles ave gramaticas multe simple, con poca afisas gramatical. Jeneral, los ave la strutur de sujeto-verbo-ojeto. La vocabula de creoles, per la plu parte, deriva de la lingua de la colonistes o mercatores, con alga parolas de la linguas nativa. La lingua de la colonistes o mercatores es clamada la suprastrato, e la lingua de la nativas orijinal es clamada la sustrato. La sustrato dona comun la sintatica e alga paroletas de sintatica per la lingua.

Ave multe teorias de la orijina de creoles. La plu acorda ce los ia deriva de pijines, ma la detalias causa nonacorda. Un teoria sujeste ce tota creoles ia deriva de un pijin fundada en portuges. Ave parolas como "picinini" (de portuges pequenino - multe peti) en creoles tra la tota mundo, per esemplo. Ultima, la teoria sujeste, esta pijin ia deriva de la lingua franca de la mediteranea (ance clamada sabir).

Un otra teoria sujeste ce la gramatica de la creoles ia deriva de un forma infantin, e ce esta forma deriva ultima de la strutur de la mente. La gramatica simple pote ance deriva de un prejudi european, ce la popla de paises primitiva es plu como enfantes.

Un teoria multe poplal sujeste ce la creoles ia deriva de un ajunta de un vocabula prima european e un gramatica plu como la linguas de la popla orijinal. Per esemplo, la creoles de la paises cariban e sudamerican segue la forma gramatical de linguas de Africa ueste como ioruba, eue, etc. Esta linguas es linguas isolante con un ordina de parolas SOV (sujeto-verbo-ojeto), la forma plu comun en la creoles. Ance, alga formas non-european es de esta linguas, como redupli de parolas, negas duple (an truple), cadenas de verbos, e aposadas per indica posese.

Esta teoria opera min bon per la creoles de polinesia, car la linguas polinesian es VSO (verbo prima - vide, per esemplo, la lingua tahiti), ma la creoles es SVO (verbo media). Ma esta creoles ia es prima fundada en engles, ce ave un gramatica simple e ce es SVO. E alga formas de gramatica deriva clar de la linguas nativa, como la particula per marca la verbo e la sufisa per transitivia.

Un teoria multe diferente de la otras es ce la creoles esibi la regulas natural cual es ultima jenetical. Vera, multe creoles ave regulas simple e simil la un a la otra, pe la strutur de SVO. Un otra esemplo es la usa de particulas ante la verbo, en la ordina TMA - tempo-moda-aspeta:

Forma de verbo Verbo de move Verbo de state
LFNCreol aitianSrananLFNCreol aitianSranan
Forma basal el pasea Li Maché a waka el ama li rêmê a lobi
Continuante el es paseante l’ap maché a e waka
Pasada el ia pasea li maché a ben waka el ia ama li rêmê a ben lobi
Pasada e continuante el ia es paseante li t’ap maché a ben e waka
Nonreal el va pasea l'av(a) maché a sa waka el va ama l'av(a) rêmê a sa lobi
Nonreal e continuante el va es paseante l’av ap maché a sa e waka
Pasada e nonreal el ta pasea li t'av(a) maché a ben sa waka el ta ama li t'av(a) rêmê a ben sa lobi
Pasada e nonreal e continuante el ta es paseante li t’av ap maché a ben sa e waka

Ma otra teoristes nota ce no tota creoles usa la mesma sintatica.

La teoria plu lojical es ce tota de la teorias a supra contribui un parte de la esplica per la developa de creoles. Los no es mutual escluinte.

Alga creoles ave orijinas diferente de la plu de creoles. Per esemplo, lingua media ave un vocabula espaniol con un gramatica cetxua, sin simpli. Un otra esemplo, posable, es africans: El es un deriva natural de nederlandes, ma es posable ce la simpli de la gramatica es par la influense de la usa per comunica entre poplas con linguas varios.

Esemplos de creoles en esta vici:

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.