FANDOM


Cri (ᐃᔨᔫ ᐊᔨᒧᐎᓐ)
Parlada en: Canada, SUA
Area:
Tota parlores: 120 000
Familia: Linguas Algoncian
State ofisial
Lingua ofisial de:
Regulada par:
Sifras
ISO 639-1: cr
ISO 639-2: cre
ISO 639-3: [1]
SIL: [2]
Mapa
Crimapo
La areas do es parlada
Vide ance: LinguaLista de linguas

La lingua cri es un de la linguas algoncian e a un tempo ia es la lingua plu estende en la norde de America Norde. Lo es parlada par la popla cri, la americanes orijinal de Canada e la SUA norde-este, ce abita entre la Montanias Rocos e la Mar Atlantica.

Scrive e pronunsiaEdit

La lingua es clamada Iiyiyuuayimuwin par la parlores, e es scriveda ᐃᔨᔫ ᐊᔨᒧᐎᓐ en la alfabeta cri (un varia de alfabeta de canadianes orijinal). Per esemplo, asi es la numeros cri en du formas:

Alfabeta Latina Alfabeta Cri
1 peyakw ᐯᔭᒄ
2 niishu ᓃᔓ
3 nishtu ᓂᔥᑐ
4 neu ᓀᐤ
5 niyaayu ᓂᔮᔪ
6 kutwaashch ᑯᐧᑖᔥᒡ
7 niishwaashch ᓃᐧᔖᔥᒡ
8 niiyaanaaneu ᓂᔮᓈᓀᐤ
9 peyakushteu ᐯᔭᑯᔥᑌᐤ
10 mitaaht ᒥᑖᐦᑦ

Per la resta de esta article, la dialeto nomida cri de plano (ᓀᐦᐃᔭᐍᐏᐣ nēhiyawēwin) es usada per esemplos. De la 80,000 persones ci parla cri, sirca 34,000 parla esta dialeto, per la plu en Saskatchewan e Alberta, ma ance en Manitoba e Montana. La cuantia de parlores es diminuinte, e la plu es persones vea.

La alfabeta latina es ance usada. La consonantes es p, t, k, c (pronunsiada ts), m, n, s, h, w, e y. Alga persones inclui la esplodente glotal ʔ. P, t, k, e c pote es vosida o no vosida, dependente de la sonas prosima. La vocales es i, ī, ē, a, ā, o, ō. La macron (¯) indica un vocal plu longa.

Ordina de parolasEdit

La ordina normal es SVO, pe awāsisak nipahēwak sīsīpa ("la enfantes ia mata alga patos"), ma tota otra ordinas es ance posable. Natural, la sujeto o la ojeto o ambos pote es cadeda, car la "pronom" es incluida en la verbo. La usa de nomes es plu comun a la comensa de un conversa o a la fini, o pote indica un asentua.

MorfolojiaEdit

La lingua cri es clasida como un lingua polisintesal e fusinte, per la complica de se combinas de afisas.

NomesEdit

Car la plu de informa gramatical es en la verbo, nomes es plu simple. Nomes es marcada con prefisas de posesa, cual es combinada con sufisas per plural, per esemplo ni(t)-...-inān per "nos" (escluinte). Sufisas indica la peti, la plural (-ak e -a), e la loca (-ihk). Esta formas ave varias predisable.

Prefisas de poseseEdit

  Singular Plural
Person un ni- ki(t)-...-inaw (incluinte); ni(t)-...-inān (escluinte)
Person du ki(t)- ki(t)-...-iwāw
Person tre o(t)- (person prosima); o(t)-...iyiw/ (person periferial) o(t)-...-iwāw

Sufisa de locaEdit

Car cri no ave un sistem vera per marca la caso de un nom, lo usa otra metodos, como sufisas per direta de ata e la persones periferial a la verbo, e la sufisa de loca a la nom. La sufisa ehk o enāht ave la sinifia de "a", "en", "sur", etc. Per esemplo, on pote comensa con la radis skāt ("gama") e ajunta ni- per crea niskāt ("me gama"), e alora ajunta -a per plurali - niskāta ("me gamas"). Alora, on pote ajunta la sufisa de loca: niskātihk ("sur me gamas"). La otra varia enāht indica distribui, normal de umanas e animales, pe ayīsiyiniw- ("umana") deveni ayīsiyinināk ("entre la umanas" o "en la mundo"), o sāsīw ("person de la Sarcis") deveni sāsīnāhk ("a la reserva de la Sarcis").

VerbosEdit

ModelesEdit

Como otra linguas de la americanes orijinal, la verbo plen conteni un serie de morfemes cual ave locas seguente un model.

  • Preverbos
    • A — Person
    • B — Tempo
    • C — Moda
    • D — Aspeta 1
    • E — Aspeta 2
    • F — Aspeta 3
    • G — Cualia de ata (Aktionsart)
  • Radis
  • Sufisas
    • I — Ojeto periferial
    • II — Dirije de ata
    • III — Valentia
    • IV — Vos
    • V — Sujeto periferial
    • VI — Person
    • VII — Plural
    • VIII — Ipotesal

Prosima a la comensa de la verbo completa, on trova particulas de suordina como ē o e preverbos de futur e segue como ka e kita. Pos los, on trova morfemes varios cual es ordinada en un grado de la plu astrata a la plu concreta. Preverbos astrata inclui āta ("an si", "futil" - pe, ē-āta-kitōtāt - "an si el ia parla a el") e ("vole", "intende" - pe, wī-mēscihāwak - "tota de los va es matada"). Esemplos de preverbos concreta inclui kāmwāci ("cuieta" - pe, kī-kāmwāci-pimātisiwak ) o nēwo ("cuatro" - pe, ē-kī-nēwo-tipiskāyik - "cuando la note cuatro ia pasa"). Otra preverbos indica tempo, moda, e aspeta.

RedupliEdit

Du formas de redupli aveni en verbos. Los indica la continua, la repete, o la intensia de la ata. En forma un, la radis cambia, pe pim ("longa") deveni papām ("consernante"). Forma du es plu coere e plu produinte, usante la prima consonante con a:, pe /kākīpa/ ("denova e denova").

DirijeEdit

La dirije de la ata es espresada par prefisas e sufisas cual indica la persones. Per esemplo, la indicante de direta -i- en la frase ki-wāpam-i-n sinifia ce "tu vide me". La indicante de inversa -iti en la frase ki-wāpam-iti-n indica ce "me vide tu".

Direta:

  (2-1) (1-3) (3-(3')) (3'-(3'))
Cri de planos   kitasamin     nitasamāw     asamēw     asamēyiwa  
Elefen   tu nuri me     me nuri el     el nuri el     el nuri el  

Inversa:

  (1-2) (3-1) ((3')-3) ((3')-3')
Cri de planos   kitasamitin     nitasamik     asamik     asamikoyiwa  
Elefen   me nuri tu     el nuri me     el nuri el     el nuri el  

Nota ce la situa es plu complicada cuando ambos persones es persones tre. En la frase sēkihēw nāpēw atimwa, la ata sēkihēw ("asusta") es en la forma direta (con la sufisa -ēw-). La nom nāpēw ("om") es la person prosima (plu importante), e la nom atimwa ("can") es marcada con la sufisa -wa como la "person periferial (min importante). Ma en la frase sēkihik nāpēw atimwa, la verbo es en la forma inversa (-ik), e donce la sinifia deveni "la can asusta la om", con la om ancora como la person plu importante. Si on move la sufisa de periferia a la om en loca de la can, la frases ta ave la mesma sinifias ma con la foca a la can.

Inclui de la nomEdit

En alga casos, la nom ojetal pote es incluida en la verbo. Per esemplo, nōcihiskwēwēw ("el xasa femes") inclui la nom iskwēw ("fem") en la verbo. Esta pote ance es espresada como iskwēwa nōcihēw, ma la inclui sinifia un ata plu abitual, simil a "el es un xasafem".

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.