FANDOM


Cric (Mvskoke)
Parlada en:
Area:
Tota parlores: 5 000
Familia: Linguas muscocean
State ofisial
Lingua ofisial de:
Regulada par:
Sifras
ISO 639-1: [1]
ISO 639-2: mus
ISO 639-3: [2]
SIL: [3]
Mapa
Vide ance: LinguaLista de linguas

La lingua cric (acc muscoce) es un lingua de la linguas muscocean parlada par la popla muscoce e seminol, ci veni orijinal de la parte sude de Georgia, SUA. Aora, esta popla abita en Oklahoma e Florida.

FonolojiaEdit

Cric ave 13 consonantes e cuatro vocales, cual distingui longia e nasali.

consonantesEdit

  labial alveolal palatal velal glotal
nasales m n
esplodentes p t t͡ʃ k
fricantes sentral f s h
ladal ɬ
prosiminte l j w

la africante scriveda asi /t͡ʃ/ varia en se loca de pronunsia entre alveolal [t͡s] e posalveolal [t͡ʃ]. La consonantes impedinte /p t k tʃ s/ es vosida a [b d ɡ d͡ʒ z] entre consonantes sonante.

VocalesEdit

anterior sentral posterior
vocal cluida i iː
media cluida o oː
abrida a aː

Plu, cri ave tre diftongos: /eɪ/, /oɪ/, and /aʊ/ (realida comun como [əɪ oɪ əʊ]). La vocales corta /i o a/ es comun sentralida [ɪ ɔ ə] en silabas cluida.

TonosEdit

Ave tre tonos fonemica en cric, cual no es jeneral marcada: alta, basa, e cadente.

ScriveEdit

La alfabeta cric tradisional ia es adotada par la tribu en la parte tarde de la sentenio de 1800. Ave 20 leteras. An si el es fundada a la alfabeta latina, alga de la sonas es multe diferente de los en otra linguas:

Spele Sona (IPA) Elefen
a ~ a como a
c ~ ts como tx o ts
e ɪ como i, ma plu corta (como engles "bit")
ē como i
f f como f
h h como h
i ɛ ~ ɛj como e
k k como c
l l como l
m m como m
n n como n
o ~ ʊ ~ o como o o u ma plu corta (como engles "book")
p p como p
r ɬ un fricante ladal alveolal. como l ma permetente ce la aira vade sirca la lados de la lingua. (como "ll" en cimri)
s s como s
t t como t
u ʊ ~ o como u ma plu corta (como engles "book") o o
v ə ~ a simil a a ma plu sentral (como la "a" en engles "ago")
w w como u consonantal
y j como i consonantal

Ave ance tre diftongos:

Spele Sona (IPA) Elefen
eu como eu
ue como oi
vo ~ əʊ como au

Alga consonantes en cric, cuando los aveni entre du sonorantes (vocales, m, n, l, w, o y), deveni vosida:

  • c pote sona como [dʒ], como dj en elefen
  • k pote sona como [ɡ], como g en elefen
  • p pote sona como [b], como b en elefen
  • s pote sona como [z], como z en elefen
  • t pote sona como [d], como d en elefen

GramaticaEdit

Strutur de frasesEdit

Jeneral, la frase en cric segue la model de sujeto-ojeto-verbo. Nomes es segueda par ajetivos. Averbos aveni a la comensa de la frase (per tempos) o direta pos la verbo (per modos).

VerbosEdit

En cric, un verbo solitar pote tradui en frase completa. La radis es la infinitiva, e es cambiada per...

  • Person de la sujeto.
    • Letketv = core.
    • Letkis. = Me core.
    • Letkeckes. (o Letketskes.) = Tu core.
    • Letkes. = El core.
    • Formas plural pote es plu complicada (vide a su).
  • Person de la ojeto. Esta es indicada par prefisas.
    • Hecetv = vide.
    • Cvhēcis = Me vide tu.
    • Cehēceckes. = Tu vide me.
    • Hvtvm Cehēcares. = Me va vide tu denova.
  • Tempo.
    • Pohetv = oia.
    • Pohis. = Me oia.
    • Pohhis. = Me ia oia (un dia o min en la pasada).
    • Pohvhanis. = Me vade a oia (multe pronto).
    • Pohares. = Me va oia.
    • Pohiyunks. = Me ia oia (un semana o min en la pasada).
    • Pohimvts. = Me ia oia (un anio o min en la pasada).
    • Pohicatēs. = Me ia oia (multe anios en la pasada).
    • Ave plu ce des plu tempos, incluinte varias perfeta de los a supra.
  • Moda.
    • Wiketv = para.
    • Wikes. = El para (indicante).
    • Wikvs. = Para! (comanda)
    • Wikv-wites. = El pote para (capas).
    • Wike-nomat. = Si el para (sujuntiva).
    • Wikepueces. = El causa ce el para (causante).
  • Aspeta.
    • Kerretv = aprende.
    • Kērris. = Me es aprendente (continuante).
    • Kêrris. = Me sabe (state resultante).
    • Kęrris. = Me continua aprende (nonperfeta, abitual, repetente).
    • Kerîyis. = Me ia aprende ja.
  • Vos.
    • Wihkis. = Me veni de para (vos ativa).
    • Cvwihokes. = Me veni de es parada (vos pasiva).
  • Negativa.
    • Wikarēs. = Me va para (positiva).
    • Wikakarēs. = Me no va para (negativa).
  • Demandas.
    • Hompetv = come.
    • Hompeckes. = Tu come.
    • Hompeckv? = Esce tu come?
    • Nake hompecka? = Ce tu come?

Alga verbos, spesia verbos de move, ave plurales noncoerente. Per esemplo:

  • letketv (core, con sujeto singular),
  • tokorketv (core, con du sujetos),
  • pefatketv (core, con tre o plu sujetos).

Un clase de verbos tota diferente es la verbos de state. En alga linguas, como elefen, los es espreseda par ajetivos.

  • Esemplo:
    • enokkē = es malada;
    • enokkēs = el es malada;
    • cvnokkēs = me es malada;
    • cenokkēs = tu es malada.

Sinifias espresada en elefen con averbos es espresada en cric con prefisas de loca:

  • Esemplo:
    • vyetv = vade (sola sujetos singular);
    • ayes = me vade;
    • ak-ayes = me vade en acua / en un loca basa / su alga cosa;
    • tak-ayes = me vade sur la tera;
    • oh-ayes = me vade supra alga cosa.

Per verbos de move, cric ave ance un eleje grande de verbos per sinifias spesifada:

  • ossetv = vade a estra;
  • ropottetv = vade tra alga cosa.

PoseseEdit

En alga linguas, on usa la caso jenetiva per indica posese. Cric usa du modas per esta, dependente de la natur de la nom.

Un parte de la corpo o un membro de la familia no pote es discuteda en cric sin indica la posesor; el es un parte integrada de la parola. Un grupo de prefisas cambiable servi esta rol:

  • enke = se mano;
  • cvnke = me mano;
  • cenke = tu mano;
  • punke = nos mano.

An si la posesor es indicada, la prefisa es ancora nesesada:

  • Toske enke = La mano de Toske.

Tota otra nomes usa pronomes preposada per indica posese:

  • efv = can;
  • vm efv = me can;
  • cem efv = tu can;
  • em efv = se can;
  • pum efv = nos can.

Denova, on debe sempre inclui la preposada per indica posese:

  • Toske em efv = la can de Toske.

En cri, on usa nomes en loca de preposadas de loca:

  • yopv = la posterior;
    • cuko yopv = pos la casa;
    • cvyopv = pos me;
    • ceyopv = pos tu.
  • lecv = la inferior; eto = arbor;
    • eto lecv = su la arbor.
  • tempe = la prosima;
    • cvtempe = prosima a me;
    • cetempe = prosima a tu;
    • putempe = prosima a nos.

EsemplosEdit

  • Family
    • Erke = padre
    • Ecke = madre
    • Pauwv = tio
    • Eckuce = tia
    • Puca = avo
    • Puse = ava
    • Cepane = fio
    • Hoktuce = fia

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.