FANDOM


La cualia de ata (engles: lexical aspect, deutx: Aktionsart, italian: qualità dell'azione) es un terma de linguistica consernante un propria de la sinifia de verbos cual influe se realis sintatical o morfolojial. En contrasta a otra proprias, como aspeta, lo es un propria nonvariante car lo es determinada par la semantica e no par la sintatica.

Zeno Vendler (1957) clasi verbos en cuatro categorias:

  1. ativia – "el core"
  2. ateni – "el construi un casa"
  3. susede – "el trova se auto"
  4. state – "el conose la om"

Ativias e atenis pote usa aspetas continuante o progresante, ma susedes e states no pote usa los. Ativias no ave un punto final, ma atenis ave un punto final. States dura, susedes aveni subita, e atenis prosimi la fini en grados.

Bernard Comrie (1976) ajunta un otra categoria: la puntal (engles: semelfactive). Per esemplo, "el stornui". La puntal difere de la state car la puntal es atos, ma la state no es atos. Comrie introdui ance la distingui entre "con gol" (engles: telic) e "sin gol" (engles: atelic). Atenis e susedes es con gol, ma ativias, states, e puntales es sin gol.

Referes:

  • Comrie, B. (1976) Aspect: An Introduction to the Study of Verbal Aspect and Related Problems. Cambridge: Cambridge University Press.
  • Vendler, Z. (1957) Verbs and Times, The Philosophical Review 66:143-60.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.