Fandom

Vici de LFN

Cultiva

3,775pages on
this wiki
Add New Page
Talk0 Share
Esta es la article supra cultiva. La categoria Cultiva conteni plu articles supra cultiva.
Farmer plowing

Cultiva es la prosede de produi comedas e otra produis relateda per interesa economial, per medio de cultiva plantas varios e doma alga bestas.

A nivel mundal la majoria de la popla ativa se dedica a la cultiva, ma esta ativia representa sola un 4% de la Produi Interna Cru de la mundo.

La reloca de recolies ia es developada en Europa en sentenio 18. La cultiva estendeda de nabo e otra plantas de radis ia fasili la nuri de boves tra la inverno. En pasada on ia debe mata la boves e ia preserva la carne par sali .

La introdui de patatas e nabo en sentenio 17 ia marca un avansa notable. Alora Jethro Tull ia mostra la vantaje de cultiva completa de tera e la cultiva de semes en linias regulal (perfora) en contrasta a jeta los tra la tera par manos plen. Esta ta permete ce la cavalos ta pasea sur linias de tera e treme e limpi lo. A pos on usa la sistem de tre campos par Norfolk o torse de cuatro cursos. Robert Bakewell abri la via de eleva oveas e bestas cornida par la bon metodo de eleva interna.

La macini de cultiva ia progresa grande en Europa e la SUA. La recolie ia es de cualia alta par usa de fertili artifisial cual sustitui la esecreta de bestas. La boni de trigo par crusa ia es comensada a la fini de sentenio 18. Tota spesies de recolies ia es bonida a modo simil.

On ia developa macinas recoliente e otra aparatos intendeda per recolie e trata ajuntal de plantas. On fa avansas en descovre e cura de maladias plantal, spesial par parasitos. Manteni de sania de bestas e trata de se maladia aveni a grados alta.

Pos Gera Mundal Du, ia es un crese grande en usa de cimicales de cultiva: matantes malerbal, insetisides, fungisides e fertilintes. En desenio de 1960, on developa spesies de dona abundos, spesial en la revolui verde de la Mundo Tre. Pos 1980, on aplica ibridi par metodos de injenia jenetica e controla de pestes par usa de cimicales e feromones. An tal, ia es un reata oposante contra alga formas de cultiva intensa par causa de la contamina e la destrui de abitadas. Un resulta de esta ia es un crese de metodos alternante, incluinte cultiva natural.

De pos 1970, ia es propensa de evita la usa grande de jeta cimical e fertilintes. Esta metodos natural es desirable car nitrates de fertilintes ia es filtrinte en la acua de tera, e insetisides es trovada en consentras mortal a la pinta de cadena de comeda. Alga matantes de malerba es culpada per malformas de nase. Ormones, cual on dona a bestas per promove crese rapida, ave efetos danante a umanas. Metodos de cultiva intensa contribui a la erode de tera e contamina de acua. Esetante en paises rica en olio e minerales, cultiva es la industria xef de la mundo developante. La esporte de produis basal tal xocolade, peles cru, olio vejetal , fibres, te, e cafe furni la fonte grande de revenu.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.