FANDOM


Curso de tocipona · 1 · 2 · 3 · 4 · 5 · 6 · 7 · 8 · 9 · 10 · 11 · 12 · 13 · 14 · 15 · 16 · 17

Frases prima Edit

Vocabulo Edit

Nomes e pronomes

  • jan — un person, algun, etc
  • mi — me, nos
  • moku — comeda
  • sina — tu, vos
  • suno — sol, lus
  • telo — acua, licuida

Verbos e ajetivos

  • moku — come, bevi
  • pona — bon, simple; repara
  • suli — grande, importante

Paroleta

  • li — separa la sujeto e la verbo (vide a su)

Frases con sujeto "mi" o "sina" Edit

Frases de cual se sujeto es mi o sina es la plu simples en tocipona. On dona mera la sujeto e alora la verbo:

  • mi moku. — Me come.

Plu, en tocipona on no ave un verbo "es". Per dise "me es (alga cosa)", on dona la sujeto e alora direta la ajetivo o la nom:

  • mi pona. — Me (es) bon.
  • mi jan. — Me (es un) person.
  • sina suli. — Tu (es) grande/obesa/importante.

En la lesones seguente, tota cual conserna verbos nontransitiva relata egal a nomes e ajetivos cuando estas es usada per espresa la verbo "es (alga cosa)".

La ambiguia de tocipona Edit

Sinifias multiple Edit

Car on ave vera poca parolas en tocipona, la plu parolas ave plu ca un sinifia. Per esemplo, suli pote sinifia "longa", "alta", "larga", "obesa"… o "importante". Esta ambiguas es nonevitable, ma en la filosofia de tocipona los no es evidente un cosa mal: par causa de la cualia neblosa de la vocabulo, cuando on parla tocipona, on es obligada a consentra sur la esenses en loca de deveni perdeda en detalias.

Singular e plural Edit

Tocipona es ambigua en un otra manera: lo no spesifa esce un parola es singular o plural. Per esemplo, jan pote espresa o "un person" o "persones". Nos va vide en leson 4 un modo de indica clar la pluralia, ma la metodo es elejable: lo no es vera ce un parola cual no indica la pluralia no es plural.

Nom/verbo/ajetivo Edit

Un frase en tocipona conteni jeneral o un verbo, o un ajetivo, o un nom (e on comprende la verbo "es"). Ambiguia pote apare cuando un parola parteni a plu ca un categoria gramatical, per esemplo cuando la mesma parola es usada en casos diversa como verbo, nom o ajetivo. Tal, teorial, la frases seguente ave plu ca un sinifia posible:

  • mi moku. — Me come. / Me es un comeda.
  • sina pona. — Tu es bon. / Tu repara.

En pratica, la situa debe dona la sinifia la plu probable. On oia rara ce un person dise ce el es un comeda, donce mi moku sinifia sin duta "Me come". Simil, on repara rara en linguaje asoluta (sin spesifa la cosa cual on repara), donce sina pona sinifia sin duta "Tu es bon".

Per frases como sina pona, on ave otra modos plu esata de espresa, ma nos va vide estas en la leson seguente.

Manca de conjuga Edit

Tocipona no declina se verbos e no conjuga se nomes. On no distingui entre la presente, la pasada, la futur, la ipotesal, etc:

  • mi moku. — Me come / ia come / va come, etc

En leson 16, nos va vide como on indica ce un ata aveni en la pasada, la presente, o la futur.

Frases con sujeto cual es no "mi" no "sina" Edit

Cuando la sujeto de la frase no es mi e no es sina, on introdui la paroleta li entre la sujeto e la verbo:

  • telo li pona. — Acua es bon.
  • suno li suli. — La sol es grande.
  • moku li pona. — Comedas es bon. / Come es bon.

La paroleta li es usada sola si la sujeto no es mi o sina. Direta cuando la sujeto de la frase deveni plu complicada ca un parola simple, la vantaje de li deveni evidente, como nos va vide en la leson seguente.

Plu ca un verbo per la mesma sujeto Edit

Cuando un serie de verbos ave la mesma sujeto, on pote grupi tota de los en la mesma frase, ajuntante la verbos la un pos la otra, e introduinte cada verbo nova con li:

  • suno li suli li pona. — La sol es grande e (es) bon.
  • mi moku li suli. — Me come e es obesa.

Asi, on omete ancora li ante moku, car la sujeto de la frase es mi o sina. Ma li es presente ante la verbo du, suli. Sin esta li, la frase ta es confusada. [La tal usa de li pos mi o sina no es direta permeteda par la libro ofisial de 2014. An tal, tociponistes ia usa longa esta strutur, e lo pare ancora intera bon per recomenda.]

Eserses Edit

Tradui esta frases a tocipona. (La respondes es ascondeda su la baras gris: per leje los, eleje la baras con mus o dito.)

  • La persones es bon. jan li pona.
  • Me come. mi moku.
  • Tu es grande. sina suli.
  • La acua es simple. telo li pona.
  • La lago es grande. telo li suli.

E aora atenta tradui de tocipona a elefen:

  • suno li suli. La sol es grande.
  • sina jan li suli. Tu es un person e tu es importante/obesa.
  • jan li moku. Algun come. / Persones come. / On come.

Leson seguente

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.