Dementeria

Es me mente.
En cual me abita.

Es me mente.
Par cual me vive.

Me testa es me menteria;
Lo es me libria;
Lo es me prison.

En me mente
En cual me abita
Nun pote toca me.

En me mente
Par cual me vive
Me pote vive
Esata como me desira vive.

En asi
Me pote fa
Cualce cosa
Cual me desira fa.

En asi
Me pote dise
Cualce parola
Cual me desira dise.

En me mente
Me pote pensa
Cualce pensa
Cual me desira pensa.

En me mente
Me pote es alga cosa
Cual me desira es.
Me es importante.

En asi
Me ave un pais bela.
Un pais plu bela ce realia.
En me pais me es la re.

En asi
Si me desira
Me pote es solitar.
En me vive real
Me es solitar
Si me vole es o no.

En me mente
Si me desira
Me ave multe amis.
En me vive real
Me ave no amis
An si me vole los o no.

En me mente
Me es isolida
Protejeda de la mundo real.
Nun pote entra
Nun pote sorti.

An no me.

En me mente
Ave me esperas
E sonias
E pensas lejera.

En me mente
Ave me desperas
E malsonias
E pensas oscur.

Me es serta
Ce en me pensas
Me no es solitar.
En me pensas
Me es serta
Ce otras pensa tal.

O tal me pensa.

Es me mente
En cual me abita.

Es me mente
Par cual me vive.

Me testa es me menteria;
Lo es me libria;
Lo es me prison.

Lo es me dementeria.