FANDOM


DouglasAdams

Douglas Noel Adams (11 marto 1952 – 11 maio 2001) ia es un scrivor engles. El es la plu bon conoseda como la autor de La manual de autostopa galasial, cual ia comensa se vive en 1978 como un comedia de radio ante deveni un "trilojia" de sinco libros, un serie de televisa, alga teatrales, un jua de computador, e en 2005 un filma major.

El ia scrive ance La ajenteria de deteta oliste de Dirk Gently (19876) e La ora de te longa e oscur de la spirito (1988), ia coscrive La sinifia de Liff (1993), La momento final per vide... (1990), e tre naras per la serie de televisa Dotor Ci. Pos se mori, on ia publici un colie de se labora, incluinte un novela nonfinida, como La salmon de duta en 2002.

Adams ia deveni conoseda como un portavose per animales e la ambiente, e un amor de autos rapida, cameras, e la computadores Macintosh de Apple.

El ia es un ateiste dedicada, e ia imajina famos un stangeta consensa ci velia a un matina e pensa: "La buco en cual me es situada conveni multe bon a me, no? Es clar ce on ia crea el per conteni ultima me!" La biolojiste Richard Dawkins ia dedica se libro La ilude de Dio a Adams, scrivente a se mori ce "la siensa ia perde un ami, la leteratur ia perde un inspiror, la gorila de monte e la rinosero negra ia perde un defendor brava."

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.