FANDOM


E-Prime (el sinifia English Prime) es un modo de parla engles sin usa la verbo "es", en engles to be, en alga modo (be, is, am, are, was, were, been, being [1]). En loca, un parlor o un scrivor de E-Prime usa verbos diferente como "deveni" (en engles to become), "permane/resta" (to remain), e "egala" (to equal) o los pote organiza la frase per mostra ce o ci fa la ata. Esemplo, en E-Prime, un scrivor ta cambia la declara Mistakes were made = "Eras ia es fada" a Joe made mistakes = "Joe ia fa eras". Esta cambia en linguaje revela un ator (Joe) en cuando la forma presedente ia subnega la ator. La usores de E-Prime ta considera plu sufisinte la cambiada frase.

Razonas de E-Prime Edit

D. David Bourland, Jr. prima ia proposa E-Prime en 1965. Bourland ia studia Semantica Jeneral en la pasada. La idea xef de la Semantica Jeneral es ce umanas pote sola sabe ce los oserva e esperia cuando los vide, oia, toca, senti par sabor, odori, pensa, e senti, e en plu, la oservas e la esperias pote influe la oservas e la esperias futur. Car cadun ave esperias diferente de la otras, ance comprendes de la esperias es diferente.

Studiantes de Semantica Jeneral e usores de E-Prime batalia ce dise This cat is soft = "Esta gato es suave" omete numeros otra atribuidas, e implica ce la "ojeto" esterna de la gato es la "mesma como" la esperia interna de "es suave". En loca, usores de E-Prime dise This cat feels soft TO ME = "Esta gato impresa suave A ME" per recolie de la seguintes:

  1. Ce se esperia de "es suave" envolve e la "ojeto" esterna nomida "gato" e la oios, manos, serebro e sistem nerval de la oservor.
  2. Ce algun otra ta pote esperia diferente aspetas de la gato.
  3. Ce los se mesma ta pote esperia un cosa diferente en un tempo diferente o en casos diferente. (La gato ta pote raspa los, o impresa umida o covreda con tera.)

Ce no es E-Prime Edit

E-Prime e Semantica Jeneral no es linguas o formas de engles diferente. En loca, los furni modos diferente de pensa e de parla de la mundo.

Linguas como arabi, turces, e cantones, an si no ave un verbo separada per "es", los ave la idea de "es". Esemplo, un parlante de elefen ta pote dise "Esta poma es roja". Un parlante de arabi ta pote dise "Esta poma roja". La majoria de la linguas pote es usada per vosi la idea de un roja poma. Un usor de E-Prime pote sola dise ce "Esta poma apare roja a me" per recorda ce "vide de roja" envolve e la poma e la oio e serebro de la person regardante la poma.

Multe enseniores de engles coraji studiantes a usa verbos diferente de "es". Per los, la usa de verbos plu ativa fa un opera scriveda plu clar e plu interesante. Esta enseniores vole refina operas scriveda par se studiantes, e no vole nesesada fa asede a la ideas de Semantica Jeneral o E-Prime.

Notas Edit

  1. En lfn ave "es", "ia es", "va es", "esente")

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.