Economia
From Vici de LFN
- Esta es la article supra economia. La categoria Economia conteni plu articles supra economia.
La economia (οίκος (oikos) "casa" e νέμω (nemo) "leges", o "leges de la casa" en elinica) es la siensa sosial ce studia la prosedes de la produi, la distribui, la comersa e la consuma de cosas e servi en la situa de competi de la recursos. El studia ance la produi e la distribui de ricia.
La economia studia la satisfa de la nesesas umana per medio de recursos, partente de la prinsipe ce la recursos natural e la cosas es limitada o insufise; es a dise ce no es posable satisfa tota partisipantes de la economia, e ce la individus o sosias debe deside entre alternatives diferente. Seguente, studia la prosedes de deside en individus o grupos es un aspete sentral de la economia. En jeneral, la economistes teni ce la insentis e la preferes particulas determina la plu la prosedes de deside. La variables studiada es cuantas mesurable, particular en la situa de la "mercato".
Vide ance La limitas de crese.
