FANDOM


La eda medieval en England conserna la istoria de England durante la eda medieval, de la fin de la sentenio 5 asta la comensa de la eda moderna en 1485. Cuando England ia emerji pos la cade de la Impero Roman, la economia ia es laserada e multa vilas e sites ia es abandonada. Pos varia sentenios de migra germanica, nova identias e culturas comensa a emerji, developante renas xasante cual ia compete per la potia. Una cultura artal rica ia flori con la anglosasones, produinte poemas epica como Beowulf e arte de metal sofisticada. La anglosasones ia converti a la cristisme en la sentenio 7 e un rede de moncerias ia es construida traversante England. En la sentenios 8 e 9 England ia es atacada per la vicinges, e la luta ia dura multa desenios, instituinte Wessex como la plu potiosa rena e promovente la crese de un identia engles. An con la repetede crises de pasa de rena e la prende de potia dansce en la comensa de la sentenio 11, en la desenio de 1060 England ia es un stato potiosa e sentrida con un economia susedosa.

La invade normande de England en 1066 indui a la defeta e la sustitua de la elejedas anglosason con la nobiles franses e normande e se suportores. William la concistor e se seguores ia emprenda la sistema statal esistente, ia represa la revoltas local e ia controla la abitores tra un rede de casteles. La renores nova ia introdui la feudalisme a la governa de England, eliminante la slavia ma creante la campanianes feudal. Durante la sentenios 12 e 13 la cuantia de abitores de England ia dupli nurinte la espande de la vilas e sites e de la comersia, aidada per la temperatur plu calda en Europa norde. Un onda nova de moncerias ia es constituida ma reformis eglesal ia crea tensas entre la res e la arcibispos. An la developas en la governa de England e la sistema legal, la lutas entre la elejedas anglosason-normande ia resulta en geras internas multiple e la perde de Normandia.

En la sentenio 14 England ia vide la Grande Famion e la Mori Nigra, du avenis desastrosa cual ia dedui la cuantia de abitores a la media, lasante la economia en caos en suminante la ordina political vea. Turbas sosias ia segue, en la forma de Revoltas campanian de 1381, entretempo la cambias en la economia ia resulta en la emerji de un clase sosial nova, la burjesia e la nobilia ia comensa a eserse potia tra un sistema nomida feudalisme bastardo. Cuasi 1500 vilas ia es abandonada per se abitores e multa omes e femes ia busca oportunes nova en la vilas e sites. Tecnolojias nova ia es introduida e England ia produi alga de la plu grande filosofistes e siensistes natural medieval. La res engles en la sentenios 14 e 15 ia reclama la trono de Frans, resultante en la Gera de Sento Anios. A veses England ia ave un grande esito militar, con la economia cresente per la profitas de la comersia internasional de lana e de vestes, ma en 1450 la pais ia es en crise, frontinte fali militar con Frans e un retrosede economical corente. Plu turbas sosial ia apare, segueda de la Gera de la Rosas, lutata entre du partitos oposores de la nobilia engles. La vinse de Henry 8 en 1485 marca la fin de la eda medieval en England e la comensa de la eda moderna.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.