FANDOM


Elizabeth 1 (7 setembre 1533 - 24 marto 1603) ia es la rea de England e Er de 17 novembre 1558 asta se mori. Sin enfantes, Elizabeth ia es la monarca sinco e final de la dinastia Tudor.

Elizabeth ia es la fia de Henry 8 e Anne Boleyn, se sposa du, ci ia es esecuta du e dui anios pos la nase de Elizabeth. La sposi ia es negada e Elizabeth ia es declarada un enfante nonlegal. Se duifrate Edward 6 ia rena asta se mori en 1553 e ia dona la trono a Dama Jane Grey, iniorante la diretos de se duisores Elizabeth e Mary, ci ia es catolica. Ma la atesta ia es negada e Mary ia deveni rea. En la rena de Mary 1, Elizabeth ia es prisonida per cuasi un anio, suspetada de suporta la rebelores protestante.
Nicholas Hilliard- Portrait of Queen Elizabeth I

En 1558, Elizabeth segue se duisore a la trono. Un de se atas prima ia es la institui de un eglesa protestante engles, de cual el ia deveni la governor suprema. El no ia vole irita tro multe la catolicas per evita un crusada, ma el no vole coraji la protestantes plu radical, ci ia desira cambias multe plu estrema. Esta eglesa ia deveni la Eglesa de England, divorsada de Roma ma reteninte la stilo de se eglesa.

An si el ia es espetada sposi e produi enfantes per erita la trono, el ia sposi nunca e ia deveni famosa per se virjinia.

Elizabeth ia es un renor moderada, tolerante, e cauta. En la desenio de 1580, el no ia pote evita un gera con Espania. La defeta de la Marina de Espania en 1588 ia es un de la vinses la plu grande en la istoria de England. Se rena es conoseda como la Eda Elizabethan, e ia es famosa per leteratur, teatro, e otra artes, como lo produi par Shakespeare. E se rena ia es relativa stable e pasosa, e crea un identia nasional per la engles.

Elizabeth ia mori a 24 Marto 1603 a la palasio a Richmond. Alga oras a pos, la desinias per declara James 6 de Scotland como James 1 e England ia comensa.

Elizabeth ia es enterada en la Abadia de Westminster en un tomba ce el comparti con se duisore, Mary. La enscrive a la tomba dise Regno consortes & urna, hic obdormimus Elizabetha et Maria sorores, in spe resurrectionis, pd "Asosia en la rena e la tomba, asi nos dormi, Elizabeth e Mary, sores, en espera de la revive".

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.