FANDOM


Eneas
Eneas fujinte de Troia

Informa personal

Nase: Monte Ida
Pais: Troia

Otra informas

Eneas (elinica antica: Αἰνείας, latina Aeneas) es un eroe troian, fio de Ancise e Venus. Sua padre ia es la cusin de Priamo de Troia (ambos esente netos de Ilo, fundor de Troia), fante Eneas un cusin du de la fios de Priamo (como Hector e Paris). Es un carater de la mitolojia elinica antica e apare en la Iliada de Homero. El ance apare en la Eneida de Vergilio, do es un asendente de Romulo e Remo. El ia deveni la prima vera eroe de Roma.

Nom Edit

Eneas es la nom en elefen per la spele latina Aeneas, cual veni de la elinica Αἰνείας (Aineías). En la imno homeral a Afrodita, Eneas es presentada con Afrodita nominte el Αἰνείας (Aineías) per la αὶνóν ἄχος ("tristia xocante") cual el ia causa a la dea, do Aineías veni de la ajetivo αὶνóν (ainon, "xocante"). Lo es etimolojia popular per la nom, esplotada per Homero en la Iliada. A pos en la eda medieval alga autores ia crede ce, car la Eneida ia es scriveda per un filosofiste, lo ta debe es lejeda de forma filosofial. Tal, en la "ordina natural", la sinifia de la nom de Eneas combina la elinica ennos ("abitor") e demas ("corpo"), cual deveni ennaios, sinifiante "abitor en la interna" pd, un deo abitante un corpo mortal). An tal, no esiste sertia sur la orijina de sua nom.

Mito elinica Edit

Imno homeral a Afrodita Edit

Venus e Ancise per William Blake Richmond (Google Art Project)

Depinto Venus e Ancise, per William Blake Richmond (1889 o 90)

La istoria de la nase de Eneas es racontada en la "Imno a Afrodita", un de la plu grande imnos homeral. Afrodita ia fa ce otra deos acde en ama con femes mortal. Com venja, Zeus ia pone desira en sua cordia per Ancise, cual es atendente sua boves entre la colinas de la Monte Ida. Cuando Afrodita ia vide el, enama de el. El decora se como per un mariaja entre la deos e apare ante el. Ancise es vinseda per sua belia, credente ce es un de, ma Afrodita identifia se como un prinsesa frigian. Pos los fa la ama, Afrodita mostra sua vera identia e Ancise teme ce ta pote susede a el como resulta de sua lia. Afrodita serti el ce va es protejeda, e dise el ce va dona el un fio ci va nomi Eneas. An tal, el averti Ancise ce nodebe dise ce el fa la seso con la dea. Cuando Eneas ia nase, Afrodita porta el a la nimfas de la Monte Ida. El comanda los eleva la enfanta asta ce el va es sinco, e pos ia porta a Ancise. Otra fontes dise ce Ancise vanta de fa la ama con la dea e Zeus ia lansa un tona a sua pede. A pos, el ia coxea e per esta, Eneas debe porta el estra Troia.

Iliada de Homero Edit

Article xef: Iliada
Aineias Ankhises Louvre F118

Eneas portante Ancise, s 520–510 aec, Louvre (F 118)

Eneas es un carater minor en la Iliada, do es salvada a du veces de es matada per la deos, mas es un geror corajosa. Frenida de la batalia, insultida per Priamo car an con sua atas corajosa el no es donida onora, el ia gida un ataca contra Idomeneo per recovre la corpo de sua frate par sposi at the urging of Deiphobus. El es la gidor de la Trojans' Dardanian allies como ance la cusin du e teninte xef de Hector, fio de la re troian Priamo. Ma madre de Eneas, Afrodita, frecuente aida el en la campo de batalia, e el es favorida per Apolo. Afrodita e Apolo salva Eneas de la combate con Diomedes de Argos, ci cuasi mata el, e porta el a Pergamo per sani. An Poseidon, aida Eneas cuando cade su la ataca de Acile, notante ce Eneas, an si es parte de la ramo minor de la famila reial, es detinada a deveni re de la popla troian.

Otra fontes Edit

La mitografo roman Gaio Julio Higino (64 aec - 17 ec) en sua Fabulas dise ce Eneas ia mata 28 enemis en la gera de Troia. Eneas ance apare en la racontas troain atribuida a Dares Frigian e Dicto de Creta.

Mito roman e leteratur Edit

Denier frappé sous César célébrant le mythe d'Enée et d'Anchise

Eneas e Ancise

La istoria de Eneas ia es continuada per la autores roman. Un fonte influente ia es la raconta de la fundi de Roma en la Orijinas de Cato la Major. La lejenda de Eneas ia es conoseda en la tempo de Vergilio e ia apare en varios obras istorial, incluinte la "Anticias Roman" de la istoriste Dionisio de Halicarnaso (fidante de Marco Terentio Varro), Ad Urbe Condita de Livio e Gnaeo Pompeio Trogo (oji sola en un personi per Justino).

Eneida de Vergilio Edit

Article xef: Eneida
Venus as Huntress Appears to Aeneas

Venus como xasora apare a Eneas, per Pietro da Cortona.

La Eneida esplica ce Eneas es un de la poca troianes ci ia no mori o es sclavida pos la cade de Troia. Eneas, pos la comanda de la deos de fuji, ia asembla un grupo, ci ia viaja a Italia e ia deveni la asendentes de la romanes. La grupo ia inclui Miseno, la padre de Eneas, Ancise, sua amicos Acates, Sergesto e Acmon, la sanor Iapix, la timonor Palinuro, e sua fio Ascanio (ance conoseda como Iulo). El ia porta la Lares e la Penates, la statuas de la deos familial de Troia, e ia transplanta los en Italia.

Varia atentas de encontra un nova casa ia fali, un para ia aveni en Sisilia, do en Drapno, en la costa ueste de la isola, sua padre, Ancise, ia mori.

Guérin Énée racontant à Didon les malheurs de la ville de Troie Louvre 5184

Eneas raconta Dido sur la cade de Troia, per Pierre-Narcisse Guérin.

A pos un tempesta corta ma ferose cual Juno ia lansa contra la grupo, Eneas e sua flotila ia atera en Cartago pos ses anios vagante. Eneas ia ave un caso de ama con la rena de la site, Dido, ci ia proposa a la troianes abita sua pais e ce Eneas e el ta reni la du poplas. Un mariaja ia es aranjada entre Dido e Eneas provocada par Juno, ci ia sabe ce sua site favoreda ta es defetada per la desendentes de la troianes. La madre de Eneas, Venus, ia persepi ce la grupo ia nesesa un reposa tempora per reforti se mesma de la viaja cual ta aveni. An tal, la deo mesajor Mercurio ia es enviada par Iupiter e Venus per fa recorda Eneas sua viaja e proposa, obligante el a abandona sacreta. Cuando Dido ia descovre esta, ia maldise ce Cartago sempre ta odia Roma, un enemia cual ta culmina en la Geras Punica. A pos el ia suisida con la spada cual el dona Eneas la prima ves ce los ia encontra.

Pos reposa en Cartago, la troianes ia reveni a Sisilia do Eneas ia organiza juas funeral per onora sua padre, ci a mori un anio ante. La grupo ia viaja e ariva a la costa ueste de Italia. Eneas ia desende a la sumundo do ia encontra Dido e sua padre, ci ia mostra a el la futuro de sua desendentes e la istoria de Roma.

Aeneas and Turnus

Eneas defeta Turno, per Luca Giordano, 1634-1705. La jenio de Eneas es mostrada subinte, mirante la lus de la futuro, entretempo la de Turno es basante, velida en oscur.

Latino, la re de la latinas, ia bonveni la armada de Eneas e lasa los reorganiza sua vives en Latio. Sua fia Lavinia ia es prometeda a Turno, re de la rutulos, ma Latino ia reseta un preside ce Lavinia ta es casada con un de otra pais pd Eneas. Latino ia segue la predise e Turno donce ia declara la gera a Eneas corajida per Juno, cual ia alia a la Re Mezentio de le etruscas e la rea Amata de la latinas. La armada de Eneas ia gania, Turno ia mori e la raconta de Vergilio fini subita.

Otra fontes Edit

La resta de la biografia de Eneas proveni de otra fontes vea, incluinte Livio e la Mutas de Ovidio. Seguente Livio, Eneas ia vinse ma Latino ia mori en la gera. Eneas ia fundi la site de Levinio, nomida pos sua sposa. A pos el ia bonveni la sore de Dido, Anna Perenna, ci ia suisida cuando conose la jelosia de Lavinia. Pos la mori de Eneas, Venus ia demanda Jupiter fa sua fio nonmortal. Jupiter ia acorda. La rio Numico ia limpi la partes mortal de Eneas e Venus ia unje el con netar, fante de el un deo. Eneas ia es reconoseda como la deo Jupiter Indiges.

Fontes Edit

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.