FANDOM


Engles (English)
Parlada en: Vide su
Area: Tota la mundo
Tota parlores: L1: 430 million (2013), L2: 950 million (2013)
Ordina:
Familia: Linguas germanica
State ofisial
Lingua ofisial de:
Regulada par:
Sifras
ISO 639-1en
ISO 639-2eng
SIL eng
Anglosphere
  Paises do Engles es un lingua ofisial o ofisial de facto, o lingua nasional
  Paises do es un lingua ofisial ma no lingua prima
Vide ance: LinguaLista de linguas


Engles es un lingua germanica, de la familia indo-european. Lo es la lingua dominante en comunica, siensa, tecnolojia, comersia, avioni, diverti, radio e diplomatia. Lo es la lingua du en cuantia de parlores nativa, e la lingua prima si on inclui los ci aprende lo como un lingua du.

(Vide ance Engles (gramatica)

Istoria Edit

OrijinasEdit

La lingua engles es vera la medio xef de comunica per persones en la Rena Unida, SUA, Canada, Australia, Africa Sude, e otra paises numeros. El es parlada en plu partes de la mundo ce cualce otra lingua e par plu persones ce cualce otra lingua con eseta de xines. Engles parteni a la grupo anglo-frisce en la ramo ueste de la linguas germanica, un sufamilia de linguas indo-european.

Developa de la lingua Edit

On reconose tre niveles xef en la developa de engles.

  • "Engles vea" ia esiste de 449 a 1066 e.c.
  • "Engles media" ia dura de 1066 a 1500.
  • "Engles moderna" comensa sirca 1500 e es sudivideda en "engles moderna temprana" de 1500 a 1660 e "engles moderna tarda" de 1660 asta la presente.

Engles vea, un varia de germanica ueste, es parlada par serta poplas germanica ci ia invada Britania en sentenio 5 e.c. Engles vea ia es un lingua infletada, e mesma si el ia es rica en capasias de construi parolas, se vocabulo ia es peti. El ia presta vera poca parolas de la linguas celtica, latina e scandinavian.

A comensa de la periodo de engles media, la lingua ia es ancora infletada; a la fini de la periodo, la relata entre la elementos de un frase ia depende esensal de la ordina de parolas. Casos gramatical e alteras de nom ia es simple. Un numero de parolas aidante ia veni de nordica vea e la normanes, ci ia concista England en 1066, ia atrae otra ajuntadas a la vocabulo.

En comensa de engles moderna, un cambia major aveni en pronunsia. La "desloca grande de la vocales", ce es ancora continuante, ia causa ce la pronunsia de parolas engles difere de otra linguas europan. La vocabulo alora ia grandi par reusa vasta de un parte de parla per un otra, e par presta de otra linguas.

La regulas formal de gramatica ia funda bon sirca la fini de sentenio 18. A resulta de sperde colonial en sentenios 19 e 20, multe parolas nova ia es asetada, incluinte parolas nativa de America norde, de Australia, e de Africa. Ance miles de termas siensal ia es developada per indica descovres, consetas, e inventas nova.

Engles de sentenio 20Edit

En Britania Grande a presente, la parla de la popla instruida es nomada "engles normal asetada" (Received Standard English). Multe persones engles ci parla un de la dialetos local diferente en se infantia usa engles normal resetada durante studia a scola.

Dialetos importante local ia developa en Ireland, Scotland, e Australia.

CualiasEdit

La vocabulo engles ia grandi multe en plu ce 1500 anios de developa, cresente a plu ce 1 milion de parolas. Lo ave la plu grande vocabula de tota la linguas de la mundo. Parolas nova es creada par presta de otra linguas e par metodos como onomatopea (imita de sonas natural), afisa (ajunta de prefisas e sufisas), la forma libre de composadas, la altera de parolas esistente, e la cambia de clase — p.e. la usa de un verbo como un nom: to find "trova" (verbo) e a find "un trovada" (nom).

Engles ave la spele la plu difisil de linguas cual usa la alfabeta latina, car la spele de parolas no ia cambia cuando se sona ia cambia, e car la modo de spele stranjer ia es retenida sin cambia en parolas adotada par engles.

Engles moderna ave infletas rara. Nomes ave finis diferente sola per indica la posese par -s e la numero plural par 's. La verbo engles es ance multe simple, compareda a la strutur verbal en linguas relatada, usante sola -ed per la pasada e la partisipio pasada, e -ing per la jerundio e la partisipio presente. Ma en loca de afisas, el usa comun verbos aidante como do, have, can, may, must, e would, cual pote causa multe difisiles per aprendores.

Distribui jeografial Edit

Engles es lingua ofisial en 53 paises e ance en alga organizas como la Nasiones Unida.

Dialetos Edit

Engles brites inclui la multe dialetos parlada en la Isolas Brites, incluinte England, Scotland, Cimri, e Er. Simil a la engles brites es lo parlada en Australia, Zeland Nova, Sudafrica, alga isolas en la Caribean e la Pasifica, e como un lingua franca en nasiones como India, Cenia, etc. Alga de esta dialetos difere multe de la otras, ma la parlores atende a la dialeto cuasi-ofisial nomida "Received English" o "The Queen's English", cual introdui alga grado de coere a esta dialetos.

Engles american es plu coerente, ma ave se varias ance, inclui la engles parlada en Canada cual reteni alga cualias de pronunsia, spele, e vocabulo brites. La dialetos parlada en la sude de la SUA, en la montanias de Apalatxia, e de la sites grande de la custa esta, como New York, es reconoseda par multe de se representas en la sinema e la televise.

La diferes la plu distinguinte entre engles american e engles brites es en pronunsia e vocabulo con diferes peti en spele, altia de tono, e asentua. La influe de medio coletiva pare move la lingua a un model plu coerente tra la mundo. Ma un cualia unica de la lingua engles resta: se tende de crese e cambia. En la sentenio dudes, engles ia deveni la lingua xef de comunica internasional.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.