FANDOM


Eue (Èʋe, Èʋegbe)
Parlada en: Gana e Togo
Area:
Tota parlores: 3 600 000
Familia: Linguas nijer-congo
State ofisial
Lingua ofisial de:
Regulada par:
Sifras
ISO 639-1: ee
ISO 639-2: ewe
ISO 639-3: [1]
SIL: [2]
Mapa
Gbe languages
La areas do eue es parlada
Vide ance: LinguaLista de linguas

Eue (Eʋe, Eʋegbe) es un lingua de la familia nijer-congo, parlada en Gana sude-este e Togo sude par plu ce tre milion persones. Eue es un parte de un grupo de linguas relatada clamada comun gbe, parlada en Gana, Togo, Benin, e Nijeria. Otra gbe linguas inclui fon e aja. Como la otra gbe linguas, eue es un lingua tonal.


Spele e pronunsiaEdit

Eue es scriveda en la "alfabeta african de refere", ce es baseda a la alfabeta latina con alga leteras plu (alga derivada de la alfabeta fonetica internasional):

A a B b D d Ɖ ɖ Dz dz E e Ɛ ɛ F f Ƒ ƒ G g Gb gb Ɣ ɣ
/a/ /b/ /d/ /ɖ/ /dz/ /e, ə/ /ɛ/ /f/ /ɸ/ /ɡ/ /ɡ͡b/ /ɣ/
H h X x I i K k Kp kp L l M m N n Ny ny Ŋ ŋ O o Ɔ ɔ
/h/ /he/ /i/ /k/ /k͡p/ /l/ /m/ /n/ /ɲ/ /ŋ/ /o/ /ɔ/
P p R r S s T t Ts ts U u V v Ʋ ʋ W w X x Y y Z z
/p/ /l/ /s/ /t/ /ts/ /u/ /v/ /β/ /w/ /x/ /j/ /z/

Un tilde (˜) supra un vocal indica nasali.

Eue ave sinco tonos: alta, media, basa, asendente, e desendente. Per esemplo, esta tre parolas difere sola en se tonos:

  • tó - montania (tono alta)
  • tǒ - mortero (tono asendente)
  • tò - bufalo (tono basa)

Los es normal scriveda sola en casos do confusas es posable.

Nomes Edit

La plural de un nom es formada par la sufisa -wo:

  • ati > atiwo - 'arbores'
  • xɔ > xɔwo - 'casas'
  • ŋutsu > ŋutsuwo - 'omes'

Nomes coletiva no usa normal esta sufisa:

  • ayi - 'favas'
  • azi - 'nozas'
  • mɔli - 'ris'
  • bli - 'mais'
  • wɔ - 'farina'
  • tsi - 'acua'
  • dze - 'sal'

Si un nom coletiva ave la sufisa plural, el referi a spesias varios de la nom:

  • ayiwo - 'spesies varios de favas'

Cuando cuantia es espresada par numeros, on no usa la sufisa plural:

  • ati eve - 'du arbores' (leteral 'arbor du')
  • xevi ewo - 'des avias' (leteral 'avia des')
  • nyɔnu etɔ˜ - 'tre femes' (leteral 'fem tre')

Ma si la nom ave un article, on usa la sufisa plural:

  • ati eveawo - 'la du arbores' (leteral 'arbor du-la-s')
  • xevi ewoawo - 'la des avias' (leteral 'avia des-la-es')
  • nyɔnu etɔ˜awo - 'la tre femes' (leteral 'fem tre-la-s')

Nota ce la determinante es sufisada a la numeral, e no la nom!

On pote asentua la nom par la sufisa –e. La sufisa es ajuntada a la determinante o ajetivo, si on esiste:

  • To kɔkɔe. - 'Es vera un montania alta.'
  • Xɔ gãne neƒle. - 'Es un casa grande ce tu ia compra.'
  • Adela eveawoe wu to la. - 'Es la du xasores ce ia mata la bufalo'

Nomes ce referi a un loca de un ata o aveni, los usa la particula ƒe. Con verbos nontransitiva, ƒe es sufisada a la nom verbal:

  • yiyi → yiyiƒe - 'loca de vade' (leteral 'vade-loca')
  • vava → vavaƒe - 'loca de veni' (leteral 'veni-loca')
  • dzodzo → dzodzoƒe - 'loca de parti' (leteral 'parti-loca')

Determinantes Edit

ArticlesEdit

Eue ave du articles de defini, la particula la e la sufisa -a:

  • ati la, atia - 'la arbor'
  • la, xɔa - 'la casa/construida'

Si la radis fini con -a, la article es sempre la:

  • ga la (no *gaa) - 'la metal/moneta'

La article de nondefini es espresada par ajunta -a a la nom e usa la particula ɖe (un forma corta de ɖeka, la numero un) pos la nom:

  • amea - 'la person'
  • amea ɖe - 'un person'
  • atia - 'la arbor'
  • atia ɖe - 'un arbor'

Cuando on demanda "cual es lo?", la article de nondefini no es usada:

  • Nuka nye esia? esia nye xɔ. - 'Cual es esta? Esta es un casa.'
  • Nuka nye esia? esia nye kplɔ˜. - 'Cual es esta? Esta es un table.'
  • Nuka nye esia? esia nye ablegɔ. - 'Cual es esta? Esta es un seja.'

Per indica la idea de spesifiada, on usa la article de nondefini:

  • Atia ɖe mu. - 'Un arbor spesifada ia cade.'
  • Kɔdzo kpɔ ŋutsua ɖe. - 'Kɔdzo ia vide un om spesifada.'
  • Adzoa ƒle azia ɖe. - 'Adzoa ia compra un ovo spesifada.'

La sufisa per pluralia -wo es sufisada a la ɖe de la article de nondefini:

  • Atia ɖewo mu. - 'Alga arbores ia cade.'
  • Kɔdzo kpɔ ŋutsua ɖewo. - 'Kɔdzo ia vide alga omes.'
  • Adzoa ƒle azia ɖewo. - 'Adzoa ia compra alga ovos.'

Determinantes de mostraEdit

La determinantes de mostra es...

  • sia - esta
  • siawo - esta (plural)
  • ma - acel
  • mawo - acel (plural)
  • kemɛ - acel (distante)
  • kemɛwo - acel (distante, plural)

La determinantes de mostra segue la nom:

  • ɖevi sia - 'esta enfante'
  • ɖevi siawo - 'esta enfantes'
  • xevi ma - 'acel avia'
  • xevi mawo - 'acel avias'
  • to kemɛ - 'acel bufalo ala'
  • to kemɛwo - 'acel bufalos ala'

La determinantes de mostra segue tota otra ajetivos:

  • ŋutsuvi nyui sia - 'esta bon fio' (leteral 'fio bon esta')
  • ŋutsu sesẽ kɔkɔ ma - 'acel om alta e forte' (leteral 'om alta forte acel')
  • fesre keke sesẽ mawo - 'acel fenetras forte e larga' (leteral 'fenetras forte alta acel-es')

Determinantes de poseseEdit

La determinantes de posese es...

  • nye - me
  • míaƒe - nos
  • wò - tu
  • miaƒe - vos
  • eƒe - el/lo
  • woƒe -los

Nota ce, per el, nos, vos, e los, la sufisa de posese ƒe es usada.

Esta determinantes de posese presede la nom:

  • Nye xɔ mu. - 'Me casa ia cade.'
  • agbalẽ bu. - 'Tu libro es perdeda'
  • eƒe abɔ ŋe. - 'Se braso es rompeda.'
  • Míaƒe atiwo sɔgbɔ. - 'Nos arbores es multe.'
  • Miaƒe nyiwo nye esiawo. - 'Vos boves es estas.'
  • Woƒe xɔwo menyo o. - 'Se casas no es bon.'

La sufisa ƒe es cadeda en la casos seguente. Nota ce e ("se", singular) es un prefisa:

Familia:

  • mía fofo - 'nos padre'
  • mia dada - 'vos madre'
  • wo tasi - 'los tia'
  • etɔɖi dzo. - 'Se tio ia departi.'

Partes de la corpo:

  • mía ŋkume - 'nos fas'
  • emegbe - 'se dorso'
  • Wo ŋuti ko. - 'Se corpo es limpa.'

Nomes verbal:

  • eƒeƒle - 'se esente comprada'
  • wo wuwu - 'se esente matada'
  • mia dɔdɔ - 'vos esente enviada'

Nomes de ajentes:

  • mía kplɔla - 'nos xef'
  • mia tsɔlawo - 'vos portores'
  • exɔla - 'se resetor'
  • wo dzralawo - 'se enviores'

Nomes de tribus e rasas:

  • mía Eʋeawo - 'nos popla, la eues'
  • mia Dzamawo - 'vos popla, la deutxes'

E pos alga nomes spesial:

  • ŋkɔ - 'nom' > eŋkɔ - 'se nom'
  • de - 'casa propre' > wo de - 'se casa propre'
  • denyigba - 'pais propre' > mía denyigba - 'nos pais propre'
  • aƒe - 'casa' > le eƒe me - 'en se casa'

La determinantes per me e tu pote es sufisada a la nom (con un cambia de tono):

  • Nye agble melolo o. = Agblenye melolo o. - 'Me cultiveria no es grande.'
  • xɔ mu. = Xɔ mu. - 'T casa ia cade.'

Esta es la caso normal per familia:

  • vinye - 'me enfante' (nunca *nye vi)
  • vi - 'tu enfante' (nunca *wò vi)
  • fofonye / tɔnye - 'me padre'
  • fofo / tɔ - 'tu padre'
  • danye / nɔnye - 'me madre'
  • da / nɔwò - 'tu madre'
  • nɔvinye - 'me frate/sore/cusin'
  • nɔvi - 'tu frate/sore/cusin'
  • tsɛnye - 'me frate plu joven'
  • tsɛ - 'tu frate plu joven'
  • fonye - 'me frate plu vea'
  • fo - 'tu frate plu vea'
  • tasinye - 'me tia (la sore de me padre)'
  • tasi - 'tu tia (la sore de tu padre)'
  • nɔɖinye - 'me tia (la sore de me madre)'
  • nɔɖi - 'tu tia (la sore de tu madre'
  • tɔɖinye - 'me tio (la frate plu joven de me padre)'
  • nyrɔenye - 'me tio (la frate de me madre)
  • tɔɖi - 'tu tio (la frate plu joven de tu padre)'
  • tɔgbinye - 'me avo'
  • tɔgbi - 'tu avo'
  • mamanye - 'me ava'
  • mama - 'tu ava'
  • tɔgãnye - 'me tio (frate plu vea de me padre)'
  • tɔgã - 'tu tio (frate plu vea de tu padre)'
  • srɔ˜nye - 'me sposo/sposa'
  • srɔ˜ - 'tu sposo/sposa'
  • asinye - 'me sposa'
  • asi - 'tu sposa'
  • atsunye - 'me sposo'
  • atsu - 'tu sposo'
  • daanye - 'me sore plu vea'
  • daa - 'tu sore plu vea'
  • ƒoenye - 'me sore plu joven'
  • ƒoe - 'tu sore plu joven'

Con "el", la determinante es la sufis -a:

  • fofoa 'se padre'
  • via 'se enfante'

Pronomes Edit

Pronomes personalEdit

La pronomes personal per la sujeto es...

  • me- (nye-) - me
  • mí- (míe-) - nos
  • è- (ne-) - tu
  • mi- (mie-) - vos
  • e- (wo-) - el/lo
  • wo- - los

Nota ce e è ("nos" e "tu") es sempre marcada con la tono per difere los de mi e e ("vos" e "el").

La formas de "me" e "nos" en brasetas es usada prima en frases negada. La otra formas en brasetas es usada prima cuando on referi a esta person o cosa per la ves du en un frase.

La pronom de sujeto es normal ajuntada a la verbo:

  • meyi - 'me vade'
  • míeyi - 'nos vade'
  • èyi - 'tu vade'
  • mieyi - 'vos vade'
  • eyi - 'el vade'
  • woyi - 'los vade'

La pronomes personal de ojeto es...

  • -m (ye) - me
  • mí (mía) - nos
  • wò - tu
  • mi (mia) - vos
  • -e (ye) - el/lo
  • wo (yewo) - los

Nota ce e ("nos" e "tu") es sempre marcada per tono per difere los de mi e wo ("vos" e "los")

Jeneral, la pronomes de ojeto es separada de se verbos, ma m e e es sufisada a se verbo:

  • Mekpɔ mi. - 'me vide vos.'
  • Ékpɔ wo. - 'tu vide los.'
  • Ekpɔ . - 'el vide tu.'
  • Wokpɔ . - 'los vide nos.'
  • Mekpɔe. - 'me vide el.'
  • Miekpɔm . - 'vos vide me.'

Ave alga cambias spesial de morfolojia:

  • ɖa + e → ɖɛ - 'coce el'
  • gba + e → gbɛ - 'rompe el'
  • nya + e → nyɛ - 'lava el'
  • eɖu + e → eɖui - 'el come el.'
  • wu + e → wui - 'mata el!'
  • mi + e → mii - 'engoli el!'
  • wofi + e → wofii - 'los fura el.'

La pronomes personal ave ance formas asoluta:

  • nye - me
  • míawo - nos
  • wò - tu
  • miawo - vos
  • eya - el
  • woawo - los

Per asentua la pronomes personal asoluta, ajunta la sufisa -e:

  • nyee - 'es me ci …'
  • e - 'es tu ci …'
  • eyae - 'es el ci …'
  • míawoe - 'es nos ci …'
  • miawoe - 'es vos ci …'
  • woawoe - 'es los ci …'

Esemplos:

  • Nyee wu da la. - 'Es me ci ia mata la serpente.'
  • Wòe kpɔ wo. - 'Es tu ci ia vide los.'
  • Eyae ƒom. - 'Es el ci ia bata me.'
  • Nyee wokpɔ - 'Es me ci el ia vide.'
  • Wòe míekpɔ - 'Es tu ci nos ia vide.'
  • eyae woyɔ. - 'Es el ci los ia clama.'

Pronomes de reflete es formada con ɖokui

  • ɖokuinye - 'me mesma'
  • ɖokuiwò - 'tu mesma'
  • eɖokui - 'se mesma'
  • mía ɖokuiwo - 'nos mesma'
  • mia ɖokuiwo - 'vos mesma'
  • wo ɖokuiwo - 'se mesma (plural)'

Nota ce ɖokui segue la pronom de posese plural. Per "el", ɖokui es sufisada. Per "me" e "tu", el es prefisada.

Eue ave tre formas per pronomes mutual:

  • mía nɔewo - '(nos) la un la otra'
  • mia nɔewo - '(vos) la un la otra'
  • wo nɔewo - '(los) la un la otra'

Esemplo:

  • Ŋutsuawo wu wo nɔewo. - 'La omes mata la un la otra.'

Pronomes de poseseEdit

On pote crea pronomes de la determinantes de posese par ajunta (la particula per crea nomes de ajetivos), seguente esta regulas:

Per "me" e "tu", es prefisada:

  • nye - 'de me'
  • wò - 'de tu'

Per "el", es sufisada:

  • e - 'de el'

Per la formas plural, es un parola separada pos la determinante de posese:

  • mía - 'de nos'
  • mia - 'de vos'
  • wo - 'de los'

On pote ance usa solitar:

  • Xɔ sia meĺolo wu ŋutsu sia o. - 'Esta casa no es plu grande ce el (la casa) de esta om. '
  • Woƒe agble menyo abe fi a ene o. - 'Se cultiveria no es tan bon como el (la cultiveria) de la xef.'

SomaEdit

Sujeto Ojeto Asoluta Det de Pos Pron de Pos
1 sing me- -m nye nye tɔnye
2 sing è- tɔwò
3 sing e- -e eya eƒe etɔ
1 plur mí- míawo míaƒe mía tɔ
2 plur mi- mi miawo miaƒe mia tɔ
3 plur wo- wo woawo woƒe wo tɔ

Pronomes de relataEdit

La pronomes de relata es si (nonplural) e si wo (plural). La fini de la proposa de relata es marcada par la "article frasal" la.

  • Ŋutsu si ƒle sɔ la nam la va. - 'La om ci ia compra la cavalo per me ia veni.'
  • Nyɔn u si nekpɔ la nye Kofi srɔ˜ - 'La fem ci tu ia vide es la sposa de Kofi.'
  • Ati si mu la wu gbɔ˜ eve. - 'La arbor cual cade ia mata du capras.'
  • si mieƒle la lolo ŋutɔ. - 'La casa cual nos ia compra es multe grande.'
  • Woyɔ ŋutsu si wonya nyuie la vɛ - 'Los ia clama la om ci los conose bon.'

Cuando la nom a cual la pronom refere es plural, la sufisa plural –wo es ajuntada a la pronom.

Ajetivos Edit

La plu de ajetivos es derivada de verbos de cualia o state, ce segue la sujeto. Los es egal a un espresa como "es x" en elefen:

  • ati la kɔ / atia kɔ - 'la arbor es alta'
  • mɔ la didi / mɔa didi - 'la via es longa'

Per usa los como ajetivos propre, la verbo es reduplida e poneda pos la nom:

  • ati la kɔ - 'la arbor es alta' > ati kɔkɔ la - 'la arbor alta'
  • tsi la fa - 'la acua es fria' > tsi fafa la - 'la acua fria'

Si ave plu ce un ajetivo, tota de los segue la nom:

  • ati kɔkɔ lolo la - 'la arbor alta e spesa'
  • xɔ lolo didi la - 'la feme obesa e alta'

Cuando un nom es segueda par un ajetivo, la plural es formada par sufisa -wo a la ajetivo, no a la nom:

  • ati kɔkɔwo - 'alta arbores'
  • nyɔnu lolowo - 'la femes obesa'

E si ave plu ce un ajetivo, -wo es sufisada a la ajetivo final:

  • ŋutsuwo tso ati kɔkɔ lolowo

Ma cuando la cuantia es espresada par un numero, la plural sufisa no es usada, esetante cuando la nom ave ance un article:

  • ati kɔkɔ ade - 'ses arbores alta'
  • nyɔnu lolo ewo - 'des femes obesa'
  • ati kɔkɔ adeawo - 'la ses arbores alta'
  • nyɔnu lolo ewoawo - 'la des femes obesa'

Ave formas spesial per alga ajetivos:

  • fa > fafa / fafɛ - 'fria'
  • gblẽ > gbegblẽ - 'mal, noncoreta, malida'
  • glɔ˜ > gɔ˜glɔ˜ - 'vagante'
  • tri > titri - 'spesa'
  • lolo > lolo - 'grande, larga, obesa'
  • didi > didi - 'longa'
  • keke > keke - 'larga'
  • xaxa / xaxɛ > xaxa / xaxɛ - 'streta'
  • bɔbɔ > bɔbɔe / bɔbɔ - 'mol'
  • xɔ dzo > xɔ dzo / dzodzo - 'calda'
  • sɔe > sɔe - 'peti'
  • kpui > kpui - 'corta, basa'
  • nyo > nyui (from nyoe) - 'bon, bela'

Eue ave ance alga ajetivos propre, ce referi a colores, formas, o statos. Los nesesa la verbo le, como on nesesa "es" en elefen:

  • Ame la le ɣie. - 'La person es blanca.'
  • Avɔ la le yibɔɔ. - 'La tela es negra.'
  • Gli la le dzie. - 'La mur es rojin.'
  • Akplɔ la le tsyɔẽ. - 'La lansia es puntada.'
  • Mɔ la le gbadzaa. - 'La rua es larga'
  • Kpe la le nogoo. - 'La petra es ronda'
  • Do la le tegblee. - 'La caveta/fora es sirculo.'
  • Tsi la le kpɔtɔɔ. - 'La acua es fangos.'
  • Yame le kplefuu. - 'La clima es nebletos.'
  • Atike la le yaa. - 'La medisin es sin sabor'

La plu difere cuando usada con nomes:

  • avɔ yibɔ la - 'la tela negra'
  • Avɔ la le yibɔɔ. - 'la tela es negra'
  • do nogo la - 'la fora ronda'
  • Do la le nogoo. - 'la fora es ronda'

La forma de compara de ajetivos no es como en lfn. On usa la forma verbal con un verbo du, wu (suprapasa):

  • Atiglinyi lolo. - 'la elefante es grande'
  • Atiglinyi lolo wu to. - 'la elefante es plu grande de la bufalo' (leteral 'elefante es-grande suprapasante bufalo')

On pote ance usa wu sin un ojeto:

  • Atiglinyi tri wu. - 'La elefante es plu spesa.' (leteral 'elefante es-spesa suprapasante')
  • Ŋutsu la kpui wu. - 'La om es plu basa.' (leteral 'la om es-basa suprapasante')

La forma superior es espresada par ajunta wo katã (tota, tota de los) a la forma de compara:

  • Atiglinyi lolo wu wo katã. - La elefante es la plu grande de tota.' (leteral 'elefante es-grande, suprapasante los tota')
  • Ŋutsu la kpui wo katã. - 'La om es la plu basa de tota'. (leteral 'la om es-basa suprapasante tota')

La particula pote crea un nom de un ajetivo:

  • lolo → lolo - 'la grande'
  • titri → titri - 'la spesa'
  • kɔkɔ → kɔkɔ - 'la alta'

Esta nomes pote ance es usada como ajetivos, e per comparas:

  • to lolotɔ - 'la bufalo grande' (leteral 'bufalo es-grande-cosa')
  • to lolotɔ wu - 'la bufalo plu grande' (leteral 'bufalo es-grande-cosa suprapasante')
  • to lolotɔ wu wo kakã - 'la bufalo la plu grande' (leteral 'bufalo es-grande-cosa suprapasante tota')

Averbos Edit

Averbos segue se verbos:

  • Agblea lolo ŋutɔ. - 'La cultiveria es multe grande.' (leteral 'la cultiveria es-grande multe')
  • Mɔa didi akpa. - 'La via es tro longa.' (leteral 'la via es-longa tro')

Demandas Edit

Ave metodos varios per forma demandas. La plu simple es par fini la frase con -a:

  • Ati la kɔa? - 'La arbor es alta?'
  • Mɔa didia? - 'La via es longa?'

On pote ance forma demandas par usa la espresa aleke … le? (como es...?)

  • aleke xɔ la le? Xɔ la kɔ ŋutɔ. - 'Como (grande) es la construida?' 'La construida es multe grande.'

Un metodo tre es par usa la particula de demanda ɖe. Ɖe es poneda a la fini de la demanda e ave la sinifia de "es do?"

  • Ameawo ɖe? - 'Do es la persones?'
  • ɖe? - 'Do es tu?'
  • Atia ɖe? - 'Do es la arbor/baton/lenio?'

Ɖe pote ance sinifia "ce" o "regardante":

  • Ŋkɔwò ɖe? - 'Cual es tu nom?'
  • Nyɔnua ɖe, eva azɔ́a? - 'Regardante la fem, el ia veni aora?'

O on pote usa ɖe a la comensa de un demanda e fini la frase con -a:

  • Ɖe Akɔsua ɖa te la xoxoa? - 'Lo es vera ce Akɔsua ia coce ja la niama?'
  • Ɖe miede Peki etsɔa? - 'Lo es vera ce tu ia vade a Peki ier?'

Alga veses, en loca de -a, on usa ma o mahã:

  • Ɖe neƒle agble ma? - 'Lo es vera ce tu ia compra acel cultiveria?'
  • Ɖe wòƒo mi mahã? - 'Lo es vera ce los ia bata tu?'

Posposadas Edit

En loca de preposadas, eue usa posposadas ce segue la nom:

  • Xevi la le ati la dzi. - 'La avia es sur la arbor'.
  • ele xɔ la me. - 'El es en la sala'.
  • Kɔdzo le nyi la gbɔ. - 'Kɔdzo es prosima la bove".

Tota posponadas ia es orijinal nomes; alga es ancora nomes. La posposadas plu comun (con sinifia como un nom):

  • me - en
  • dzi - sur (surface)
  • gbɔ - prosima, asta (lado)
  • megbe - pos (dorso)
  • ŋgɔ - ante (anterior, surface de licuida)
  • xa - a la lado de, prosima a
  • ƒo - sur (surface)
  • nu - a (entra, borda)
  • dome - entre
  • ɖome, gɔme, te - su
  • ŋu, ŋuti - sur (surface de mur, arbor; lado de ojetos)
  • titina - en la media de
  • to - a la borda de (borda, pe entre la rio e la riva)
  • ta - supra (testa)
  • ŋkume - sur, a, ante (fas, surfas de un miror, tela, o acua)

Nomes de sites, paises, e continentes no usa posposadas:

  • Kɔsi le Lome. - 'Kɔsi es en Lome.'
  • Ŋutsuvi la le Ameriʼka. - 'La fio es en America.'

La posposadas pote es sufisada a la nomes de linguas per indica un area:

  • le Eʋeme - 'en la area do los parla eue'
  • le Dzamame - 'en la area do los parla deutx'
  • le Blume - 'en la area do los parla twi'
  • le eŋlesime - 'en la area do los parla engles'

Esta nomes ave ja un posposada, e no nesesa un otra posposada:

  • abɔta - spala ('culmine de braso')
  • dziƒo - sielo ('surfas a supra')
  • xɔxɔnu - patio

Ma multe nomes con la sufisa me (en) no segue esta regula:

  • nɔnɔme - forma: Mekpɔe le nɔnɔme ma me
  • ƒome - familia: Wole ƒome ɖeka me
  • dzidzime - jenera: Le dzidzime sia me

Esta nomes no usa posposadas, como la nomes de sites o paises:

  • de - pais propre
  • xexe - estra casa
  • aƒe - vila propre, pais propre
  • suku - scola

Per espresa la relata entre posesor e posesada, on usa la particula ƒe pos la posesor e ante la posesada:

  • Aŋku ƒe xɔ mu. - 'La casa de Aŋku ia cade.'
  • Akua ƒe afɔk pa bu. - 'La sapata de Adua es perdeda.'
  • Xɔ la ƒe gliwo tri. - 'La mures de la casa es spesa.'

Con familia, on no usa un particula:

  • Adzoa fofo va. - 'La padre de Adzoa ia vade.'
  • Ŋutsua srɔ˜ dzo. - 'La sposa de la om ia departi.'
  • Ɖevia dada meli o. - 'La madre de la enfante es asenta.'

La razona es fundada en la idea de stranjerable e nonstranjerable. Si la posesada no pote es sutraeda de la posesor, la relata es nonstranjerable, e no nesesa la particula.

Ma con partes de la corpo, on no pote cade la particula car, sin ƒe, la parte de la corpo opera como un posposada:

  • Adzoa ƒe ta - 'la testa de Adzoa'
  • Adzoa ta - 'supra Adzoa'
  • ŋutsua ƒe ŋkume - 'la fas de la om'
  • ŋutsua ŋkume - 'ante la om'

Verbos Edit

Nega Edit

Eue espresa nega con me- ... o. La parte prima es prefisada a la verbo, e la particula o vade a la fini de la frase:

  • Adidoa metri o. - 'La baobab no es spesa.'
  • Agbalẽ la menyo o. - 'La libro no es bon.'

Es Edit

Eue ave du formas per "es": nye and le. Nye sinifia "es (un cosa)" o "es (un person):

  • Kɔsi nye ŋutsuvi. - 'Kɔsi es un fio.'
  • Akɔsua nye nyɔnuvi. - 'Akɔsua es un fia.'
  • Agble mawo nye agble gãwo. - 'Acel cultiverias es grande cultiveria.'

Nye es jeneral segueda par un ojeta. El es usada como un responda a la demandas "Ci es X?" o "Cual es X?"

La verbo le sinifia "es (presente)", "es (a un loca)", "es (en un state)", o "aveni (a un tempo)". El es bon per responde a demandas de "do", "como", e "cuando":

  • Kɔdzo le Lome. - 'Kodzo es in Lome.'
  • Akɔsua le afi. - 'Akɔsua es asi.'
  • Ame la le yibɔɔ. - 'La person es negra.'
  • Ga la le tsyɔẽ. - 'La metal es puntida.'
  • Tsi dza le fiẽ me. - 'La pluve cade en la sera.' (leteral: 'Pluve cade el es en la sera')

AveEdit

La espresa per "ave" en eue es le... si, ce sinifia "es en mano":

  • Ze le ama si. 'Ama ave un vaso.'
  • Agble le ŋutsu la si. - 'La om ave un cultiveria.'
  • Nyi ewo le fia si. - 'La re ave des boves'
  • Ga le tɔgbinye si. - 'Me avo ave mone.'
  • Kpeto le kotoko si. - 'La porcospina ave un cava.'

Con "me" e "tu", la forma es asi-:

  • le asinye. - 'Me ave un casa.' (leteral: 'casa es en me mano')
  • le asiwò. - 'Tu ave un cavalo.'
  • Ga le esi. - 'El ave mone.'
  • le mía si. - 'Nos ave un casa.'
  • le mia si. - 'Vos ave un cavalo.'
  • Ga le wo si. - 'Los ave mone.'

La forma per la pasada es nɔ... si o nɔ asi-:

  • Ga nɔ asinye. - 'Me ia ave mone.'
  • Avu Kwami si. - 'Kwami ia ave un can.'
  • Xɔ me mía si o. - 'Nos no ia ave un casa.'

La verbo simpleEdit

En eue, un verbo nonmarcada per tempo referi a la presente o la pasada (aoriste):

  • meyi - 'me vade, me ia vade'
  • meva - 'me veni, me ia veni'

Normal, la tempo es indicada par la situa o par otra parolas o espresas:

  • etsɔ si va yi - 'la dia ce ia pasada'
  • xoxo - 'ja'
  • tsã la - 'en la dias pasada'
  • le blema la - 'en tempos antica'
  • gbe ɖeka - 'a un ves pasada'
  • ƒes va yi - 'a la anio pasada'
  • ɣleti si va yi - 'a la mense pasada'
  • kwasiɖa si va yi - 'a la semana pasada'

Per esemplo:

  • Woyi etsɔ si va yi (o: Woyi etsɔ). - 'Los ia vade ier.'
  • Wova xo (or: Wova xoxo). - 'Los ia veni.'
  • Mieƒlee ɣleti si va yi. - 'Nos ia compra el a la mense pasada.'

Nota ce la verbo no cambia per person o pluralia.

TransitiviaEdit

Verbos en eue es o transitiva o nontransitiva. Verbos transitiva ave sempre un ojeto, e verbos nontransitiva ave sempre no ojeto.

Si un verbo transitiva no ave un ojeto spesifada, on usa nu (cosa, caso) o ame (person), ce servi como "alga cosa" o "algun":

  • ɖa nu - 'coce (alga cosa)'
  • ɖu nu - 'come (alga cosa)'
  • di ame - 'xerca (per algun)
  • ƒle nu - 'compra (alga cosa)'
  • dzra nu - 'vende (alga cosa)'

Alga combinas de verbo e ojeto aveni sempre la un con la otra:

  • fa avi - 'plora'
  • wɔ dɔ - 'labora'
  • do awu - 'vesti bela'
  • dze ami - 'compra olio'
  • dɔ alɔ˜ - 'dormi'

La verbos transitiva pote es divideda entre los ce pote ave complementes e los ce no pote ave complementes. Estas pote ave complementes:

  • Míeyi. - 'Nos (ia) vade.'
  • Míeyi aƒe. - 'Nos (ia) vade a casa.'
  • ezɔ. - 'El (ia) pasea.'
  • ezɔ mɔ did i - 'El (ia) pasea a un distantia long.'
  • Wode afima. - 'Los ia es ala.'
  • Wode Lome. - 'Los ia es a Lome.'

Estas no pote ave complementes:

  • Ŋutsu la si. - 'La om (ia) core a via.'
  • eku. - 'El (ia) mori.'
  • Wofe le afi. - 'Los (ia) jua asi.'
  • Xevi la dzo. - 'La avia (ia) vole.'
  • ege. - 'El (ia) cade.'
  • Miedzo. - 'Los (ia) departe.'

Con estas, on nesesa un otra verbo per introdui un complemente:

  • Ŋutsu la si yi Keta. - 'La om core a via a Keta.' (leteral 'La om core a via, vade a Keta')
  • eku le Lome. - 'El ia mori a Lome.' (leteral 'El ia mori, es a Lome')
  • Wofe le Kpando. - 'Los ia jua a Kpando.' (leteral 'Los ia jua, es a Kpando')

La aspeta continuanteEdit

La aspeta continuante es indicada par la usa de un verbo aidante e la sufisa –m a la verbo major. En la presente, la verbo aidante es le.

Verbos nontransitiva es prima cambiada a nomes par redupli:

  • yi > le yiyim
  • va > le vavam
  • si > le sisim
  • dzo > le dzodzom

Per la verbos transitiva no es reduplida. La ojeto segue la verbo aidante ma presede la verbo major:

  • ɖu nu > le nu ɖum
  • wɔdɔ > le dɔ wɔm
  • ƒle nu > le nu ƒlem
  • fa avi > le avi fam

Si un pronom ce es normal prefisada, el es prefisada a le:

  • meyi > mele yiyim
  • wodzo > wole dzodzom
  • ewɔ dɔ > ele dɔ wɔm

En la pasada, la verbo aidante es :

  • mele yiyim - 'me es vadente'
  • me yiyim - 'me ia es vadente'
  • ele dɔ wɔm - 'el es laborante'
  • e dɔ wɔm - 'el ia es laborante'

La aspeta comensanteEdit

Si un ata va comensa pronto, on usa la aspeta comensante. El ave la mesma strutur como la aspeta continuante, ma la verbo major es segueda par ge (derivada de la parola gbe "lado, visina"):

  • Ameawo le vavam. - 'La persones veni.'
  • Ameawo le vava ge. - 'La persones comensa veni.'

Como la aspeta continuante, la pasada es constuida con . On usa la forma reduplida per verbos nontransitiva, e la forma normal per verbos transitiva:

  • míele yiyi ge - 'nos comensa vade'
  • míenɔ yiyi ge - 'nos ia comensa vade'
  • Wole dzodzo ge - 'los comensa departe'
  • Wonɔ dzodzo ge - 'los ia comensa departe'
  • Xɔ la le mumu ge - 'la casa comensa cade'
  • Xɔ la nɔ mumu ge - 'la casa ia comensa cade'
  • Èle nu ɖu ge. - 'tu comensa come'
  • Kɔsi le xɔ tu ge. - 'Kɔsi comensa construi la casa'
  • Nyɔnuviawo ha dzi ge. - 'la fias ia comensa canta'

La aspeta abitualEdit

La aspeta abitual es formada par sufisa -a o -na a la verbo. Usa -a cuando la verbo ave un ojeto:

  • Míele tsi etsɔ. - 'Nos ia bani ier.'
  • Míelea tsi gbesiagbe. - 'Nos bani normal/abitual cada dia.'
  • Woɖu nu le fia gbɔ. - 'Los come a (la casa de) la xef.'
  • Woɖua nu le fia gbɔ. - 'Los come normal/abitual a (la casa de) la xef.'

Usa -na cuando la verbo no ave un ojeto:

  • Ame kuna. - 'Umanes mori; umania mori.' (car esta es la natur de umanes)
  • Woyina gatrɔna gbe ma gbe ke. - 'Normal, los vade e reveni la mesma dia.'

Si la -a segue la pronom -e (el), sustitui -nɛ per -a-e:

  • Míetsɔa agbeli ɖaa fufu. - 'Nos usa casava cuando nos coce fufu.'
  • Míetsɔ ɖanɛ. - 'Nos usa el cuando nos coce el.'

La tempo futurEdit

En eue, la tempo futur es formada par prefisa a- a la verbo:

  • ɖu nu - 'come / ia come'
  • aɖu nu - 'va come'
  • dzi ha - 'canta / ia canta'
  • adzi ha - 'va canta'
  • yi - 'vade / ia vade'
  • ayi - 'va vade'

Con pronomes prefisada, la prefisa de futur cambia se tono:

  • me- + a → mava - 'me va vade'
  • è- + a → àva - 'tu va vade'
  • e- + a → ava - 'el va vade'
  • mí- + a → míava - 'nos va vade'
  • mi- + a → miava - 'vos va vade'
  • wo- + a → woava - 'los va vade'

La tempo futur es ance usada per la dependente:

  • Ne manye wò la, maƒlee. - 'Si me ta es tu, me ta compra el.'
  • Ne aɖu wò kata la aɖi ƒo. - 'Si tu ia come tota, tu ta es sasiada.'
  • Ne makpɔe la mawui. - 'Si me ia vide el, me ta mata el.'

PasivaEdit

No ave un construi pasiva en eue. Si la sujeto es no conoseda, no serta, o no interesante, la pronom de person tre plural es usada, con la sinifia "algun":

  • Wowu dzata la. - 'Los ia mata la leon / La leon ia es matada'
  • Wotu xɔa. - 'Los ia construi la casa / La casa ia es construida'

Si la sinifia intendeda es "los ia mata la leon" o "la leon ia es matada" depende sola a la situa.

Numeros Edit

De un a des:

  • 1 - ɖeka
  • 2 - eve
  • 3 - etɔ˜
  • 4 - ene
  • 5 - atɔ˜
  • 6 - ade
  • 7 - adre
  • 8 - enyi
  • 9 - asieke
  • 10 - ewo

De des-un a dudes:

  • 11 - wuiɖekɛ
  • 12 - wuieve
  • 13 - wuietɔ˜
  • 14 - wuiene
  • 15 - wuiarɔ˜
  • 16 - wuiade
  • 17 - wuiadre
  • 18 - wuienyi
  • 19 - wuiasieke
  • 20 - blaeve

La prefis wui es un corti de ewo (des). La parola per dudes - blaeve - sinifia du faxos, cortida de babla eve. Bla es babla plu etɔn o "tre faxos", etc.

Pos 20, on usa la posposada , ce sinifia "supra" o "plu ce":

  • 21 - blaeve vɔ ɖekɛ
  • 22 - blaeve vɔ eve
  • 23 - blaeve vɔ etɔ˜
  • 24 - blaeve vɔ ene, etc
  • 30 - blaetɔ˜
  • 40 - blaene
  • 50 - blaatɔ˜
  • 60 - blaade
  • 70 - blaadre
  • 80 - blaenyi
  • 90 - blaasieke
  • 100 - alafa ɖeka
  • 200 - alafa eve
  • 300 - alafa etɔ˜
  • 400 - alafa ene, etc
  • 1000 - akpe ɖeka
  • 2000 - akpe eve, etc

FonteEdit

Basic Ewe for Foreign Students, par Simon Wellington Dzablu-Kumah, otentable a http://www.uni-koeln.de/phil-fak/afrikanistik/down/publikationen/basic_ewe.pdf

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.