La figato es un organo en vertebratas, incluinte umanas. El ave un rol major en metaboli e ave multe roles en la corpo incluinte reserva de glicojen, sintese de protein de plasma, e la desvenena de drogas. El produi ance bile, ce es importante per dijeri. Parolas medical referinte a la figato usa "epato-", cual veni de la parola elinica (hepar) per figato.

La figato umana adulte pesa normal entre 1.3 e 3.0 kilogrames, e es un organo mol, brun rosin, e formada como un bumerang. El es la organo du en grandia, pos la pel, e la plu grande a la interior de la corpo. El resta su la diaframa a la lado destra de la adomen. La figato resta a la destra de la stomaco e suporta la vesica bilal (cual reserva bile).

La figato es un de poca organos umana ce pote recrea se partes destruida. Tan poca como 25% de figato es nesesada per recrea la figato completa!