FANDOM


(per aora, esta es simple un loca per recorda alga "regulas" usada per crea la vocabula de elefen. per favore, ajunta ideas!)

VocabuloEdit

Linguas de fonteEdit

La vocabulo de elefen es prima fundida en la linguas romanica ueste:

  • catalan
  • espaniol
  • franses
  • italian
  • portuges

Elefen no deriva la formas de se parolas en un modo sever lojical. La creores de la vocabulo atende ance a la belia de la sonas e otra fatores sujetal.

Ma jeneral, si un parola es simil en la plu de la linguas de fonte, el es adotada.

Natural, cada lingua ave varias de spele e pronunsia. Jeneral, elefen prefere la pronunsia ante la spele.

Cuando la linguas fontal comparti un parola orijinal de latina, ma los ia cambia el en modos varios, elefen prefere la varia la plu vea, cual es per dise un varia simil a la latina. Per esemplo (latina, italian, espaniol, portuges, franses > elefen):

  • pleno, pieno, lleno, cheio, plein > plen
  • clave, chiave, llave, chave, clef > clave
  • flamma, fiamma, llama, chama, flamme > flama

Ma, cuando la forma latina no acorda con la regulas de fonotatica de elefen, la spele es ajustada (en un modo como la linguas moderna, spesial italian):

  • lacte, latte, leche, leite, lait > lete
  • lecto, letto, lecho, leito, lit > leto
  • nocte, notte, noche, noite, nuit > note

Finis de parolasEdit

Jeneral, la vocal final prefereda per ajetivos es -a. Si la fonotatica de elefen permete, on pote cade la -a (per esemplo: pos -m, -n, -l, -r, -f, -s, -x).

Jeneral, elefen reteni la vocal final de un nom, seguente la linguas romanica. Si la fonotatica permete, on pote cade la -o, ma no la -a.

Per verbos, elefen fini la parola par la vocal cual apare ante la -r o -re de la infinitivas romanica.

Si un nom pote es clar derivada sin sufisa de un ajetivo o verbo, la fini de la ajetivo o verbo es retenida per la nom, an si esta no aveni en la linguas romanica.

Formas e colores ave la mesma vocal final per nomes e ajetivos. Per formas, elefen usa la vocal final de la nom. Per colores, elefen usa jeneral -a. La radises per ambos es ajetivos.

Sonas e speleEdit

La plu de sonas usada en elefen es multe comun e no difisil per la plu de persones. Ma ave esetas:

  • La distingui entre B e V es difisil per alga. Ma elefen reteni la distingui car multe radises romanica distingui los.
  • La J es disifil per alga. Vera, ma on pote pronunsia el como DJ, si nesesada.
  • La X... On pote pronunsia el como TX, si nesesada, e el no es multe comun.
  • La H... Lo es trovada en poca parolas, e on pote cade el, si nesesada.
  • La Z... Lo es retenida per se usa en multe parolas derivada de elinica. Si nesesada, on pote pronunsia el como S. El es trovada en poca parolas.

LeterasEdit

Elefen usa 22 leteras.

Perce C e no K?
Elefen usa C per reteni partal la reconose de radises romanica.
Ma elefen usa S per C en multe casos.
Si. Jeneral, elefen usa un spele plu simil a la pronunsia. C ante I e E es pronunsiada S en franses, portuges, catalan, e la plu de dialetos de espaniol. La dialeto castilian pronunsia el como TH en engles, e italian pronunsia el como TX.
Perce X en loca de CH o SH?
Elefen usa esta spele per la sona per reteni la prinsipe de "un letera per un sona". X ave esta sona en portuges.
Perce no usa Q?
Car el ta viola la prinsipe de "un sona per un letera". Nota ce espaniol usa C per Q en multe parolas.
Perce no usa W e Y?
Elefen usa U e I per los per reteni la reconose de radises romanica.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.