FANDOM


Foronidos es animales de un poca filo con 20 spesies en du jeneras. Los es en la forma de vermes, ma con un tubo de dijeri ce retorna e sorti de la corpo prosima a la boca (no corente la longia de la corpo, como en anelidas). Los es trovada en tota mares, esetante la artica e antartica. El abita la mares a un profunda de 0 a 70 m, 400 m masima. Los pote viva sirca un anio.

La adultes escreta tubos citinos en ce los abita. Esta tubos pote es enterada en la arena o fango, o resta supra la base de la mar o la rocas, en caso ce los tende viva en colonias con se tubos liada e formante un masa grande e nonpenetrable. Alga spesies pote disolve rocas, concas, o molos de beton, per crea foras en ce los escreta se tubos. Los come con un lofoforo (un strutur de silia sirca la boca).

Contra ce los es normal longa (a 50 cm), foronidas es normal multe magre. Foronopse armeri, per esemplo, es 20 cm en longia, ma sola 3 mm en diametre. Multe spesies es plu corta ce esta, ma tota es multe magre. Forone ipocrepia es sola 3 a 5 cm en longia, e Forone ovalis es sola 6 mm. Foronos oval vive en colonias a la concas de ostras con asta 150 animales per cm cuadrida.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.