FANDOM


Foros > Conversa comunial > Demandas(Harri)

Alo, amis! Me ave un demanda stupida sur ordinales: Como nos sabe, la anio 1946 pertine a sentenio 20 (ma no 19!), e la anio 2017 a la sentenio 21 (ma no 20!). Simil la punto de tempo 0:30 pertine a la prima ora, e 14:15 a la ora 15 – no ora 14. An tal on dise "la ora des-cuatro e un cuatri" cuando intende 14:15. Esce lo es un noncoerentia?! harri

  • Alo! Un sentenio es un periodo de tempo, ma un ora pote es o un periodo o la punto a la fini de la periodo. Como periodo, la ora des-cuatro comensa direta pos 13:00 e fini a esata 14:00. Como punto, la ora des-cuatro es 14:00. Esta coere con la plu de linguas, e la posible de confusa en contesto pare minima. Natural, on pote espresa 14:15 ance como "tre cuatris ante la ora des-sinco" — ma probable no como "un cuatri de la ora des-sinco", como en rusce, estra si on desira un malcomprende :) Simon

Grasias, Simon! Un otra demanda: Me ia vole tradui la introdui de LFN e "Elefen per viajores" a suomi (=finsce). Me ia copia la pajes norsce e ia tradui la testos en los. Ma me no sabe como on pote fisa mea pajes suomi a la prima paje de LFN. Esta es la lias: https://drive.google.com/open?id=0B-wgvU7Kih3fSW5weDFNclFhXzQ (introdui) https://drive.google.com/open?id=0B-wgvU7Kih3fcG5mdDJNZGs1eTQ (viajores) Esce algun de nos sabe?!harri

  • Multe grasias per tradui la paje. Me pote ajunta lo a la pajeria, ma vera tu ia sircoveni la sistem cual nos usa per crea tota la pajes en modo coerente. Per favore, visita esta varia de la paje norsce e regarda sua fonte. Tu va vide un fix cual lista traduis individua, organizada en un modo spesial. Tu va nesesa crea un tal fix per tua traduis suomi. Si tu prefere, tu pote descarga ance un fix vacua de esta spesie. O tu pote regarda la fix corespondente per cualce de la linguas, simple par cambia ".html" a "-fonte.html" en la adirije de la paje per acel lingua. Nota ce tua fix va pare intera vacua si tu regarda lo en un surfador; esta es normal. La fix es mera un composante de un sistem plu grande cual me ia aplica a lo cuando tu furni lo. Grasias denova. Simon

Alo, Simon! Lo pare difisil a me. George ia promete reali ol. harri

  • A, pardona! Car tu ia tradui ja la testo en un fix plen de la ruido e babela de HTML, me ia suposa ce tu va ave no difisilia en fa la mesma en un fix plu simple. Me mesma ta ofre converti lo, ma me es estrema ocupada con labora sur la disionario a esta tempo. (Si me aseta la fix ja fada, nos va ave problemes en futur, si nos vole reorganiza la contenida de acel pajes.) Simon
  • me ia reali la paje par harri en la modo cual el ia envia a me. nos pote converti lo en la futur, cuando nos ave plu tempo. jorj
  • Grasias, Jorj. Me ia fa un coreti peti a la strutur de la xapo de la paje. Simon
  • Me ia converti aora la testo a la sistem normal (car me es un perfetiste bobo :-) Harri, per favore regarda la paje e indica si me ia introdui un ereta en fa esta. Simon
  • Hmmm. Do me ta vide la nova fix?
  • Lo es publica vidable en la pajeria, e la paje prima ave un lia a lo. Simon

Bon, Simon! Me vide lo par tua lia. Lo esista du puntos cual me vole cambia. (Me ia cambia un esemplo orijinal en elefen, ma lo no ia susede.) Ma: me vide la fix ma no pote cambia lo. Un otra cosa: me no vide un lia en paje prima. harri

  • La paje, como la plu de pajes en la ueb, no permete ce on edita direta lo. Per favore, descrive asi la cambias cual tu vole, e me va fa los. La paje prima es asi, e lo conteni serta un lia a la paje suomi. La lia es cuasi a la fini de la parte "Introduis a elefen". Si tu no vide lo, cisa tu nesesa forsa tua surfador a recarga la paje, usante un de la metodos descriveda asi. Simon

Grasias! Aora me vide la lia. La puntos cambiada es: 1) un om felis "iloinen mies" , el dansa felis "hän tanssii iloisesti/iloisena" 2) ora "tunti". harri

  • La cambias es fada e vidable. Simon

Eselente! Grasias, Simon, tu ia aida me an tal inter tua fretas! harri

Me vide ancora un era en linia prima de paje prima: "Se vocabulo ...". Esce algun ave tempo per coreti lo a la forma nova "Sua vocabulo ..."? harri

  • Si, me ia coreti lo. Bon trovada! Simon

Un demanda sur la sistem de wiki: Cuando me tape tre tildes pos mea contribui, me oteni mera un testo "harri", no un lia. Perce? harri

  • Me no es serta, ma me sujesta ce tu visita tua paje de preferes e regarda como tua suscrive es ajustada. Cisa tu ia eleje ala "usa vicitesto en la suscrive", ma ia tape mera "harri" en la caxa visina. Proba deseleje "usa vicitesto". Simon

Grasias! Me proba aora. harri (talk)

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.