FANDOM


Foros > Conversa comunial > Traduis a suomi

Alo! 1) Me ia tradui "LFN per viajores" a suomi. Me no comprende la sistem asi, ma - car la testo no es longa - me ia proba. Aora la tradui es situada en un paje de wikia "elefeniä matkailijoille". Me desira ce alga person (Simon?) pote lia mea paje en alga modo a la paje prima de LFN.

  • Eselente. Multe grasias per la tradui! Lo es aora vidable a elefen.org. Me ia sutrae la paje tempora en la vici. Simon

2) Me desira ance tradui la gramatica completa a suomi. Como es la coreta modo per fa lo?! Me deve probable copia alga fix (cual fix?) e fisa la cambiada fix, do? harri (talk)

  • Visita cada paje de un tradui esistente de la gramatica, la un pos la otra. Edita la paje. Copia la testo. Crea un paje nova con la mesma titulo, traduida a suomi. Pone ala la testo copiada. Tradui! Per edita la pajes de gramatica, me recomenda ce tu eleje "Source editor" su "Preferred editor" en tua preferes (si tu no ia fa ja); en esta modo, alga partes spesial de la pajes (pe: la caxas sirca la esemplos) va continua funsiona bon en tua tradui. Simon

Multe grasias, Simon! Tu es un tesoro! harri

  • Me vide ce tu ia comensa ja, ma tu ia omete tradui "preserve the original forms" — cisa car lo es un lia a un otra paje. On reconose un lia car lo sta entre brasetas reta duple: [[Trascrive|preserve the original forms]]. La parte ante la bara vertical es la nom de la paje a cual on lia: si esta es un paje en la gramatica, tu pote tradui lo, e lo va lia alora a tua paje traduida (an si tu no ia crea acel paje asta aora). (En esta caso, lo es la paje Trascrive, cual no parteni a la gramatica, donce tu debe lasa la parola Trascrive noncambiada.) La resta, pos la bara vertical, es la testo clicable de la lia, e tu pote tradui lo de engles a suomi: [[Trascrive|alkuperäisten lomakkeiden säilyttämiseen]], o simil. Si no bara vertical apare entre la brasetas reta, la contenida de la brasetas es e la testo clicable e la nom de la paje liada. Me espera ce esta es clar. Simon

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.