FANDOM


Fra Giovanni Giocondo (c 1433 – 1515) ia es un frate fransiscan, arcitetor, studiante de anticalias, arceolojiste, e scolor clasical.

An si el ia scrive multe libros e ia desinia multe construidas, el es posible plu conoseda como la scrivor de un letera a la contesa Allagia Dela Aldobrandeschi, scriveda a la sera ante natal, 1513.

Ave no cosa cual me pote dona a tu cual tu no ave ja; ma ave multe, vera multe, cual, an si me no pote dona lo, tu pote prende. No Sielo pote veni a nos esetante ce nos cores trova la reposa en lo aora. Prende Sielo! No pas esiste en la futur cual no es ascondeda en esta momento peti. Prende pas!

La sombria de esta mundo es no plu ca un ombra. Pos lo, ma atenable, es joia. Ave la radiante e la gloria en la oscur, si nos ta vole vide; e per vide, nos nesesa sola regarda. Contesa, me suplica a tu: regarda.

La vive es un donor tan jenerosa, ma nos, ci judi se donadas par se covres, dejeta los como fea o pesosa o dur. Estrae los de se covres, e tu va trova a su un brilia vivente, teseda de ama, par sajia, con potia. Bonveni lo, prende lo, e tu toca la mano de la anjel ci trae lo a tu. Tota cual nos nomi un labora dur, un triste, o un debe: crede me, la mano de acel anjel es ala; la donada es ala, e la mervelia de un Presente suprapasante. La nos joias ance: no es contente con los como joias; los ance asconde donadas plu divin.

La vive es tan plen de sinifia e motiva, tan plen de belia - su se covres - ce tu va trova ce la mundo sola capi la tu sielo. Coraje, alora, per reclama lo: esta sufisi! Ma tu ave coraje; e la sabe ce nos es peregrinores la un con la otra, vagante tra paises nonconoseda, a nos casa propre.

E donce, a esta Natal, me saluta tu; no mera como la mundo envia salutas, ma con respeta profonda, e la prea ce, per tu, aora e sempre, la sol de dia leva e la ombras fuji a via.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.