FANDOM


Republica franses
République française
Bandera de Frans
Franseneuropa
Informa jeneral
Capital: Paris
Lingua ofisial: Franses
Dirije
Governa:
- Xef de stato: François Hollande
- Xef de governa: Manuel Valls
Otras
Area: 675 417 km²
Popla: 66 952 000
Densia: 98,8
PIB: US$ 2 608 699 milion
Mone: Euro
Zona de ora: +1
Numero de telefon: +33
Interede: .fr
Fr-map

Frans es un pais locada xef en Europa ma cual ance ave multe teritorias locada en la mares e en otra continentes. Lo es un republica constitual. Se capital es Paris, la lingua ofisial es la franses, la mone ofisial es la euro e la franc pasifica en la teritorias en la Mar Pasifica. La slogan de Frans es Liberté, Égalité, Fraternité (Libria, Egalia, Frateria).

Frans ia es formida en la eda medieval, coliente se nome de la francos. De comensa de la sentenio 17 asta la prime media de la sentenio 20, lo ia ave un grande impero colonial. De la desenios de 1950, lo es un de la atores xef de la construi de la Uni European. Lo ave un influe political, economical, militar e cultural notable en tota la mundo.

Istoria Edit

Article xef: Istoria de Frans

Frans oji ocupa la plu grande parte de la Galia celtica antica, concistada par Julio Cesar en la sentenio 1 aec, ma ia prende la nom de la francos, un popla germanica ci ia instala se de la sentenio 5. Frans es un stato unida a multe tempo ante aora, e ia es un de la paises prima cual ia atenta un esperia democratal.

Preistoria Edit

Anticia Edit

Nase, crises e cambias de la rena de Frans en la eda medieval Edit

La converti a cristisme de la xef franco Clovis ia fa de el la alia de la Eglesia e le permete concista la plu parte de Galia en la cambia de la sentenio 5 a la 6. La fusa de la eritas galo-roman, la aportas germanica e la cristisme es longa e difisil, esente la francos orijinal un sosia militar multe longe de la lege roman e la prinsipes cristian. An cuando la debilia demografial cual vive la Rena de la Francos ia gida a la declina de la vilas, la cristisme ia instala se per la funda de eglesas campanial e de multe moncerias.

Pipin la Peti e se fio Carlo la Grande ia fa crese la estende de la rejio de la francos. La grande impero de Carlo la Grande ia es governada de Aachen. la contes ia representa la imperor en tota la impero. Carlo la Grande ia es coronida en 800 como imperator de la ueste e ia fa renase la instrui de artes (la paclacio de aachen ia vide un gran presentia de artistas de alta nivel). Ance, pos la mori de la imperator, se contes e vasales ia comensa transmete se titulos tra erita.

Renase e monarcia (sentenios 16 a 18) Edit

De 1494, la monarcas franses ia gida multa geras en Italia contra la imperator Carlo 5 de Habsburg. Ma la renas de François 1 (1515-1547) e de se fio Henri 2 (1547-1559) ia destaca per forti de potia reial, cual ia tende a es asoluta, e per la renase leteratural e artal con un forte influi italian.

La sentenio de la revoluis (1789-comensa de la sentenio 20) Edit

Ataca de la Bastilia

La Ataca de la Bastilia es una de la avenis cual marca la comensa de la Revolui Franses.

La delagadas enviada a la Statos Jeneral ci ia comensa la 5 maio 1789 rapida ia suprapasa la potias ci le es donada, e ia institui se en un Asembla Nasional Composante. La re ia no pote impedi la asembla composante deside aboli la vantajes en la note de 4 agosto, e pos adota la 26 agosto la Declara de Diretos de la Om e la Sitadan. La slogan Liberté, Égalité, Fraternité ia apare en la debate publica, spesial en 1790 en un parla de Maximilien Robespierre su la organiza de la Garda Nasional.

Pos un atenta de monarcia constitual, la Republica ia nase la 22 setembre 1792 e Louis 16, condenada per tradi, ia es gilotinida par judi de la Confere Nasional la 21 janero 1793. La Frens revoluiste ia vide varia anios de geras e esecutas, asta la institui de la Directoire en 1795. Es la 27 pluviôse An II (15 febrero 1794) ce la bandera de tre colores es instituida par la Confere Nasional, par comanda indicante ce "la scermo e la bandera nasional va es formida de tre colores nasional ordinada en tre bandas egal de forma ce la blu es serca de la masto, la blanca en la media e la roja flotante".

La 9 novembre 1799, la jeneral Napoléon Bonaparte ia suverti la Directoire par un colpa de stato e la sustitui per la Consuleria; cinso anios plu tarda el ia es coronida Emperor de la Franses. Napoléon 1 ia crea o ia reformi multa instituidas e sua multa vinses militar lasa dui de la popla european su sua control en la comensa de la anios 1810. Contra esta, la declina va es rapida: pos un renunsia tempora e un corta reveni a la potia, la empeor ia es vinseda en Waterloo la 18 junio 1815. Alora Frans ia comensa una esperia du de monarcia constitual, durante la cual la res Louis 18 (1814-1824) e Charles 10 ia defia un parte de la concistas de la Revolui. Varias semanas pos la concista de Alguer, Charles 10 ia es suvertida per la Tre Gloriosas, un move revoluiste ci eleva a la trono a Louis-Philippee. An si el ia es videda como un reformiste, la protesta ia apare temprana, an con la aumenta economial cual ia ave Frans en esta epoca. En febrero 1848, un revolui nova ia esplode, la scopos de cual ia no es sola political ma ance sosial. La Republica Du tempora cual ia es enforsada ia institui la direto de vota unviersal mas, ia aboli la sclavia en la colonias e la puni de mori per causa political, ma lo ia es suvertida par sua presidente, Louis-Napoléon Bonaparte, ci ia es coronida imperor en 1852.

Impero Colonial Franses Du

Teritorio de la Impero Colonial Franses Du (de 1815 a 1958 ia comensa la nondependes.

Si la prima anios de la Impero Du ia es de un governa autorirar, Napoléon 3 ia comensa un liberalisation en 1860, cual ia no impede un asende de la oposa political, en cuando la developa industrial e de ferovia ia rapidi. La defeta fronte a un Deutxland cual ia es en un momento de uni, en 1870-1871, es un momento desidente en la istoria de la pais: la imperor sede la 2 setembre 1870 e la Republica ia es proclamida la 4, en cuando Prusia ia ajunta Alsace-Lorrainee. La defeta franses evoca en ajunta la episodio dramosa de la Comunia legal de Paris, craseda en maio 1871 par la soldatos de la governa. An con sua nase caososa, la Republica Tre es la plu lonje de la governas political de Frans de 1789. La republicistes ia fa sua projeto political: la scola ia deveni sin custa, nonrelijiosa e obligante en 1881-1882, la librias de jornalisme e de reuni ia es acordada en 1881, la divorsa e la sindicators ia es legalida en 1884 e la Eglesas ia es separada de la Stato en 1905. En la mesma epoca, Frans ia gania un impero colonial enorme, ci va es la plu grande la mundo pos la de la Rena Unida en 1914: a la poseses en Barat e Aljeria ia es ajuntada Indoxina, la protejorias de Tunisia e Maroco, Africa ecuatoral e ueste, Madagasicara...

Pos la Libri Edit

Pos la ataca de la Bastilia en 14 julio 1789, la monarcia asoluta ia es abolida e Frans ia deveni un monarcia constitual. Tra la Declara de la Diretos de la Om e la Sitizan, la Republica Franses ia institui diretos fundal per la sitizanes franses e tota persones.

1815: Batalia de Waterloo. Wellington e Bluecher vinse Napoleon pos se "100 dias".

1848: La tirania de Napoléon III. Victor Hugo refuja se en Guernsey.

1914-18: La "Grande gera"

1940-44: Ocupa par Deutxland.

1958: Republica Sinco de Charles de Gaulle.

1968: "Les Evenements" (La Avenis). Tumultas e greve jeneral en tota la Fransa.

Jeografia Edit

Mapa fisica de Frans

La teritorio franses ave un estende de 675 417, lo cual representa la 0,50% de la teras emerjida de la planeta. La "Frans european" ave 551 695 km² e la Frans de ultramar, 123 722 km².

La isola la plu grande de Frans es Corse.

Politica Edit

Frans es un republica parlamental. La xef de stato es la presidente, cual es elejeda per la popla cada sinco anios. La presidente eleje a la ministro xef, ci es la xef de la governa.

Organiza de potia Edit

La organiza de potia en Frans es instituida en la constitui de 1958, cual ia reseta multe cambias. Frans ave un sistema political cual reserva multe potia a la parlamento e a la presidente de la republica.

La parlamento ave la potia de legi. Lo es divideda en du cameras: la Asembla Nasional e la Senato.

La potia de esecuta es de la presidente de la republica, ci es la xef de stato e di la esersito. El ance valida la leges e pote disolve la Asembla Nasional e held elections. El proposa la ministro xef e, seguente se proposas, la membros de la governa.

La potia de judi es separada de otres, an si la presidente de la republica ave la potia de pardona.

Cultura Edit

Lingua Edit

La lingua ofisial es la franses. Lo esas la lingua ofisial de la republica segun la constitui de 1992. Francia ave un politica tre ativa pro la lingua, e esta pote es videda entre otras en la Organisa internasional de la Francofonia. Otra linguas es parlada como ositan, catalan, corsican, euscara e bresonica.

LeteraturEdit

Article xef: Leteratur franses

Dramatistes clasica: Moliere, Pierre Corneille e Jean Racine.

Pos-clasica: Victor Hugo, J-P Sartre, Albert Camus

Poesistes: Victor Hugo.

Simbolistes: Baudelaire, Verlaine, Rimbaud, Apollinaire.

Cosina Edit

La cosina franses es multe conoseda en la mundo con grasias a se produis cultival de cualia: numerosa vinos e cesos.

Jornales Edit

Le plu grande es Ouest-France (con 800 000 suscrivotes). Le Monde (politica sinistra); Le Figaro (politica destra); L'Humanite (comuniste). Ave ance la jornal semanal Charlie-Hebdo, cual gusta provoca la islamistes "pur e dura".

Sportes Edit

Futbol, rugby à 15, bal de mano, bascetbal, Tour de Frans, tennis (Open de Frans a cada anio)...

Campion 2012 de futbol: Montpellier.

Relijio Edit

Pos la leje de 9 decembre 1905, la eglesias es separada de la stato en Frans. La republica ni reconose, ni paga ni suporta finansial al relijios, eseta en Alsasia-Mozel do la catolicismo, du eglesias prtoestante e la iudistes es reconoseda. La catolicisme es ance reconoseda en alga departamentos e en teritorios ultramar.

Relijio Edit

Pos la leje de 9 decembre 1905, la eglesias es separada de la stato en Frans. La republica ni reconose, ni paga ni suporta finansial al relijios, eseta en Alsasia-Mozel do la catolicismo, du eglesias prtoestante e la iudistes es reconoseda. La catolicisme es ance reconoseda en alga departamentos e en teritorios ultramar.


Paises de Europa model
Europa norde Er | Rena Unida | Island | Noria | Sveria | Danmarc | Suomi | Esti | Latvia | Lietuva
Europa ueste Nederland | Beljia | Luxemburg | Deutxland | Suiz | Lictenstain | Osteraic | Frans | Monaco
Europa este Polsca | Txesco | Slovacia | Magiar | Rusia | Bielarus | Ucraina | Moldova | Romania | Balgaria
Europa sude Portugal | Espania | Andora | Italia | San Marino | Site Vatican | Malta | Slovenia | Corvatsca | Bosnia e Hersegovina | Serbia | Cosovo | Tsernagora | Xciperia | Macedonia | Elas | Turcia | Cipros

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.