Franses

From Vici de LFN

Franses (français, pronunsada [fʁɑ̃sɛ]) es un de la linguas roman parlada orijinal en Frans, Beljia, Luxemburg, e Suiz, e oji par sirca 300 milion persones sirca la mundo, como un lingua nativa o du, con cuantias de popla sinifios en 54 nasiones, incluinte Canada, Aiti, e multe nasiones en Africa.

Desendente de la latina de la Impero Roman, con linguas como espaniol, italian, catalan, ositan, romanian, e portuges, la develope de franses ia es influeda par la parlores de linguas celtica en Gaul, e par la lingua germanica de la Frances, la invadores pos-roman.

Franses es un lingua ofisial en 41 nasiones, la plu de ce en la francophonie (la comunia de nasiones ce parla franses). El es un lingua ofisial o dirijal de la Unia African, la Unia Europan, la Corte Internasional de Justia, la Comite Internasional Olimpica, Interpol, la Organiza de la Trata de la Atlantica Norde, la Organiza de Statos American, la Nasiones Unida e tota se ofisias.

Per esemplo, la "Nos Padre" en franses:

Notre Père, qui es aux cieux,

que ton nom soit sanctifié,

que ton règne vienne,

que ta volonté soit faite sur la terre comme au ciel.

Donne-nous aujourd'hui notre pain de ce jour.

Pardonne-nous nos offences

comme nous pardonnons aussi à ceux qui nous ont offensés.

Et ne nous soumets pas à la tentation,

mais délivre-nous du mal,

car c'est à toi qu'appartiennent le règne,

la puissance et la gloire, aux siècles des siècles.

Amen.