FANDOM


Fuga de mori par Paul Celan


Lete negra de la matini

Nos bevi lo a sera

Nos bevi lo a mediadia e a matina

Nos bevi lo a note

Nos bevi e bevi

Nos escava un tomba aerial

Ala on no va es folida



Un om abita a casa

El jua con la serpentes

El scrive

El scrive cuando lo oscuri en Deutxland

Margarete tu capeles orosa

El scrive e sorti ante la casa

E la stelas sintili

El sibila per clama se canes

El sibila per clama se iudis

E fa a los escava un tomba en la tera

El ordina a nos ce on jua aora per dansa



Lete negra de la matini

Nos bevi tu a note

Nos bevi tu a matina e a mediadia

Nos bevi tu a sera

Nos bevi e bevi


Un om abita a casa

El jua con la serpentes

El scrive

El scrive cuando lo oscuri en Deutxland

Margarete tu capeles orosa

Tu capeles senosa Sulamit

Nos escava un tomba aerial

Ala on no va es folida

El cria

Tufa plu profonda vos palas en la tera

E vos canta e dansa

El saisi la fero a se sintur

El brandi lo

Se oios es blu

Tufa plu profonda vos palas en la tera

E vos canta e jua per dansa


Lete negra de la matini

Nos bevi tu a note

Nos bevi tu a mediadia e a matina

Nos bevi tu a sera

Nos bevi e bevi


Un om abita a casa

Margarete tu capeles orosa

Tu capeles senosa Sulamit


El jua con la serpentes

El cria

Jua la mori plu cuieta

La mori es un mestre de Deutxland

El cria

Ta la violines jua plu sombre

E vos fuma asende a sielo

Vos va ave un tomba aerial

Ala vos no va es folida


Lete negra de la matini

Nos bevi tu a note

Nos bevi tu a mediadia

La mori es un mestre de Deutxland

Nos bevi tu a sera e a matina

Nos bevi e bevi

La mori es un mestre de Deutxland

Se oios es blu

El colpa tu con baleta de plomo

El no falta

Un om abita a casa

Margarete tu capeles orosa

El lansa se canes sur nos

El dona a nos un tomba aerial

El jua con la serpentes

El sonia

La mori es un mestre de Deutxland

Margarete tu capeles orosa

Tu capeles senosa Sulamit


(Elefeni Franck Mousset)

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.