FANDOM


Galileo

Galileo Galilei (1564-1642) es naseda en Pisa, Italia, 18 Febrero, 1564, la mesma anio ce William Shakespeare es naseda, e la mesma dia ce Michelangelo es morida. Cuando el ave 18 anios, el descovre la prinsipe de la pendulo. A 22, el inventa la balansia idrostatica. En 1610, pos perfeta se telescopio, el descovre cuatro de la nove lunas de Jupiter (la lunas de Galileo), la anulas de Saturne, e la fases de Venus.

El es plu famos, natural, per la descovre de la lege de gravita, dise ce du cosas de la mesma grandia e forma, ma de pesia diferente, cada a la mesma rapidia tra la mesma media. Es probable un mito ce el mostra esta lege per lasa cada cosas de la tore apoiante de Pisa.

En filosofia, el es la prima person fa la distingui entre cualias prima e cualias du, un idea plu importante per filosofia Engles. Cualias prima es cualias de materia ce pote es mesurada, e donce pote es la sujetos de siensa. Qualias du, a la otra lado, es cualias ce nesesa un vivente con consensa, qualias como gustas, odores, colores, sonas, etc. Sola si esta cualias pote es cambiada a cualias prima pote siensa esamine los.

Galileo pensa ce la teoria de Copernico es fata, e instrui otras ce esa es fata. La eglesa, a contra, e spesial la Jesuistes, pote sola aseta esa si esa es presente como un ipotese, en la mesma modo ce alga fundamentalistes oji sola tolera la instui de evolui si esa es presentada como sola un teoria entre multe.

Galileo indica a se criticantes ce la biblia no ta es lejeda leteral. Si un person leje el a esta modo, el va trova multe nonsensos e contradises. La biblia, el dise, ta es lejeda metaforal. La eglesa no gusta esta idea de Galileo! Esta es du sitas de un nota el scrive a Cristina, la duxesa grande de Toscana:

...No cosa fisical ce la sensas pone ante nos oios, o ce mostras nesesada proba a nos, ta es demandada (o plu, condenada) per la atesta de frases de la biblia, ce pote ave otra sinifias su los parolas.

...Me no sensa un obliga per crede ce la mesma Dio ci done nos sensa, razon, e intelijentia, intende ce nos no usa los.

(tradui de The Age of Reason, par Will e Ariel Durant, orijinal de Galileo's Discoveries and Opinions, par Stillman Drake)

En 1616, la Investiga dise a Galileo ce el nesesa para la instrui de la teoria de Copernico, e condena tota publicis e libros, par tota autores ci presenta la teoria en esta modo. Galileo, posable recorda la fortuna de Bruno sola 16 anios ante, deveni plu silente. Un article par un de se studiantes mali la situa, e Galileo parla con la Papa se mesma. Ma la Papa no move.

Galileo completa se libro supra la teoria de Copernico en alga caso, ma presente esa como un ipotese, en la forma de un conversa entre los ci suporta e los ci condena la teoria. Ma el clamada la parlor anti-Copernico "Simple," e la Jesuistes ataca la libro. Los clamada Galileo plu perilos per la eglesa ce Luther o Calvin!

A 68, entre cuatro investigas, el es menasada con tortura e la Investigores demanda ce el retira se ideas. Galileo refusa, ma un poca min cada ves. Los declara ce el es culpable de eresia. El es restrinje a se casa, ma libre per instrui e scrive. El es multe fortuna.

Galileo mori 8 Janero 1642. Siensa ia sufri un grande colpa en la paises Catolica, con multe siensistes teme de dise se ideas. La sentra de descovre siensal ia move a la paises norde e Protestante, no per Protestantisme es plu tolerante, ma per la eglesas de la paises norde ia ave min autoria legal. En 1835, la eglesa remova se libros de la lista de libros nonpermitada. La eglesa desculpa en 1999.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.