FANDOM


La creol aitian ave un gramatica multe simple. La vocabulo de aitian es per la plu parte de franses, ma la gramatica es simil a la gramatica de otra creoles e pijines tra la mundo.

PronomesEdit

Ave ses pronomes, un per cada combina de person e cuantia. Ave no difere entre la ojeta direta e nondireta.


person/cuantia Creol Forma corta Franses Elefen
1/simple mwen m je, me, moi "me"
2/simple ou (*) w tu, te, vous "tu"
3/simple li l il, elle, on "el"
1/plural nou n nous "nos"
2/plural nou or ou (**)   vous "vos"
3/plural yo y ils, elles "los"

(*) alga veses on scrive ou como w - en la esemplos, w indica ou.
(**) varia con la situa.

PoseseEdit

Posese es indicada par pone la posesor pos la cosa posesada. Esta es simil a la construi franses "chez moi" o "chez lui" (me casa, se casa).

Aitian Elefen
lajan li se mone
fanmi mwen, fanmi m me familia
kay yo se casa(s)
papa ou, papa w tu padre
chat Pyè a la gato de Petro
chèz Mari a la seja de Maria
zanmi papa Jan la ami de la padre de Joan
papa vwazen zanmi nou la padre de la visina de nos ami

ArticlesEdit

Aitian ave un article de nondefini yon, simil a un en elefen. El es derivada de la franses il y a un ("el ala ave un" o "ave un"). Esta es usada sola con nomes nonplural, e el es poneda ante la nom.

Aitian Elefen
yon kouto un cotel
yon kravat un cravata

Aitian ave ance un article de defini, simil a elefen "la". El es poneda pos la nom, e la sona varia dependente a la sona final de la nom. Si la sona final es un vocal segueda par un consonante, ambos nonasal, la article es la.

Aitian Elefen
kravat la la cravata
liv la la libro
kay la la casa

Si la sona final es un vocal nasal segueda par un consonante nonasal, la article es lan.

Aitian Elefen
lanp lan la lampa
bank lan la banco

Si la sona final es un consonante segueda par un vocal, ambos nonasal, la article es a.

Aitian Elefen
kouto a la cotel
peyi a la pais

Si la sona final es un consonante nasal segueda par un vocal nonasal, la article es an.

Aitian Elefen
fanmi an la familia
mi an la mur

Si la sona final es un vocal nasal, la article es an.

Aitian Elefen
chien an la can
pon an la ponte

E si la sona final es un consonante nasal, la article es nan.

Aitian Elefen
machin nan la auto
telefòn nan la telefon
madanm nan la fem

La plural de un nom no es indicada par cambia la nom. En loca, on ajunta yo pos la nom, cual indica ambos pluralia e defini, como "la ...-s" en elefen. Pluralia no es indicada per nomes nondefini, e pote es deduida par la situa.

Aitian Elefen
liv yo la libros
machin yo la autos
Fi yo mete wòb La fias pone roba(s)

Aitian ave sola un parola - sa - ce coresponde a la parolas franses "ce", "ceci", e "ça", e la parolas de elefen "esta" e "acel". Sa es comun seguente par a o yo per marca la cuantia.

Aitian Elefen
jaden sa (a) bèl Esta jardin es bela

Como en elefen, sa pote es ance usada como un pronom.

Aitian Elefen
sa se zanmi mwen esta es me ami
sa se chien frè mwen esta es la can de me frate

VerbosEdit

Multe verbos en aitian es la mesma como la verbos infinitivo de franses, ma los es speleda fonetical. Verbos en aitian ave sola un forma e cambias de tempo, etc, es fada par la uso de particulos.

Aitian Elefen
Li ale travay le maten El vade labora a la matina
Li dòmi le swa El dormi a la sera
Li li Bib la El leje la Biblia
Mwen fè manje Me prepara la come
Nou toujou etidye Nos studia sempre

"Es" es espresada en aitian par du parolas - se e ye. Se es usada per junta un sujeto con un completante.

Aitian Elefen
Li se frè mwen El es me frate
Mwen se yon doktè Me es un doctor
Sa se yon pye mango Acel es un arbor mango
Nou se zanmi Nos es amis

La sujeto sa o li pote es ometeda a alga veses cuando usada con se.

Aitian Elefen
Se yon bon ide Acel es un bon idea
Se nouvo chemiz mwen Esta es me camisa nova

Per indica la futur, on usa vin - "deveni" - en loca de se.

Aitian Elefen
L ap vin bòfrè m El va es me frate par sposi
Mwen vle vin yon doktè Me vole deveni un dotor
Sa ap vin yon pye mango Acel va deveni un arbor mango
N ap vin zanmi Nos va es amis

Ye sinifia ance "es", ma es usada sola a la fini de frases, pos la verbo e la sujeto, en esta ordina.

Aitian Elefen
"Ayisyen mwen ye" = "Mwen se Ayisyen" Me es aitian
Ki moun sa ye? Ci es acel?
Kouman ou ye? Ci tu es?

On no usa un verbo per "es" cuando la completante es un ajetivo. La ajetivo es usada como un verbo. Donce malad sinifia ambos "malada" e "es malada".

Aitian Elefen
M gen yon zanmi malad Me ave un ami malada
Zanmi mwen malad Me ami es malad

La verbo "ave" es genyen, comun cortida a gen.

Aitian Elefen
Mwen genyen lajan nan bank lan Me ave mone en la banco

Esta verbo indica ance la esiste de alga cosa, como "ave" en lfn.

Aitian Elefen
Gen anpil Ayisyen nan Florid Ave multe aitianes en Florida
Gen yon moun la Ave algun asi/ala
Pa gen moun la Ave nun asi/ala
Mwen genyen match la Me ia gania la max

Konn o konnen sinifia "conose".

Aitian Elefen
Èske ou konnen non li? Esce tu conose se nom?
M pa konnen kote li ye Me no conose do el es

(nota pa sinifia "no")

Konn - ma no konnen - sinifia ance "sabe".

Aitian Elefen
Mwen konn fè manje Me sabe coce (leteral: "me sabe fa come")
Èske ou konn ale Ayiti? Esce tu ia vade a Aiti? (leteral: "Esce tu sabe como vade a Aiti?")
Li pa konn li fransè El no pote leje franses (leteral: El no sabe leje franses)

sinifia "fa". El ave multe sinifias simil e es usada en multe frases idiomal.

Aitian Elefen
Kouman ou fè pale kreyòl? Como tu ia aprende parla aitian? (leteral: "Como tu ia fa parla aitian?")
Mari konn fè mayi moulen. Maria sabe como fa gaxa de mais

Kapab (comun cortida a ka, kap, o kab) sinifia "pote".

Aitian Elefen
Mwen ka ale demen Me pote vade doman
Petèt m ka fè sa demen Posable me pote fa acel doman

TempoEdit

Verbos en aitian no cambia per tempo o otra formas. On usa sola un forma con particulas varios. La forma simple es usada per ambos la presente e la pasada.

Aitian Elefen
mwen pale kreyòl me parla creol
mwen manje me ia come

(Nota ce manje es usada como "come" en elefen - per ambos la ata e la cosa. m ap manje bon manje sinifia "me come bon come")

Per otra tempos, on usa parolas spesial ante la verbo.

Particulo Tempo Comentas
te pasada simple
tap (o t ap) pasada continuante un ajunta de te e ap
ap presente continuante con ap e a (a su), la pronomes deveni corta - m ap, l ap, n ap, y ap, etc.
a futur con alga limitas de usa
pral futur prosima o esata tradui como "vade"
ta futur dependente un combina de te e a

Pasada simple o pasada perfeta:

mwen te manje - me ia come, me ia come ja

Pasada continuante:

mwen t ap manje - me ia es comente

Presente continuante:

m ap manje - me es comente

Nota: On ajunta comun la espresa per "aora" pos la presente continuante.

m ap manje kounye a - me es comenta aora.

Ance, esta esemplos pote ave la sinifia "va come" en alga situas.

m'ap manje apres mwen priye - me va come pos me prea
mwen p'ap di sa - me no va dise acel

Futur prosima o esata:

mwen pral manje - me va come pronto

Futur:

n a wè pita - Nos va vide tu plu tarde

Otra esemplos:

mwen te wè zanmi ou yè - Me ia vide tu ami ier
nou te pale lontan - Nos ia parla longa
lè li te gen uit an... - Cuando el ave oto anios...
m a travay - Me va labora
m pral travay - Me vade labora
n a li l demen - Nos va leje el doman
nou pral li l demen - Nos va vade leje el doman
mwen t ap mache e m wè yon chyen - Me ia es pasea e me ia vide la can

Otra particulos per tempo inclui fèk e sòt, ce indica la pasada resente. Estas es usada comun la un con la otra:

Mwen fèk sòt antre kay la - Me veni de entra la casa

Un particulo de moda es ta, simil a "ta" en elefen, e egal a la moda ipotesal en franses:

Yo ta renmen jwe - Los ta vole jua
Mwen ta vini si mwen te gen yon machin - Me ta veni si me ta ave un auto
Li ta bliye w si ou pa t la - El ta oblida tu si tu no ta es asi

La parola pa vade ante la verbo e otra particulos per nega la verbo:

Woz pa vle ale - Rosa no vole vade
Woz pa t vle ale - Rosa no ia vole vade

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.