FANDOM


Homero
Homero
Pais Elas
Profesa Poesior
Dia de nase Sentenio 8 AEC
Loca de nase
Dia de mori Sentenio 8 AEC
Loca de mori

Homero es un poesior lejendal de Elas antica. La costum dise ce el es la autor de la Iliada e la Odisea, du poesias epica.

La elinicas antica crede jeneral ce Homero es un individua istorial, ma scolores moderna duta. On reseta no informa biografial confidable de la anticia clasica, e la poesias mesma representa clar la culmini de multe sentenios de nara parlada e un sistem bon developada de composa poesial par formulas.

On disputa la via par ce la poesias ariva a se forma scriveda final, e la rol de un o plu poetas en esta prosede. Alga scolores opina ce ambos poesias es creada par un jenio individua ci trova multe de se materia en naras costumal varios. Otras dise ce la epicas evolui lenta tra un periodo de sentenios, par multe jeneras de poesiores.

On regarda Homero como padron de tota leteratur seguente. El mostra se como un jenio de istoriografia, drama e filosofia par la partes comica e trajedial de se epicas.

ViveEdit

La data de vive de Homero es controversial en la tempo antica, como ance oji. Herodoto dise ce Homero vive a 400 anios ante se tempo propre, ce situa el a sirca 850 AEC; ma otra fontes antica dona datas multe plu prosima a la tempo suposada de la Gera de Troia.

Per la scolores moderna, "la data de Homero" referi tan a la data de consepi de la poesias como a la vive de un individua. On acorda jeneral ce los veni de la fini de la sentenio 9 AEC o de la sentenio 8, ce la Iliada presede la Odisea, e ce la Iliada es la opera la plu vea de leteratur ueste.

LejendasEdit

La anticas inventa naras rica supra la loca de nase de Homero. Per esemplo, la scrivor Lusiano imajina ce el es un babilonian su nom de Tigranes, ci adota la nom de Homero cuando la elinicas prende el como ostaje.

La varia la plu frecuente dise ce Homero nase en la site de Smirna en Ionia (oji Izmir) en Turcia), o sur la isola de Cios, e ce el mori sur la isola Ios. Un lejenda dise ce se nom orijinal es Melesigenes, ce sinifia "naseda par Meles" — Meles es un rio asta Smirna. La testo de la poesias mesma conteni detalias ce sujeste un familialia con la jeografia de acel area.

La asosia con Cios veni a la min de un informa par Semonides, un poesior de la sentenio 7 AEC, ce un linia en la Iliada es scriveda par "la om de Cios". Pare ce un spesie de corpora de bardes ia esiste sur Cios, su nom de "fios de Homero".

La nom de Homero es omofon con la parola elinica per "ostaje". La anticas ia clari esta par dise ce, como un ostaje, Homero es obligada segue un otra, car el es sieca. Un pasaje en la Odisea descrive Demodoco, un barde sieca en la corte de la re de la feasianes.

LinguaEdit

La lingua usada de Homero es un varia antica de elinica ionian, con cualias introduida de otra dialetos como eolian. El deveni la base de la lingua de la epicas elinica seguente.

La poesias de Homero es composada en exametres datilal.

La alfabeta elinica es adotada de un silabario fenesian sirca 800 AEC, e pare ce on scrive la poesias de Homero pronto pos esta data: un enscrive de sirca 740 AEC trovada sur la isola de Iscia pare referi a un testo de la Iliada.

Nos sabe poca la state temprana de la poesias, ma editores en la sentenio 2 AEC stabli se testo, e cada varia moderna desende de esta.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.