FANDOM


Idiom neutral es un lingua aidante internasional, publicida en 1902 par la Akademi Internasional de Lingu Universal, su la xefia de Waldemar Rosenberger, un injenior de San Petersburg, Rusia.

Istoria Edit

La Academia, creada con la nom Kadem bevünetik volapüka a la confere en Munich en agosto 1887, ia es fundada per conserva e perfeti la lingua aidante volapük. Su la xefia de Rosenberger, ci ia deveni la diretor de la Academia en 1892, la grupo ia comensa cambia la gramatica e la vocabula. La plu de la vocabula ia es cambiada a parolas plu simil a los de la linguas de Europa ueste, e formas gramatical de volapük ce no ia es simil a esta linguas ia es desprendeda. La resulta ia es un lingua nova, cual ia es nomida "idiom neutral". La nom de la Academia ia es cambiada a "Akademi Internasional de Lingu Universal" en 1898.

Disionarios con la gramatica ia es publicida en linguas european varios en 1902 e 1903. Rosenberger ia comensa publici un jornal nomida Progres. La lingua ia es un de la linguas considerada en la confere de linguistes ce reuni en Paris en 1907 per eleje un lingua aidante internasional. La confere ia eleje ido, un varia de esperanto.

En 1908, la Akademi ia abanda idiom neutral per latino sine flexione, un simpli de latina creada par la matematiciste Giuseppi Peano. Peano ia es asiniada como la diretor nova de la Akademi, e la nom ia es cambiada a Academia pro Interlingua.

En 1912, Rosenberger ia publici un varia reformada de idiom neutral nomida reform-neutral.

Spele e pronunsiaEdit

Idiom neutral usa 22 leteras de la alfabeta latina. La vocales es pronunsiada como en espaniol, e du vocales es pronunsiada separada, no como diftongos. La consonantes es pronunsiada como en elefen, esetante ce c es pronunsiada como "tx" en elefen, sh como "x", k es usada per "c", e y per "i" consonantal. La leteras q, w, x, e z no aveni. La regulas per asentua es simil a los de elefen. Esetas es indicada par un asentua agu.

Gramatica Edit

Idiom neutral no ave infletas per la casos gramatical. La plural es indicada par ajunta i a la fini de la parola.

Normal, ajetivos segue se nomes. Ajetivos no cambia per acorda con se nomes.

Per compara ajetivos, on usa plu... ka..., minu... ka..., leplu..., leminu..., e tale... kuale....

Tota ajetivos pote es usada como nomes, como en elefen.

Idiom neutral no ave articles de defini o nondefini.

Averbos es creada par ajunta e a ajetivos.

Alga preposadas es creada de otra parolas par ajunta u. Per esemplo, la ajetivo relativ deveni relativu (relativa a...).

PronomesEdit

singular plural
person seso sujeto/ojeto posese sujeto/ojeto posese
1 mi mie noi nostr
2 vo votr voi vostr
3 mas il sie ili lor
fema ila ilai
cosa it ili
  • on - on
  • se - se (refletante)
  • sue - de se (posese de refletante)

Pronomes de mostra:

  • ist, ist-kos, isto, ista, isti, ist-kosi - esta (jeneral, cosa, mas, fema, plural, cosas plural)
  • el, el-kos, elo, ela, eli, el-kosi - acel (jeneral, cosa, mas, fema, plural, cosas plural)

Pronomes de demanda e relata:

  • ki - ci
  • kel, kekos, kelo, kela, keli, kekosi - ci, ce, cual (jeneral, cosa, mas, fema, plural, cosas plural)

VerbosEdit

  • Infinitivo: amar - ama
  • Presente: mi am - me ama
  • Pasada: mi amav - me ia ama
  • Futur: mi amero - me va ama
  • Ipotesal/sujuntiva: mi amerio - me ta ama

Comandas:

  • Comanda, person du singular: ama! - (tu debe) ama!
  • Comanda, person du, plural: amate! - (vos debe) ama!
  • Ortativa, person un, plural: amam! - nos debe ama, ta ce nos ama!

Partisipios:

  • Partisipio ativa/presente: amant - amante
  • Partisipio pasiva/pasada: amed - amada

La formas perfeta (e la pasada de la ipotesal/sujuntiva) es creada con la verbo avar (ave) e la partisipio pasiva:

  • Presente perfeta: mi av amed - me ama ja, me ia ama ja (ante aora)
  • Pasada perfeta: mi avav amed - me ia ama ja (ante alora)
  • Futur perfeta: mi avero amed - me va ama ja (ante alora)
  • Ipotesal/sujuntiva pasada: mi averio amed - me ta ama (en la pasada)

La formas pasiva es creada con la verbo esar (es) e la partisipio pasiva:

  • mi es amed - me es amada
  • mi averio esed amed - me ta es amada
  • etc

Per un gramatica completa, vade a http://www.pagef30.com/2010/05/complete-grammar-of-idiom-neutral.html

Esemplos Edit

Aparati deb esar adresed a shef de stasion Peterburg e deb esar asekured per vo e per votr kont; if aparati u partii de ili esero ruined u perded in voyaj, vo deb mitar nemediate otri, plasu aparati e partii ruined u perded.

"La aparatos debe es dirijeda a la xef de la stasion de san Petersburg e debe es securida par tu e par tu conta; si la aparatos o partes de los es ruinada o perdeda en la viaja, tu nesesa envia otras direta en loca de la aparatos e partes ruinada o perdeda."

Publikasion de idiom neutral interesero votr filio, kel kolekt postmarki, kause ist idiom es lingu praktikal pro korespondad ko kolektatori in otr landi.

"La publici de idiom neutral va interesa tu fio, ci colie selos de posta, car esta lingua es un lingua pratical per coresponde con coliores en otra paises."

Fonte Edit

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.