La ruinas a Machu Picchu

La sivilia de la Incas ia comensa como un tribu en la area de Cuzco, de Peru moderne. Asi, la Sapa Inca (xef de la incas) prima de mito, Manco Capac, ia funda la Rena de Cuzco sirca 1200. Su la xefia de la desendentes de Manco Capac, la stato ia crese par asorba de otra comunias de la Andes. En 1442, la Incas comensa un grande crese su la xefia de Pachacutec. Se nom sinifia leteral "la tremente de la tera." El ia forma la Impero de la Incas (Tawantinsuyu), ce deveni la impero plu grande en la Americas ante Colombo.

La impero ia sufri de un gera entre partes, con la frates Huascar e Atahualpa combata un la otra. La concistores espaniol, gidada par Francisco Pizarro, ia usa la acaso per concista la teritorio de la Incas en 1533. En la anios seguente, la concistores ia es capas de uni se potia supra la area de la Andes total. Los ia supresa la rebelas de la Incas multe veses asta la funda de la Visrealia de Peru en 1542. La cada final de la Incas a Vilcabamba en 1572 ia fini se resista a la espanioles. Ma multe de se costumes cultural resta en grupos etnica como la popla cetxua e la popla aimara.