FANDOM


Italia
Bandera de Italia Scermo eraldial de Italia
Italiaeneuropa
Informa jeneral
Capital: Roma
Lingua ofisial: Italian
Dirije
Governa: Republica
- Xef de stato: Sergio Mattarella
- Xef de governa: Matteo Renzi
Otras
Area: 301,230 km²
Popla: 60 782 897
Densia: 202
PIB: US$ 1 832 916 milion
Mone: Euro
Zona de ora: +1/+2 (estate)
Numero de telefon: +39
Interede: .it
It-map


Italia (ofisial Republica Italian, en italian: Repubblica Italiana) es un pais en Europa sude. En la norde el ave la Alpes, do borda con Frans, Suiz, Osteraic i Slovenia. La statos de San Marino e la Site Vatican es du enclaves en la teritorio italian. La site capital, e la site la plu grande, es Roma. Italia es 301,230 cilometres cuadrida e la cuantia de popla en 2016 ia es sirca 61 milion.

La ministro prima (2011-3) ia es Mario Monti. Aora (2013) es sr Enrico Letta (Partito Democrata) en coalisia con sr Berlusconi.

El es la pais tre en Europa par cuantia de turistes per anio.

Italia es un de la paises la plu industrial de la mundo e el es un pais developada con un cualia de vive alta.

Etimolojia Edit

La suposas sur la etimolojia de la nom Italia es multe numeros e la corpo de solves proposada per istoristes e linguistes es multe larga. Seguente un de la esplicas la plu comun, la nom Italia, de la latina Italia, ia es emprestada tra la elinica de la oscan Víteliú, cual sinifia "pais de la boves joven" (en latin, vitulus es "boveta"). La bove ia es un simbol de la tribus de la sude de Italia.

Istoria Edit

Article xef: Istoria de Italia

Preistoria Edit

La popli de la teritorio italian ia comensa en la preistoria, un epoca de cual on ia trova atestas importante arceolojial.

Entre la sentenio 18 aec e la 2 aec ia esiste en Sardinia la cultur nuragal. Durante la eda de fero ia susede varia cultures cual pote es divideda en tre areas xef: Lazio antica, Magna Elas e Etruria.

Eda antica Edit

La Roma antica ia es un comunia peti cultival fondeda en la sentenio 8 aec, cual ia grandi tra la sentenios per deveni un impero enorme cual ia ensirca la Mar Mediteraneo intera, en cual la culturas de Elas antica e Roma ia fusa en un sivilia. Esta sivilia ia es tan influente ce partes de el survive en la lejes, la dirije, la filosofia e la arte moderna cual formi la base de la sivilia ueste.

En un declina lenta de la parte tarda de la sentenio 4, la impero a fini ia rompe en du partes en 195 ec: la Impero Roman Ueste e la Imperio Roman Este. La parte este, su la presa de la frances, la vandales, la hunes, la gotas e de otra poplas de Europa este, a fini ia disolve, lasante la penisola italian como divideda en renas peti e autonom e en statos de site per la 1 300 anios seguente.

Eda medieval Edit

En la sentenio 6 la Imperor Bizantian Justiniano ia reconcista Italia de la ostrogotas. La invade de un onda nova de tribus germanica, la langobardas, tarda en la mesma sentenio, ia redui la presentia bizantian a la Esarcia de Ravenna e otra teras en Italia sude. La rena langobarda en Italia norde e sentral ia es asorbeda par la Impero Franco per Carlo la Grande en la parte tarda de sentenio 8. La res franco ia aida ance la Papas constitui un stato vera en Italia central, de Roma asta Ravenna. Asta la sentenio 13, la governia italian ia es dominada per la relata entre la Imperores de la Impero Roman Santa e la Papas, con la plu de la statos italian en alia con un o la otra seguente la oportun de la momento.

Uni Edit

La ariva en Italia de la armadas de Napoleon ia crea un senti nasional, reclamada en la proclama de Rimini.

Italia ia es unida en 1861.

Rena de Italia Edit

La Rena de Italia ia es un paso cual ia nase pos la uni de Italia gidada par Vittor Emmanuele 2 ci ia es coronida como Re de Italia en 1861. La Rena de Italia ia partisipa en la du geras mundal. Pos la Gera Mundal 2, a 2 maio 1946, el ia es proclamada como la Republica Italian.

Faxisme Edit

La revoltas sosialiste cual ia segue la ruina de la Gera Mundial Un, inspirada per la Revolui Rusce, ia gida la contrarevolui e represa a tota partes de Italia. La instituida libriste, temente un revolui de la stilo soviet, ia comensa validi la peti Partito Nasional Faxiste, gidada par Benito Mussolini de sua fundi en 1919. El ia oteni potia pos la Marxa a Roma.

Italia su la Faxistes ia concista Itiopia e Xciperia.

Republica Edit

Italia ia deveni un republica pos la referendo fada la 2 junio 1946. Lo ia es la prima ves ce la femes ia pote vota. Umberto 2, fio de Vittorio Emmanuele III, ia es forsada a renunsia e esclui. La Constituida de la Republica ia es aprobada la 1 janero 1984. Italia ia perde sua colonias, fininte con la Impero Italian.

Governa Edit

La politica es fundida en un sistem republiciste parlamentiste con democratia tipal de 2 junio 1946, cuando la monarcia ia es abolida par referendo poplal. La potia de esecute es en la Consilio de ministros cual es gidada par la xef de governa (Presidente del Consiglio dei Ministri), nonformal nomida "ministro prima". La legeria es la parlamento e la Consilio de ministros. La juderia es autonom de la esecutores e la legeria. El es un sistem multipartital. En la sude, la mafia ave tan multe potia como la stato e el controla la jornales dial, la judis e la polisia.

La ministro prima ante 2011, Silvio Berlusconi, es acusada de froda e ia es elejeda a du veses per la posto.

26 febrero 2013 es la eleje jeneral. No ave vinsor.

20 april 2013 - La congreso reeleje sr. Giorgio Napolitano (1932-) como presidente en la eda de 87 anios.

Maio 2013 - la PM nova es sr Enrico Letta (Partito Democrata).

Jeografia Edit

Italia es locada en Europa Sude, entre la latitudes 35° e 47° N e la lonjitudes 6° e 19° E.

La isolas xef es Sicilia e Sardinia.

Un isola de Italia es Giannutri.

La revela presenta cuatro unias grande areal:

  • norde: Alpes
  • sude: campo penisolal relevada par la Apeninos.
  • entre los es la plano de la Po
  • la isolas volcanal.

Sites xef Edit

Roma, la site capital, es la site xef de Italia.

Un otra site importante es Milan, la site capital de la moda.

Clima Edit

La clima italian ave cualias mediteraneo ma el ave varias regional.

Economia Edit

Cultiva Edit

La campo cultival (ance la cultiva de foresta), an con la esele e la spesiali alta atenida, representa un parte minima de la economia nasional.

Enerjia Edit

Italia, comparada con otra paises de la Uni Europea, depende plu alta de la emporta de material cru e idrocarbones (gas e petrolio).

Par causa de la manca de depones importante, la plu de la materiales cru e 75% de la enerjia debe es emportada.

Turismo Edit

La turismo es un de la campos con la plu crese en la economia nasional con 43,5 miliones de turistas per anio e un intera de 42 700 miliones de dolares jenerada. En esta modo, Italia es la pais cuatro de la mundo par turismo. Roma, la site capital, es un de la destinas la plu visitada de la mundo, con un promedia de 7 a 10 miliones de turistas per anio.

Demografia Edit

Linguas Edit

Dialetos - Italian

En Italia la lingua ofisial es italian e el es la plu parlada.

El es un de la linguas ofisial de la Uni European. Italian es un lingua romanica, cual es un parte de la linguas indo-european. El ave multe linguas e dialetos cual ia evolui de la forma autonom de italian.

A nivel local, alga linguas es reconoseda:

Altra linguas parlada en Italia es:

Multe linguistes crede ance ce alga dialetos es vera linguas separada:

Relijio Edit

La catolicisme es la relijio xef de Italia.

Cultur Edit

Cosini Edit

Per la cosini italian la descovre de America ia es multe importante, car el ia oteni produidas nova como la patata, la tomate e la mais.

La platos la plu conoseda es la piza e la pasta.

Arte Edit

Sculta Edit

La sculta de Roma es orijinal, ma el ave influes elinica (la plu de la sculta roman es copias de la elenica).

Musica Edit

La prima creada musical cual on considera como un opera es de la anio 1597. El es Dafne, scriveda par Jacopo Peri per un sirculo de amis conoseda como Camerata Fiorentina. El ia es un atenta de revive la trajedia elinica de la Renase.

Siensa Edit

La contribui italian a la siensa es multe importante. Galileo Galilei, considerada como la fundor de la siensa, e Leonardo da Vinci, considerada la jenio umana la plu grande, ia es italianes.

Matematica Edit

Contribuores fundal italian es Leonardo Fibonacci, ci ia introdui la numeros arabi; Niccolò Tartaglia, ci ia solve la egalis cubo, e Girolamo Cardano e Paolo Ruffini ci ia contribui a la aljebra.

Otra matematicistes italian es Jacopo Riccati, Ulisse Dini, Vito Volterra, Guido Fubini, Renato Caccioppoli, Ennio De Giorgi e Enrico Bombieri.


Paises de Europa model
Europa norde Er | Rena Unida | Island | Noria | Sveria | Danmarc | Suomi | Esti | Latvia | Lietuva
Europa ueste Nederland | Beljia | Luxemburg | Deutxland | Suiz | Lictenstain | Osteraic | Frans | Monaco
Europa este Polsca | Txesco | Slovacia | Magiar | Rusia | Bielarus | Ucraina | Moldova | Romania | Balgaria
Europa sude Portugal | Espania | Andora | Italia | San Marino | Site Vatican | Malta | Slovenia | Corvatsca | Bosnia e Hersegovina | Serbia | Cosovo | Tsernagora | Xciperia | Macedonia | Elas | Turcia | Cipros

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.