FANDOM


Per plu, vide la categoria de jenetica.
DNA Overview2

La molecula ADN

Jenetica (de la elinica antica γενετικός, de γένεσις - "orijina"), un sucampo de biolojia, es la siensa de jenes, erita, e la varia de viventes. La fato ce viventes erita cualias de se jenitores ia es usada de edas preistorial per boni plantas e animales par reprodui distinguinte. Ma la siensa moderna de jenetica, cual atenta comprende la prosedes de erita, comensa sola con la laboras de Gregor Mendel en la media de la sentenio 19. An si el no ia conose la funda fisical per erita, Mendel ia oserva ce viventes erita cualias par unias unica de erita, cual nos nomi aora jenes.

Jenes coresponda a areas en ADN, un molecula composada de un cadena de cuatro tipos de nucleotidos. La segue de esta nucleotidos es la informa jenetical cual viventes erita. ADN aveni natural en la forma de un cadena duple, con nucleotidos a cada lado de la cadena completinte la un la otra. Cada dui de la cadena pote ata como un model per la crea de un cadena nova completa. Esta es la metodo per crea copias de jenes cual pote es eritada.

La segue de nucleotidos en un jene es traduida par selulas per produi un cadena de aminoasidas, cual forma protenas. La ordina de aminoasidas en la protena coresponda a la ordina de nucleotidos en la jene. Esta relata entre la segue de nucelotidos e la segue de aminoasidas es nomida la codigo jenetical. La aminoasidas en un protena determina como el plia per deveni un forma tredimensional. Esta strutur determina alora la rol de la protena en la selula. Protenas esecuta cuasi tota la roles nesesada par la selulas per vive. Un cambia a la ADN en un jene pote cambia la aminoasidas en un protena, cual cambia se forma e rol. Esta pote ave un efeto dramatica en la selula e en la vivente total.

An si jenetica ave un rol grande en la apare e condui de viventes, es la combina de jenetica con la esperia de la vivente cual determina la conclui ultima. Per esemplo, en cuando jenes ave un rol en determina la grandia de un vivente, la nuri e otra cosas ave ance un efeto grande.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.