FANDOM


Jirafa

Jirafa

La jirafa (Jirafa camelopardale) es un mamal african de la grupo de ungulatos con ditos duable. El es la animal esistente la plu grande cual vive sur la tera. La nom es de la parola arabi الزرافة (ziraafa), e la nom siensal de la spesie refere a la marcas a se pelo, cual sembla los de la leopardo, e se fas, cual sembla el de la camel.

La pesia de un jirafa mas adulta es sirca 1200 kg, e el de un fem adulta es 830 kg. Los es entre 4.3 metres e 5.2 metres en altia, e la recordo per un mas es cuasi 6 metres.

La jirafa es relatada a otra ungulatos con ditos duable, como servos e boves, ma es un un familia separada - la jirafide - cual conteni sola la jirafa e se relata, la ocapi, e alga relatas estinguida. La jirafa abitua en la area de Txad en Africa sentral a Sudafrica, normal en la savanas, areas erbos, e forestas abrida. Cuando comedas es rara, jirafas pote vade a areas con plantas plu densa. Los prefere areas con multe acasias. Los pote bevi cuantias grande de acua cuando disponable, cual permete ce se vive per periodos longa en areas seca.

La pelo de la jirafa es plen de antimicrobiales e antiparasitales cual ata como un defende cimica, e dona la odor tipal de la animal. Ave a min des-un cimicas odoros en la pelo. Car mases ave un odor plu forte ce la femas, naturalistes suspeta ce la cimicas ave ance un rol sesal.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.